[lmichael]

得閑, 又講O下故仔.

係300D出來既之後, 咁其實咁新既O野, 好多人都唔識, 包括O的老牌攝影雜誌, 佢地當時有O的理論, 又真係幾害死人.

1. 唔駛買枝咁貴既鏡.
話個SENSOR未成熟, 無菲林咁細緻, 靚鏡都無用. 但係實情係, 菲林O的人無咁多放大, 現在反而下下放到A3或者係17"MON度睇, 要求反而更高

2. 鏡唔駛咁買咁貴, 機要買靚O的.
又話個SENSOR影響成像, 都係留錢買BODY.佢無講錯, 不過BODY價錢一跌千里, 而好多DSLR, 其實除了FF機以外, 都係用緊同一粒SENOSR......

3. 影JPG同影RAW, 睇唔出分別, 唔駛影RAW啦, 慳返買張細O的既CF CARD.
無錯, 當年CF CARD係貴, 但係影完RAW, 隨著軟件既成熟, 執相既彈性相差好遠.

[davidkan]

支持ching 講故
我由數碼機開始, 對好多攝影歷史都唔認知
菲林機演變, 黑房藥水裁邊位沖晒….. 打龍相等, 我都好有興趣

由莎龍一字, 到打龍相興起, 這一文 我前後睇過3, 4次
滾水陸魚…haha~以前d ching 真係掂
依家PS太強大, 無中生有已經習慣, 一個apps 十幾種style 任你選

慢慢以前的方法, 變成歷史, 歷史變成故仔
無人講故, 歷史就會被遺忘

支持ching 講故, 雖然總會有人爺魚

TO: 會爺魚的人, 可以講得比lmichael ching 更好嗎?

[photowing]

支持x2
但想問下ching玩左咁多年點睇反mon,同 電子 viewer?

[nwt15]

前輩講故我最歡喜!!!

以前DSLR 啱啱出嘅時候真係好多人唔buy, D 人都係話菲林靚過數碼X 咁多倍, 但係隨住DSLR 嘅普及, 家陣都冇咩人會理.... 而家D 小朋友都未必知菲林係咩喇...

[Douglaschow]

支持x2!!!

[leung740]

支持x3

[kazuya]

等前輩分享

[speedlight]

咁又唔係咁害人不淺既

1. 唔駛買枝咁貴既鏡.
其實啱左大半,以當時大部份600萬像素機種而言

2. 鏡唔駛咁買咁貴, 機要買靚O的.
呢句有5成真,但買左部貴價高像素機,亦要高價買返支靚鏡!

3. 影JPG同影RAW, 睇唔出分別, 唔駛影RAW啦, 慳返買張細O的既CF CARD.

你識执相就RAW靚!唔識执識影就JPG靚

[h0001244]

>>你識执相就RAW靚!唔識执識影就JPG靚.............True

[okokmee]

非常讚成, 講多D lar

[rickwok]

我識執相(工作tim)，但攝影係娛樂吾鐘意執，所以都係用jpg

[春田花]

1. 所指的菲林與數碼用家習慣，請問數據來源出自那裡？

2. Sensor雖然一樣，但image processor不同會對影像擷取有好大差距，例子有Olympus由EP1至EP3，Panasonic由GF1到GF3，甚至係Olympus E5
都是出自同一片sensor，E5的用家會明白其分別之大，實非筆墨所能形容。

3. 影JPG同影RAW, 睇唔出分別係因為software, monitor同display未能support 8 bit以上檔案所至，決一不可，但又是最容易被忽略的一環。

[lmichael]

幾乎唔記得出過篇文.

先講反MON同電子VIEWER, 其實可以講埋電子快門.

首先講反MON, 我係舉腳支持用反MON, 因為我無反MON, 都三千幾買O左個直角電子VIEWER, 無電子VIEWER之前, 都用直倒, 有時, 抓拍, 你舉機真係會好"揚".....

電子VIEWER都係件好事, 因為慳電.

不過我最覺得奇怪係, 點解單反或者無反機唔用電子快門, 用電子快門, 無同步快門問題, 又無O左快門聲, 其實照計唔難做, 真係唔明.

[lmichael]

1. 所指的菲林與數碼用家習慣，請問數據來源出自那裡？

2. Sensor雖然一樣，但image processor不同會對影像擷取有好大差距，例子有Olympus由EP1至EP3，Panasonic由GF1到GF3，甚至係Olympus E5
都是出自同一片sensor，E5的用家會明白其分別之大，實非筆墨所能形容。

3. 影JPG同影RAW, 睇唔出分別係因為software, monitor同display未能support 8 bit以上檔案所至，決一不可，但又是最容易被忽略的一環。
=======================================================
呢幾個問題都幾有趣, 所以先答一下.

1. 其實你想知有什麼分別, 你攞張135菲林放到12R咁大, 又用600萬像素放到12R咁大, 你就睇到分別. 其實呢個都會解釋O左, 點解DSLR之後, 咁多人話有走焦情況, 但電子對焦呢樣O野, 以前菲林機都已經好多, 唔通現在電子技術反而差O左? 係因為現在既人,下下都原檔放到100%, 所以好容易睇到什麼分別.

2. 如果你影JPG, 你咁講就成立, 但係你是影RAW的話, RAW係未經圖像處理器處理. 我成日用一個比喻, RAW就係底片, 而JPG就係你既照片, 你影RAW既時候, 數據是最原始既數據, SENSOR一樣, 你大可以用軟件把你想要既影像效果顯示出來. 其實在相機上既圖像處理器, 就像一小時沖印, 無錯, 唔同既沖印公司, 會有唔同既品質, 有O的你會覺得好O的, 而RAW係你影O左一張底片, 而點做一張相既效果, 就係黑房技術, 係以前黑白年代, 攝影係由按快門到照片OUTPUT.

SENSOR一樣, RAW檔都係一樣.

3. 唔止係睇唔睇得出既問題, 而係RAW係所有原始檔, 即係底片, 你會唔會因為你有O左張晒得好靚既18R照片, 而銷毀你既底片? 所以影RAW,係好重要

[MCCU]

J檔SIZE 小 其他RAW好


當年友廠日本社長說APS-C SENSOR以足夠
當年旗艦機一樣是APS-C 有好幾年冇FF機 無視CANON 以EOS 後再以數碼FF 做大

我屋企第一部單反是30D 一來影人好D 二來當年CANON系統有FF