[lmichael]

之前分享過 那些年, 我們一起攝影過的事. 今次不如講下鴨記.

鴨記即鴨寮街, 現在影相, 好多人買配件, 都會去那裡,睇下有無大陸貨,例如燈, 腳架....等等. 其實鴨記歷史係點呢?

遠既唔講, 只講呢三十年吧. 我第一次去, 應該係三十幾年前, 當年是我哥哥帶我去的. 點解會去, 是因為.....我哥哥當年是玩無線電, 即係電子o野, 當年鴨記係主要賣電子零件, 產品都有, 但係就無現在咁成行成市. 當年主要係零件, 工具, 汽車音響同音響, 以前有兩檔賣木箱自製喇叭. 啊, 仲有好多兩手o野, 有一段時間, 鴨記變o左四仔集中地, 點來呢? 就係開始有人攞o的龍x豹二手係度賣, 當時邊有internet? 又真係有人買, 咁就越來越多, 到後來就成行成市, 有咸書, 就有蝶......, 直到手機盛行, 應該係自由行之後, 就成行成市了.

鴨記賣攝影O野, 螢記真係第一間, 其實係以前, 未有數碼單反之前, 在298樓上三樓也有一間, 不過真係無人幫襯, 執O左, 其實螢記既貨, 大部份都係廣州盛賢入貨, 我2002年就係廣州幫襯緊, 早想到一步, 就發O左達了.....XD.

[karithkung]

現在d人係香港睇完件貨就係淘寶到訂！

[lmichael]

當年係鴨記, 有好多美食, 有檔粥, 我真係個個星期走去鴨記做, 另外仲有馬蹄沙, 現在都少O左, 仲有檔腸份, 當然仲有O個檔蛇啦. 其實以前黃金O個面掃街, 係行完鴨記必去. 椰汁, 沙爺尢魚......, 後來食環掃到無晒了.

[dirtyman1984]

重有我小時間既鴨記,太約有20年前啦,有好多排擋都係賣遊戲機,小弟部GAMEBOY就係果到賣啦,果時鴨記真係好正,咩都有!!
之後鴨記轉左做賣手機,我當年部nokia3310都係鴨記賣,不過以前既鴨記真係幾雜下,咩人都有!果時父母都叫我小去~但我當然唔聽佢地講啦!


有鴨記那些年既朋友都分享下啦~

[dickchen]

我第一部LP唱盤, cassette錄音機, 擴音機, CD機都是在鴨記買. 第一部自動對焦的單反(Minolta)也是.

[jimmie lam]

我第一次係買電子零件,因為當時讀緊無線電要做功課.

[ohpalkof]

學生時代, 係鴨記買過咸帶....當時...睇完仲可以伶返去補錢換過隻新既...好環保...

[ultegra1980]

鴨記有乜好講呀 ! 不如講吓 C, N, S記 未來有乜大計重好過啦, 老鬼王

[ultegra1980]

blow water Ha ha.........................!

[wing1001080]

小弟第1次去鴨記係中1個年
點解咁記得呢,,,,,,
唉
事情係咁既,,,,,
話說,,中1既時候就有科叫做科學啦
咁呢,,,要做個project啦,,,好似係環保既發光東西,,,其實有個題目俾左我地架,,,不過我都唔記得左= ="
ok,,,咁就緊係要買材料啦
去到鴨記,左搵右搵,呀,,,終於搵到啦,講都唔信,,,我買既野10蚊都唔過= ="
1個2a電池夾+2條電線仔= ="

之後又驚死會唔忍得條路就急急腳走左啦= ="

[kau0902]

你哋細說{那些年}
不如厂回 C