[vtxzpokc]

上網睇左好多資料, 兩部啲料都冇大分別, 操作都差唔多....

我用緊450d, 一直都覺得啲色唔夠好(會編色), 而反差(動態範圍)唔夠....

心動想上中階, 希望大家俾多啲意見, 分析下, 我出邊部好???

主要想相片質素好啲~價錢其次~~請大家指教下!!

[basschan]

質素好啲,反差(動態範圍)唔夠.....
只係尼兩點...尼兩部都唔係你杯荼吧....
5D2我諗先你係DREAM GEAR

[叮噹仔]

上網睇左好多資料, 兩部啲料都冇大分別, 操作都差唔多....
-----------------------------------------------------------------------------------------------
閣下能夠得出以上結論是多麼幸福的事,
請保持及珍惜呢份心!!

師兄如果覺得5D2太貴, 及會一闊三大,
針對你既要求,
換過支鏡頭比換過部機(你所指果2部中階機),
會黎得更好!

建議鏡頭:
15-85, 各L zoom, 各Prime

[guntank.efsf]

7D, 60D & 600D use same CMOS and the picture quality is same. The dynamic range 動態範圍 is also same.

The only difference is response time(反應).

You may change len or FF body to improve picture quality.

[vtxzpokc]

多謝各位嘅建議！

1.咁我又覺得好似未需要去到5D…

2.想知道18~85 係咩鏡！(其實我都有一支心水想買 24~70 L)

3.咁60D同7D 二選一邊部好？

[叮噹仔]

1. 恭喜, 幸福已降臨你身~

2. 係EF-S鏡, 有4級既IS, 顏色比一般EF-S暖, 出產期應該算最新既一支標準鏡,銳利度幾高, range 最o岩APSC機(由15mm~85mm), 外殼造功不俗, 重量適中,係近排最抵玩,質素又唔差既EF-S鏡頭, 唯光圈唔係恆定. 24-70 畫質同色彩係更好, 但重量配上60D或450D都唔係一個好既配搭, 24mm起既wide angle係apsc機上, 略有不足, 而且無IS, 室內難以保持安全快門, 價錢又貴, 個人唔太建議, 除非你好想要"果種"感覺啦.

3. 7D比60D, 功能方面最大分別係佢既對焦點既多少, 其次就係連拍速度, 對焦點7D係19點, 同有多種對焦模式,連拍數為每秒8張,適合高要求同較近距離既運動類主題, 60D係9點, 連拍數為每秒5.3張, 適合一般運動同動態主題, 另外佢仲有扭芒.
(但若果無需要呢d高速連拍既動態攝影, 其實450D已經足夠!換o岩個鏡頭就已經對相片質素有大幅度提昇, 建議可以試左先)

[wesleyyau]

我以前50D轉7D係因為9點唔夠我用... 有時主體o係正點同點之間就要揀就近o個點...
但係7D 就可以揀到你想要o個點...
另外100%VF 好D... 邊位唔會多o左少少o野... WYSWYG...
追焦方面唔講技術... 淨係講機身... 出o黎o既相7D中焦率高好多(我用zone af)...
而且快門時滯低D... 反光板震動又少D...
不過都係o個句機身最緊要自己夠用... 所以"了解自己需要"無論買機買鏡都係首要條件...
唔會一兩年內上FF... 我建議買7D... 如果會上FF... 就玩住60D一手或7D二手... 依家7D 二手好抵o下... 剛過保都係比60D一手多1K....
7D 就算出mark II 好可能都係keep 返19點... (應該未咁快下放一仔3x/4x 點掛)... 所以7D 進步o既空間未見好大(都係轉粒DIGIC V+連拍+像素)... 用上三五七年仲係好機...
而60D都係一樣... 70D都可能係轉粒DIGIC V+連拍+像素... 而且X0D系好似life cycle 越來越長... 所以都幾"襟"玩...

[vtxzpokc]

"..........................除非你好想要"果種"感覺啦."

你所講嘅感覺, 係指...追求貴野好啲?虛榮?

[叮噹仔]

全對