[bocircle]

當年聽說高海拔又凍，點到點又遠便考慮了很久，但最後選擇跟團去，因為相比背包包，實在有太多好處。

香港飛昆明
七小時至大理
七小時至麗江
四小時至玉龍
六小時至香格里拉

若背包包自己去，預不到時間，上車、買票、發車等都不能控制，隨時一站走車，全程泡湯！而且為了車上車落，已經冇哂心情同時間影相。

坊間大大小小旅行社都有團，但小弟五年前選擇了關鍵，因為已轉手，不再食得的骰住得偏僻，真正超值！去到當地團餐定酒店都是永X康X等，不過價錢只需他們一半…相談起來他們也抱怨原來平團食宿都一樣。

點到點省卻時間，也舒適。每點停三小時以上，足夠小弟爬到山卡拉咁遠影相！師奶團友抱住到此一遊心態，經常嘈領隊，哈哈。
我們賺了！因為領隊不會像趕鴨仔咁對我們，每個點都是自由解散，夠鐘上車，很好。

衣服要帶夠，因為高海拔散熱快，而且小弟當時零下十八度！
潤膚霜同潤唇膏一定要，極乾燥，否決痕死您兼流血！
另緊記去鴨寮街買噴濕機，一百蚊就有交易。夜晚訓覺盡開，否則像團友般，第二朝已經天天不停流鼻血及鼻炎，大部份團友從第二天開始便一直病！
因為房內要開暖氣，小弟隨身濕度計顯示是…零！您話有乜辦法唔病呢？

食物隨街都有小食，可放心，因為又凍又乾燥，不擔心變壞。一兩蚊有交易。
團餐就大家都知乜味啦，所以一開始就是要同同桌團友搞好關系，嘻嘻哈哈，加菜！除開每人頭比十蚊人仔一餐。記住每餐加湯類及菇菌類，因為當地特產，重超好味，不是香港假雲南菜！

住方面最緊要入房時查清楚暖氣是否ok，凍死冇命陪！記住開噴濕機！

行方面，相信師兄們除日頭跟車點到點外，夜晚都會出外閒逛。所以記住每餐飯後可以的話，在餐館門外隨手叫架的士，不用上車，而是問司機拿卡片，最好十張八張！(幫團友順便拿，心有團友，就算您掛住影相最後一個上車，人地都唔會向您黑面。)
司機們有團隊的，就算這個在忙也會叫其他司機接您。價錢市內三蚊雞行哂，由酒店出發。

治安極好，雲南居民有信仰，同四川一樣，隨街可見拜一下行一步，冇人會打您主意，放心。晚上小弟除了入市區坐的士一程，回來都是行番酒店的。

手信記住買菇菌，不用自己找，臨走個團會帶您去買，但不會貴，真的，因為小弟在外面買了，發現領隊帶我去買的地方更平，所以可放心。
宣威火腿也要買，中國兩大火腿，金華同宣威，一東一西，好味，回家煲湯吊味或炒疏菜一流，回港想再買，發現香港同一重量，要貴當地三倍！可以的話，應一整條腿買回來，再到街市找人切開，放入雪櫃用，包您很快食哂！

以下幾點極需注意：
到達當地後每個城市都有士多，士多內有小型氧氣樽賣，記住買三四支旁身，十蚊人仔一支。在出發去玉龍前兩天便開始吸，不用理會團友目光，他們最後會羨慕您！
您會見到好多團友最終面青唇白，高山症發作，放棄上玉龍同香格里拉，無奈留在麗江等候！我們團有八成人去不了。
在香港出發前至少兩星期，在國貨公司買紅景天食，每天食！有醫行根據，登山人仕都要食，因為令血帶氧量增多，避過高山症！
不要像香港快手快腳，因為香港零海拔，而當地一到昆明開始，已經二千五百米，八天內行幾千里路，重要上玉龍四千五百米，想唔高山症就奇！
噴濕機一定要帶，一開始就因為乾燥致鼻炎，會全程病同埋高山症！
不要問有乜關系！
病、疲憊、鼻塞、含氧不足…夠了嗎？

最後器材方面：當年小弟還未有用單反，只帶一部500萬傻瓜機canon ixy 55(勿見笑，很難想象現在手機都千二萬像) 記住電池最少三組！因為小弟三粒鐘便凍到冇哂電，隨身帶住充電器，每餐飯都充電，當地人十分有禮，會讓您充。
腳架盡量輕身，因為背負太重東西會增加心臟負擔，又高山症…

