[Meancy]

有旺角附近的朋友，或近期到旺角逛的朋友么？
香港的数码产品多集中在旺角西洋菜南街，上次过香港到那走了一下，只买了块表。想知一下，现在那里苏宁镭射，百老汇等的佳能600D配个大KIT或小KIT卖到什么价位呢？圣诞元旦应该会有促销活动么？
谢谢HK的朋友。

[wako]

苏宁镭射，百老汇,只會自由行才會去買的..

香港人多數去有信譽的樓上舖..

通常現金都可以再平d...唔要贈品又再平dd..祝好運..

[abc1122]

wako 師兄叫人地去苏宁镭射，百老汇買好啦!咪搞到樓上舖無貨又貴喔

[look_yau]

內地遊客都係去苏宁镭射百老汇買好啲。已經俾大陸平。

[Meancy]

楼上铺系指？都系旺角西洋菜南街果边？好似 华仁影音 之类噶？唔该可以指点下么？

[Meancy]

担心太多啦，我同朋友顶多就要两台，唔会搞到升价。

[postman88]

樓主誤解啦,樓上舖也有很多種,香港一樣有黑店,你人生路不熟,碰到黑店便得不償失,大舖會貴5%左右,但就是有保障,別因小失大,大舖也有很多香港人去買,包括我

[slrnewhand]

我都係香港人, 我也不敢貿貿然去樓上舖或者不知名的地舖買東西, 都係去大舖買穩陣!

無謂被一少撮無良奸商搞到香港個名臭哂!!

[Meancy]

哈哈，唔该晒楼上热心既朋友。我主要系想过香港游玩，平时外出旅游时有部相机，行行地方，拍拍回忆。

[siusiusiusun]

去角西洋菜南街就得了

唔駛諗其他地方.

[ivanivan2]

基本上呢家去到邊間鋪都有自由行買野。。d sales 屎寧願服侍佢地都懶理香港人。。

[siubi09]

雖然我都好討厭部份來港不守秩序的大陸人, 但人地都只不過係出一個POST問一下問題而已, 唔喜歡答咪就唔好入黎LAW

回樓主的話: 其實...你自己都識得係DCFEVER出POST問...做咩唔去DCFEVER門市到格價...正所謂貨比三家不吃虧, 至於有沒有特價, 說句真心話, 香港的東西已被大陸朋友買貴了T_T 根本沒有便宜貨買...要是你不是經常來香港的說話. 我還是建議你去一些大型商鋪購買, 花多少少錢去求個安心, 至少不會賣你黑心貨

[hlcmarco]

啲售貨員對啲內地同胞服務態度又確實係好了一點點,這也難怪.
香港人,又問價,問完又話畀現金再壓價,又驗屍咁驗,一粒塵都鬼殺咁嘈.
反觀內地同胞,又豪又爽,購買能力驚人.
有次在一型相機連鎖店,我睇到有一港人和一個內地同胞買同一支鏡頭,只係剩低一支.
港人睇先,試鏡時左彈右彈,又話呢度嗰度有粒塵,跟住重一路壓價.
個售貨員都覺得個港人好煩,點知,個大陸同胞就出聲:
"我唔使試鏡,唔理有冇塵有冇花,唔理有冇爛有冇壞,比現金,唔會壓價,重可以比多二百元,就賣畀我啦."
嗰售貨員態度立即唔同晒,語氣平淡咁同個港人話:
"先生,價就冇得減,塵就一定有,咁呢支鏡你要唔要,唔要的話,嗰位先生都等住買呢支鏡."
個港人立即變咗鵪鶉,粒聲都冇出,放低支鏡.
售貨員拎支鏡給個同胞試,佢話唔使睇唔使試,幫佢袋好就得了.
個售貨員重話唔使加多二百元,照個報價賣便可.
內地同胞好開心,重話香港果然係購物天堂.

唉!老細,有錢買嘢都睇下都好啦,支鏡係買嚟擺定買嚟用呀?

有次上C記陳列室,見到有個土佬味極濃的內地同胞,隻左手戴住隻新到好似剛剛買的金勞,
問咗個服務員少少問題,服務員好同心咁答佢,
點知答完之後,個內地同胞話:
"我都不明白你說什麼,總之那部相機是最貴的,你拿來給我便可以了."

再唉!死唔死,問你點頂?

[ivanivan2]

跟本呢家成個香港都俾內地人搞到笠笠亂。。包括零售，股市，樓市，婦產科，搶奶粉，仲有旅遊景點既污染。。好似迪士尼經常見到內地人打尖吐口水掉垃圾煲煙。。唉。。

[Douglaschow]

"我都不明白你說什麼,總之那部相機是最貴的,你拿來給我便可以了."
********************************************************

咁咪...........M9-P + 3 支lens!