[Curtismnw]

某年某月某日在萬X買閃燈，同一位店員講與某兼職店員是同事，可否平一些，那位店員（面上有很多暗瘡疤，戴眼鏡的）用很不客氣的語氣說，你在機場Hxxxx做，即是窮人啦！跟著他便著令另一位店員說冇得平，我即時呆了⋯

[tidus_ryo]

你係邊間丫？我去買閃燈服務好到我都有少少驚....如果佢咁講野，我即場問候佢家人啦

[t502kg]

唔明，咩係機場Hxxxx做？

[細B]

Hacti

[t502kg]

What is Hacti? And how did the sales know?

[cowlau]

果個店員我估到係邊個，佢係米咁無禮貌唔清楚，我只見過佢有幾次有人等 ser 時佢都「好積極」地同 d 女同事傾計，唔多想主動去回應客人的眼神。 XD

不過呢個經歷咁極端，可能要多 d 資料先知咩事 ...

不過，樓主志在呻下，呻完無事就繼續開心影相去！

[細B]

Hactl = 香港空運貨站

[pkken476]

你夠我上次爆....去皇室so ling鐳射買600ex...買時都無野仲有價講...一俾錢佢成支燈跌左落地仲好意思講有套無事.........我即刻走唔買...到最後我話要過支俾我係個櫃選....再平一舊但唔俾用卡 only cash

[simon_mme]

上次去天長無敵山報價仲爆，去之前已在各大舖問晒，佢同百記一樣咁貴，但人地百記跟多2電（Total3電）再加腳，貼，16G卡，袋。但天長就話咁平你仲想跟乜？想跟野用650D啦。寸爆，第一佢跟本唔平，第二又要無野跟，第三仲要無服務又寸。唔該行一轉睇下人地開乜價先啦，就算比百記屈都唔比你啦。

[orabuln]

simon_mme :
佢講得無錯... 唔岩唔好買...
最唔鍾意人問有咩野跟...
實際d... 問有無得平d 仲好啦... 跟比你果d都係垃圾...

[steven423]

我都好憎天腸D人“所以我以後都一定唔會係度買野！
個個好似唔休做咁、見過一條仆街係到溝女都唔理客
問過幾次嘢，幾次都唔同人，幾次係唔休做
幾次都好9寸咁答我，現金冇得平！
天腸只係做大陸客！星際個間！我寧願比錢其他公司、都一定唔會係個度買嘢囉！

[tidus_ryo]

串就唔好買,佢地都ON9 ,買野仲要受氣....好多鋪D人都係咁..我之前未買,去問價...D人都係有色眼鏡..

[camerac]

天長? 我好多年無入過去了.

記得70-200L IS剛剛出的時候，　我帶了機身想去試一試， IS效果好就買一支，　點知個店員話：　這支，好貴的喔，是不是買架？

我即刻掉頭走，多年無入過去了.

[steven423]

所以宜家我係肥花嘅長期客戶……機鏡閃腳全部都係肥花買……仲有折頭，又安全，試過先比錢，^_^

[kktse]

最近去過K11個間，見好大間好靚入去睇下，無乜特別，後生仔問我搵D乜，我話參觀下，佢就無再理我，我行左一個圈睇到兩樣野，第一客人多數係遊客，咁我地本地人無謂搞佢，第二樣見到是有兩個特價套餐做推廣，一個是645D另一個好似係mamiya咁上下，同樣係大片幅加枝鏡咁上下，兩套都係十萬八萬的特價品，可以想象佢地係食大茶飯，咁我地D小人物參觀完就可以走得。

另一次在旺角萬X睇下D死馬長炮乜價錢，見枝50-500同150-500價錢都爭一截，剛有個阿叔輩的資深售貨在身邊，我就請教下呢兩枝鏡的成象，佢就話一樣，咁我再請教佢為何爭咁遠價錢，佢就話因為少左50-150的焦段，所以平一截，呢個時候我想再問，點知幾個後生售貨員懶懶閒比佢罵，之後叫呢個去做乜，果個去擺乜等等，我耐心等佢搞掂再同佢傾，點知佢罵完幾個人就行左去，我只好自己參觀下之後走人，當然無買啦，或者係佢好見光，睇死我唔買，其實我買唔買好似雞同雞蛋，都唔知邊個先邊個後！