希望各師兄旅途順利，影多點靚相回來！

[bocircle]

[bocircle]

[bocircle]

現在不知相差多少

因為小弟五年前去

而且這些照片只是500萬像的傻瓜機(canon ixy 55)

>>>勿見笑，當時仍未用單反<<<

[火Ken]

多謝分享，這是好好既心得！

[bocircle]

各師兄可以租馬自己上山，八十蚊人仔一個鐘！(前題是您必需已懂得騎馬！師兄們要量力。)

上山碰碰運氣…大家見手上的…就明啦…

沒有收獲也可在山頂遠眺整個麗江古城

[bocircle]

[bocircle]

五年前價錢，現在不知道。

請師兄們講實價錢才好上馬！

及提早少少時間還馬，否則加您鐘。

騎左上馬離開檔口之後就各安天命，緊記。

[leung740]

多謝c兄分享,

就算未有機會去,睇到你的經歷已經又識多樣野了!

主文比廣告庶左d,可否copy出來係樓下post多一次

再次誠心多謝分享

[bocircle]

當年聽說高海拔又凍，點到點又遠便考慮了很久，但最後選擇跟團去，因為相比背包包，實在有太多好處。

香港飛昆明
七小時至大理
七小時至麗江
四小時至玉龍
六小時至香格里拉

若背包包自己去，預不到時間，上車、買票、發車等都不能控制，隨時一站走車，全程泡湯！而且為了車上車落，已經冇哂心情同時間影相。

坊間大大小小旅行社都有團，但小弟五年前選擇了關鍵，因為已轉手，不再食得的骰住得偏僻，真正超值！去到當地團餐定酒店都是永X康X等，不過價錢只需他們一半…相談起來他們也抱怨原來平團食宿都一樣。

點到點省卻時間，也舒適。每點停三小時以上，足夠小弟爬到山卡拉咁遠影相！師奶團友抱住到此一遊心態，經常嘈領隊，哈哈。
我們賺了！因為領隊不會像趕鴨仔咁對我們，每個點都是自由解散，夠鐘上車，很好。

衣服要帶夠，因為高海拔散熱快，而且小弟當時零下十八度！
潤膚霜同潤唇膏一定要，極乾燥，否決痕死您兼流血！
另緊記去鴨寮街買噴濕機，一百蚊就有交易。夜晚訓覺盡開，否則像團友般，第二朝已經天天不停流鼻血及鼻炎，大部份團友從第二天開始便一直病！
因為房內要開暖氣，小弟隨身濕度計顯示是…零！您話有乜辦法唔病呢？

食物隨街都有小食，可放心，因為又凍又乾燥，不擔心變壞。一兩蚊有交易。
團餐就大家都知乜味啦，所以一開始就是要同同桌團友搞好關系，嘻嘻哈哈，加菜！除開每人頭比十蚊人仔一餐。記住每餐加湯類及菇菌類，因為當地特產，重超好味，不是香港假雲南菜！

住方面最緊要入房時查清楚暖氣是否ok，凍死冇命陪！記住開噴濕機！

行方面，相信師兄們除日頭跟車點到點外，夜晚都會出外閒逛。所以記住每餐飯後可以的話，在餐館門外隨手叫架的士，不用上車，而是問司機拿卡片，最好十張八張！(幫團友順便拿，心有團友，就算您掛住影相最後一個上車，人地都唔會向您黑面。)
司機們有團隊的，就算這個在忙也會叫其他司機接您。價錢市內三蚊雞行哂，由酒店出發。

治安極好，雲南居民有信仰，同四川一樣，隨街可見拜一下行一步，冇人會打您主意，放心。晚上小弟除了入市區坐的士一程，回來都是行番酒店的。

手信記住買菇菌，不用自己找，臨走個團會帶您去買，但不會貴，真的，因為小弟在外面買了，發現領隊帶我去買的地方更平，所以可放心。
宣威火腿也要買，中國兩大火腿，金華同宣威，一東一西，好味，回家煲湯吊味或炒疏菜一流，回港想再買，發現香港同一重量，要貴當地三倍！可以的話，應一整條腿買回來，再到街市找人切開，放入雪櫃用，包您很快食哂！

