[awhandsome]

一國兩制！！！對比兩地售價，為何中國國內版EF40 F2.8 STM較廉宜，國內行貨附帶LENS HOOD兼原廠鏡頭袋，強烈要求CANON HK檢討香港版EF40餅鏡附件差異。

[wesleyyau]

其實點解一定要香港平d 呢? 內地一向好多o野都平過香港...
就算進口貨因為內地大量買入... 香港只係一個小地方數量少... 自然可能冇咁平...
可能呢個係一個警號... 以後d 鏡都可能係大陸平...
不過大陸買鏡可能香港冇保...

[yung2]

咁點解一定要香港d平價鏡就唔跟遮光罩呢? 日本益自己本土就話啫,

依家連大陸買鏡都跟罩, 就係香港無?

[chiuchihang]

點解大陸平d就多d野送而香港貴少少就應該無野送呢?

[tin60]

歧視香港影友.................................

[siusiusiusun]

有著數就叫一國

有衰野時就叫兩制

[wesleyyau]

其實o係dchome 已經回應左好多次... 今次只講一次...
1. 香港買到既版本係全世界其他國家都係呢個版本, 暫時只知中國內地有呢個package... 絕對冇"特別"歧視香港人... 如果唔知道什麼是"歧視"... 可以上平機會網頁睇...
2. 香港同內地係兩間唔同公司, 唔好以為一河之隔就應該所有商業公司既商業決定都一樣... 兩地法制唔同... 經濟體系唔同... 稅率匯率都唔同... 點可能一樣... iPad售價香港同內地都唔同... 香港平就應該... 內地平就唔應該??
3. 消費者有權選擇o係邊度買... 我已致電香港確定內地買40 f2.8香港canon會有行保... 上淘寶買只要有齊單據同有效保養卡... 香港canon一樣有行保...
4. 淘寶一向都有平貨... 唔信可以去search 其他鏡... 好似24-105... 有d 6千幾港幣就有... 但係淘寶要考慮埋運費,匯價,風險... 如果支鏡有漬有花會點... 香港鋪買... 你可以睇過第二支或者唔買... 淘寶就算賣家肯換... 你自己都要俾運費退貨...
5. 官價都係香港平... 比街價係冇意思... 因為間間海鮮冇得比... 內地版官價計埋匯價差唔多1900... 香港官價1680... 差成二百蚊過外... 俾多d 買到袋+hood... 我個人都會揀冇袋同hood版本... 由其是係餅... (當然唔代表所有人, 個個人喜好唔同)
6. non-L鏡一向冇跟袋同hood... hk canon 冇打破呢個慣性... 係cn canon 特別用呢個package...
最後希望大家思考多d... 睇多d資料... 唔好一味用自己消費者直覺去判斷... 做人講o下道理好... 試o下諗o野put yourself in other's shoes... 對朋友都係... 一味話人o地做錯係冇意思... 有冇諗過人o地點解會咁做?
我有講錯都唔定... 但係如果冇諗過我講既points... 可以參考o下...
講完~~~

[crazybean]

不如簡單啲講啦, 香港無消費稅但有地產稅,
美國Canon 官價已平過香港Canon官價好耐啦,
外國人來香港買相機已經絕跡...