[landmark]

我夢想：山寨轉接環，可以搞埋電子對焦系統函接，令唔同廠鏡轉接後都可以有返af,。如果可以做到，比貴啲價我都一定會幫襯。

我地堂堂一個山寨大國，由LV到iphone乜都山寨到，要創意連蘋果皮都幫人出埋…點解無人整相機AF誇系統轉接環？我唔相信我地既能力只可以係接得埋咁簡單。成架GTR我地都可以hack左佢個電腦系統慢慢改，莫非相機對焦系統真係高科技過加先進跑車咁多？

事實技術係咪真係咁難做？點解無人做？成本太高？無市場？怕被人告？怕被人拉？

由今次s記E轉A新轉接環，證明轉接環唔單子可以有af，就連新對焦系統、摩打都可以加埋落去都重得，證明現今科技可以去到邊。我當然唔期望山寨可以做到咁，但連接兩個唔同牌子既電子對焦系統真係咁難做？


我又夢想：相機有人可以提供好似改iphone咁，將相機部份原本被封印嘅功能，如hi iso，連拍速度，像素，可以一一釋放返出嚟，因為好多相機既cmos同電子底板高低檔機版本根本就一樣~，只係被原廠廢去部份功能，做低階設定。

假若有師兄，有相機電子系統既能力，我覺得應該搞，特別係誇系統af轉接環，我深信會有可觀既生意。

[postman88]

只要有錢賺,就會有人動腦根,其實..真真正正,係道玩相機,究竟有幾多人??有幾多人會完全瞭解鏡頭嘅特性??只要你出個帖問"我在用550d想買支廣角鏡",唔係叫你買17~40就係16~35,一唔係就17~55,10~22,唔會有人同你講,只要你用得好,kit仔就夠用,師兄...相信市場定律啦!!有錢賺...就會有人做

[iso100000000]

I have a dream.......

1. DCFEVER shop 多啲種類既嘢賣.....
2. 香港本士有靚鏡頭出產，貴貴都買
3. 師兄們不要問一些太簡單的問題..
4. EF 35mm f1.4 應降回$5000一支

[pongyee]

繼續發...

[viovanda]

加左接環仲要計到數自動對焦,如果做到,不如做支土炮EF 鏡好過........CMOS 係C記發明,甘易研究到咩....你吾好以為大陸好高科技先得架........

[kingkonghk]

Cmos係canon發明？

[landmark]

只係鏡同相機之間既訊號連接同焦距調整，對焦仍然係原本部機同支鏡配合做，技術有左好耐，睇唔到有幾高科技，同造支新鏡出黎根本完全係兩回事。
市面上早就有誇牌子既鏡頭接環，內置鏡片做埋焦距調整，只係無AF訊號連接調整。

[小小生]

http://zh.wikipedia.org/wiki/CMOS

1963年，快捷半導體（Fairchild Semiconductor）的Frank Wanlass發明了CMOS電路。到了1968年，美國無綫電公司（RCA）一個由亞伯·梅德溫（Albert Medwin）領導的研究團隊成功研發出第一個CMOS集成電路（Integrated Circuit）。

[landmark]

n記，s記再唔生性，市場再龐斷落去..........

遲下可能會變埋，相機~係c記發明既~~