以下幾點極需注意：
到達當地後每個城市都有士多，士多內有小型氧氣樽賣，記住買三四支旁身，十蚊人仔一支。在出發去玉龍前兩天便開始吸，不用理會團友目光，他們最後會羨慕您！
您會見到好多團友最終面青唇白，高山症發作，放棄上玉龍同香格里拉，無奈留在麗江等候！我們團有八成人去不了。
在香港出發前至少兩星期，在國貨公司買紅景天食，每天食！有醫行根據，登山人仕都要食，因為令血帶氧量增多，避過高山症！
不要像香港快手快腳，因為香港零海拔，而當地一到昆明開始，已經二千五百米，八天內行幾千里路，重要上玉龍四千五百米，想唔高山症就奇！
噴濕機一定要帶，一開始就因為乾燥致鼻炎，會全程病同埋高山症！
不要問有乜關系！
病、疲憊、鼻塞、含氧不足…夠了嗎？

最後器材方面：當年小弟還未有用單反，只帶一部500萬傻瓜機canon ixy 55(勿見笑，很難想象現在手機都千二萬像) 記住電池最少三組！因為小弟三粒鐘便凍到冇哂電，隨身帶住充電器，每餐飯都充電，當地人十分有禮，會讓您充。
腳架盡量輕身，因為背負太重東西會增加心臟負擔，又高山症…

希望各師兄旅途順利，影多點靚相回來！

[wslck]

樓主好有心機寫呀! 分享既心得好有用, 多謝哂!!~

[小小生]

我當年去玉龍雪山,香格里拉,白馬雪山,梅里雪山9日都係4千5蚊港幣
現在去大陸貴左好多T_T

我遲D去四川四姑娘山和貢嘎山12日要9千幾T_T

[bocircle]

小小生師兄

小弟是08年頭跟關鍵8天

$1999

得戚中^_^ <<<<<<<<師兄不要嬲我，請勿見怪

話說回來，因為那次雲南團的經歷，令小弟改變了對關鍵的看法 (因為佢個名臭左好多年)

呢家一得閒都會八下佢地有乜團同價錢

不是賣廣告，但見佢最近有兩個團平爆，cheap就cheap，冇要求的話試下無乜所謂。

主要求訓求飽求影相…景點實在好適合曬機…

幅圖下面有黃山龍虎山5天$1299同埋桂林加德天瀑布$326，真係平到響香港食三餐飯都唔夠

(強調不是賣廣告，小弟與關鍵無任何關系)
(只是從雲南那次經歷覺得永X康X都係一樣的團餐同酒店，所以覺得關鍵平團都有平團的優點。)
(若果更平有星X，不過撞過板，因為佢地連落車影相的機會都冇…只係遠觀經過…無奈中…冇計…當一次教訓…平團都係要博咖啦)

^_^

[bocircle]

黃山龍虎山景德鎮$1299

桂林德天瀑布銀灘湛江軍港$326

在這個網址圖的下方

http://www.kwankin.com.hk/

（小弟與它們全無關糸，只是方便經驗所得，平團也可以搏下，求食求訓求影景。唔得咪話我^_^)

[bocircle]

提堤各位師兄，昆明石林（團已包入場，爬上頂影），
大理城夜晚在城牆外（對面馬路，免費）及曰頭上城頂（$1買票，夜晚收十點）（幻想下段皇爺係你自己）
麗江城曰間不要逗留（直接行上獅子山頂，半小時至九個字，沿山有大量假cafe可休息，係，冇錯，麗江已變質，所以上山吧）夜晚再入番麗江（夜晚好正，帶定腳架，遙控快門。dc不適合，一定要用單反）
玉龍要帶氧氣樽（不要理會團友目光，他們會後悔冇聽你話，何況只是玻璃樽可樂size，又不是消防員果d)腳架要超輕果隻cheap野400g得咖喇，山上空氣稀薄，只可慢動作活動！緊記慢動作！否則餘下行程你應該已在酒店。
香格里拉大家應開始疲倦，要放鬆手腳，但盡情狂影！緊記各下在此時，已經橫走整個雲南省，背後已是四川了。所以又代表回程路番昆明同樣要幾天時間，故不要病住呀！一切要慢動作