[endlessmove]

你好，咁多位師兄。我以前玩<發燒音響>有個週六飲茶團，飲茶後就去對方的屋企做家訪。識到好多朋友。又可以令大家交流經驗，在極短時間提升技巧和知識，最重要是結識到不同層面的朋友。

收集有興趣的朋友既方便的地點，酒樓(最好有泊車)。而每週六，一點在那地點等。當然是在酒樓開張台，一邊吹水，一邊飲茶，一邊又玩相機。順利後又唔洗再約，邊個到時得閒就去又得；只得閒去飲茶，但之後無時間影相走先又得；無時間飲茶，想一齊影相又得。

當然什麼相機，什麼牌子都歡迎。

果時玩音響初初去得幾個人。之後最多果次，兩張大都唔夠坐，還要開張細。

好想在這裡發起，搞個攝影飲茶團，之後大家再選地方影相，又可以即時可以試下對方的器材，以免自己入錯器材，。希望大家支持。

我建議在葵芳恆景花園商場酒樓，附近有三四個停車場。或其他師兄建議，暫時最好荃灣區。
收集有興趣的師兄，再約日期！
1.endlessmove
2.
3.
4.
5.
6.

[photowing]

如果閒日就好
星期六就難D LUU

[Taihung007]

好提議呀,遲d舉辦一些攝影團(東坪洲、星軌、日出、日落.......),呢d地方真係一班去先正, 又可交流又可互相照顧.

[endlessmove]

其實星期日都得！所以收集大家的意見！

[endlessmove]

閒日都得，不過可能係夜晚。

[jaegerlecoultre]

endlessmove ching,
谢谢建议，时间岩既话我都会参与！

星期六翻半晝放工我可以黎。
葵芳，我OK!
我响荔枝角翻工果度富临有特价茶，都可以架！
如果星期日，甘我间中吴洗family day 咪过黎玩吓囖！

我对音响無兴趣（無能力有兴趣），但系听吓吴同ching 讲埋d 吴同既兴趣都学吓野都过瘾！

Paul （真名）

[jaegerlecoultre]

photowing 同 taihung 都系ching，有机会的话，大家结识吓！ ：）

[endlessmove]

係呀！如果我地人多，租個模特兒平分都平好多！

[benyeungsh]

我都想參加,如果可以閒日就好，因為星期六、日要湊仔。

[Mokalex]

endlessmove 兄!好提意呀!
我有興趣呀,新手一名,都想結識多D攝影朋友!

[canonkenw]

endlessmove ,
我都係新手一名, 我有興趣呀,,都想結識多D攝影朋友, 因工作關係未必出到黎, 但如果舉辦一些攝影團(東坪洲、星軌、日出、日落.......) 就好有興趣, 謝謝

[lawrencehung]

我都有興趣呀,如果就到時間都可以,結識多D攝影朋友.

[chung9776]

我都有興趣呀,如果就到時間都可以,結識多D攝影朋友. X2

[endlessmove]

我自我介紹下我既器材先，之前借朋友的Canon 400D玩，當玩熟左。再比較自己的powershot G1就知咩叫器材極限，再加上想找部靚小小機影仔女，見個FD有部D300s(初初以為係D7000)！有一日出街，同厘個FD一齊影相，我用400D，佢用D300s！同一角度，同一構圖。係天同地！跟著我就知奶野。(我覺得個FD有心毒我！粉腸！)。真係比佢毒到。

初初以為個FD係D7000，就睇同級canon 60D。不過之後知道佢係D300s情形就唔同咁講，凈機貴多50%，都末計鏡。不過心想男人由玩車玩音響同玩......！過程只得快樂，沒有作品，可能只有很凌碎的回憶，其實近付無！就覺得以前D錢好似白洗咁。再比較60D同7D個spec，再比多小小好似多多好多！把心一橫，買Canon 7D。

也幸運地選擇了7D，才知道有調焦功能，慳返唔小錢。玩二手副廠唔須要考慮cal鏡問題。又可再放出去！就算買新鏡。同質數副廠同原廠相差一兩倍價錢。雖然個心仍然心思思想買白鏡，同紅圈！但只是剛剛買了機，又拿幾萬買幾支鏡，就算過到老婆果關，都原諒唔到自己！

所以買了Sigma 17-70！個Sales真的無錯。這鏡真係幾好！防震，超摩打，微距，廣角集一身。唯一缺點唔係恆定。

但感覺總是欠些甚麼！幾百元買了支Canon 50 1.8。立即好似專業攝影師咁，好有成功感。不過距離x 1.6就唔係咁方便，又再中毒，心痕痕。看看死馬有無解毒藥。點知有，有支30 1.4，重正，一插落去試幾張，我就知道佢會跟著我直至我唔玩APS-C！散景超靚，相比Canon 50 1.4。摩打快。室內唔洗開閃燈。厘支影女唔小得。哈哈哈！

[endlessmove]

閃燈的迷思

有很多人覺得在烈日當空，帶支強閃燈出黎影相好似好奇怪。我只是初哥，我就厘個個問題，我有這個經歷和在網站找了一些資料，在這裡想做個總結。

首先，千其唔好覺得奇怪，如果你這樣講，真正攝影師就唔會同你講野。因為佢覺得講你都唔明。因為真係唔係三言兩語可明。否則鬧交收場。不過我用我有限的知識和文字盡量講下，有錯請提點。

點解要烈日當空還要用強閃燈，因為我遇過這個問題，當時地點在柏麗灣，大約兩三點，好有夏天的來林的氣，我嘗試背光影相，當然是失敗，一係影到景，一係影到人。二選一。就算我用曝光鎖都不能拿到兩光的平衡。第二方法係用偏光鏡，但當時無，也不能每隻鏡頭都買一個。58m,62m,72m,77m,這樣買法都不是辦法(再加上未玩到鏡片的層次，又擔心會在弱光位失去動態)。既然後光不能控制，只有增強前光而作平衡。第三個方法應該是用閃光燈。當我開內置閃燈時，一影......！(我老婆問：影左拿？)。我話：係。老婆：點解無分別？我當時頭頂有九十幾隻烏鴉飛過。結論係，同老婆講：因為閃燈唔夠強。跟著又可買新玩具。哈哈哈！這個應該是網上所講的壓光技巧。

第二次同朋友出街，佢係極度討厭用閃燈影相，個人又超牛。一定要試到比佢睇先說服到佢。就算夜晚影相，都唔用閃燈，唔推iso，無大光圈。我都唔知佢想點。即車唔入波，唔用，唔用轆。佢話夜晚用閃燈好假，境同人好似分開咁。當然我厘個初哥都知道，要較白平衡，同閃燈輸出GN值，來平衡現場的光度。好在我當日試到比佢睇。最緊要係自己隻眼，看到現場的光度，就知道大約用咩光圈咩快門。再用gn值就返個現場光度。
(不過算喇，我已知道厘個朋友現階段係唔想玩攝影，想做果樣野有一百個理由，唔想做果樣野有一千個理由。)