[loopzar]

一定要入黎睇 各CHING唔好比人呃會加價


【明報專訊】地震對供港日本 製電子產品的影響仍未明朗之際，本港有零售商「率先」將部分數碼相機加價一成或以上，聲言貨源不穩，「再唔買就斷貨」，但有日本攝影器材生產商強調，地震暫未波及供港貨品，亦沒有要求零售商加價。

店員聲稱廠房「冧晒」存貨少

本港較受歡迎的數碼攝錄器材，多產自日本。本報記者周二到旺角 數間商舖觀察，發現多款日本品牌數碼相機，不論「DC仔」，還是「單鏡反光機」，價格均比地震前上漲，好像百老匯及豐澤等連鎖電器零售商，佳能（Canon）數碼相機PowerShot S95，月初售價約3080元，目前上調至3480元，加幅近13％；數碼單鏡反光相機EOS 60D套裝，更由9000元內，漲價至10,980元，加幅逾22％；藝康（Nikon）數碼單鏡反光相機D700，由震前17,000元以下，漲至19,300元。上述3款相機的價格，均為供應商建議零售價的上限。

針對價格飈升，接受查詢的商戶店員一致表示，日本地震導致產品到港供應不穩，存貨有限，加價在所難免。百老匯有店員更聲稱「Nikon廠房冧晒」、「Canon生產線停頓」，並指是供應商要求商戶加價，又稱店內存貨所餘無幾，即將缺貨﹕「有錢都買唔到」。

百老匯嘆取貨難 已貼近建議零售價

百老匯董事長李子良接受查詢時指前線店員的資料不準確，又強調過去只是向顧客提供折扣，現時是貼近供應商的建議零售價。他更大吐苦水，以佳能為例，供應商向商戶封倉不交貨，「我口地完全拎唔到貨！」

Nikon：日廠房未受損

但佳能向本報表示，日本有5個位於災區周邊的廠房，因電力供應問題停止運作，涉及不同零件，日本總部正協調其他未受影響廠房填埔空缺，強調出口香港的貨品目前未有延誤或減少；公司亦從未要求零售商改動價格。

藝康香港營業及市場部總經理尹競生表示，在日廠房未有受損，但部分機器需時調整，聞說部分廠房已復工，不過由於相機牽涉零件眾多，無法保證相機等生產會否受波及，「欠一粒零件都不能出廠」。但他強調，公司方面並無要求更改零售價格。

明報記者 阮穎嘉

http://hk.news.yahoo.com/article/110323/4/neta.html

[EagleChui]

Just simple Supply and Demand phenomeon. Nothing special.

[nobody123]

通賬下樣樣都加，現在已不存在呃不呃人，而係因利乘便，加定先!

[ireneroy]

Agreed, simply depends on demand and supply

[a0097]

乂鐵都加價，可加可斬！
樣樣都加，通漲今次就當佢加價先，
下次通卜都係加價就係斬！
明未。

[madwithstocking]

But as i know, even no earthquake, Canon will raise their official price by 5% from 1 April wor...............

[jaegerlecoultre]

>> 現在已不存在呃不呃人
=========================

係存在有人 “呃人”，摟住就係提示緊我地：



供應商強調出口香港的貨品目前未有延誤或減少：
d sales 講大話，呃顧客，接受查詢的商戶店員一致表示，日本地震導致產品到港供應不穩，存貨有限

供應商亦強調從未要求零售商改動價格：
d sales 講大話，呃顧客，話供應商要求商戶加價。

供應商話在日廠房未有受損：
d sales 講大話，呃顧客，店員更聲稱「Nikon廠房冧晒」、「Canon生產線停頓」。


以上所有詐騙，都不能拿 supply and demand 來做藉口。

[look_yau]

>>> 係存在有人 “呃人”，摟住就係提示緊我地：

x2 其實加價就加價。不過好多 Sales 都鍾意亂噏

[thetheday]

將心比已, 如果盤生意係自己就唔同晒架喇, 賣支一萬蚊鏡頭先賺得一二百, 掉轉係我都借勢賺番D啦.

[bye2]

well..

D sales 又唔抵幫... 只係一句: "公司話要加價, 冇得再平"
已經講完, 唔洗自己加個理由去合理化佢...


不過, 明碼實價, 又點呃你呢...
我諗大部份人只係重點係: "公司亦從未要求零售商改動價格。"

但係:
百記: "以佳能為例，供應商向商戶封倉不交貨，「我口地完全拎唔到貨！」"

咁你話即係點呢...

仲有:
佳能: "日本有5個位於災區周邊的廠房，因電力供應問題停止運作，涉及不同零件，日本總部正協調其他未受影響廠房填埔空缺"

藝康: "但部分機器需時調整，聞說部分廠房已復工，不過由於相機牽涉零件眾多，無法保證相機等生產會否受波及"

----
不如咁囉... 以後零售商賣 canon / nikon 野果陣, 全部公價冇得傾... 大家唔洗煩... XDDD

[crazybean]

依個留言版, 其實有好多二手佬同細舖嘅人睇緊,

總之, 買家就自己醒目啦...

[ssannwong]

>>零售商賣 canon / nikon 野果陣, 全部公價冇得傾

咁就PK lor~ HK零售商一向有打折, 仲送好多野~

老作理由係sales唔啱, 但個價貼返上建議價, 咁都仍在情理之內

香港買機比起大陸日本一向抵, 比起歐美HK又冇關稅冇Sales Tax, 不過HK好多消費者就係咁, 對自己有利就當應份既, 有折都再講價, 冇價講就鬧人黑店。 家下連折都冇仲唔鬧死人咩~

如果零售商對供貨有懷疑, 以前夠貨一年賣十萬部每部賺20%, 今年貨源出問題, 懷疑得5萬部賣, 而建議價明明俾你賺夠40%。要keep住營業額, 你地話點做生意好la? Demand有增無減tim wor~

若果at last供貨無問題, 大家都知C記entry level年年出新model #. 舊貨積多左, 仲唔勁劈價清貨留倉位俾新model咩? 香港地真係大把野平, 係地就至貴~

仲有係N台小弟都講過既見解, summary below:
1)災情太大, 冇可能唔影響生產
2)所謂"復產", 災前出2000部一日, 復產初期幾個月出200部一日, 都係叫"復產"
3)廠商都有可能為穩住市佔率, 出口術安撫人心

總之, 小弟覺得供求因素及顧慮現今仍然在情理之內, 如果供應真係no problem, 在新model將至及競爭壓力下, 價格早晚會回落。 若供應真係減幾成, 咁有可能連建議零售價都要加。

[水上小白龍]

我朋友剛在雷射買完5D MII ket 24-105 二萬五幾(佢已經系最後一set), 相熟sales話真系4月1號加價, 因為個sales都比左份加價後既新價錢比我朋友睇, 佢個set到時系二萬七幾, 小白會加到二萬三幾........暈

[EagleChui]

Money is in your pocket. You can buy or not buy. That's all.
Business is business.

[cskchung]

"鄧" 國內同胞 唔低炸