[HimLam2013]

聽日諗住購入650D，唔知點樣check機先好呢？thx ：）

[naku]

check 閃光燈,
拍下片
最大光圈 + 最iso+ 慢快門影張全白相睇下有冇死點
最小光圈+ 低iso + 1/1000 快門影全黑試死點
對焦近野>遠野 >近野>遠野 >近野>遠野 反覆試check 對焦
check 下有冇走焦
on/ off 防震影兩張睇下有冇分別~~ 試防震
A mode Tv mode m mode P mode 全部mode 試下~~

[Decanter]

最好帶個玩開機既朋友一齊去啦!
要check既野其實好多...外殼,功能,cmos,死點光點,如買鏡要check"塵"走焦,is(如有)...如有錯漏請ching指正!

[HimLam2013]

to naku、Decanter
唔該曬 ：）
原來咁多野噶，真系乜都唔識tin。
以為去豐x同百x就無乜問題 ><

[siusiusiusun]

邊有咁多野試...買二手就話CHECK咁多啫

新機都係試下制 影幾張(包括全黑全白)就收工比錢返屋企再慢慢試啦

[Decanter]

每個人取向都唔同,有人鐘意買前check真d,有人嫌煩買後先再check,如果有時間我覺得買前check真d好d,萬一返到屋企先check到有事要拎番去換,唔計車錢,付出既時間同精神都夠你煩囉!

[simson99w]

搭單問:

Check 塵，係咪收細光圈 影白紙 ???

[chhchow]

塵是無處不在的....

[Gorgeous]

如果買新機又係大公司買當然係試一兩下冇問題就返去慢慢玩.
一來即時試唔到乜, 好多問題要試多幾日先出黎; 二來依家都係十日十四日免費換.

[mluk06]

我係風X買6D kit 都係check 下個body 表面,着机映幾下,跟住check镜頭有冇塵,对哂保養証number,檢查下d配件,齊就磅水走人.因為机件故障,鋪頭有十天換机,行保. 但表面defects check 唔真,铺頭會話人為損壞,唔肯換.
似乎無乜需要响鋪頭逐過function 都試下咁煩.

[kktse]

你問得應該算新手，我就會搵間無咁旺既大鋪，問左價錢合心水，睇下個哥哥係友善既，就請佢取部新機給你，之後請佢介紹部機點用，一般情況要點設定，每個制都問下佢點用，如果佢有心既，會逐樣簡單講述，一般既都會一路試比你睇一路教你，咁樣你已經試左部機7成，回家看看說明書才開始搞部機，通常都會好滿意，隨便影兩三日，睇下效果，有問題回頭去店鋪問，或是用canon網頁的網上提問，好快有人會答你。

[siusiusiusun]

即時試唔到咁多野. 一般人包括我, 買咁多次, 陪或帶朋友去買都有, 都係簡單試下就掂, 好多野要實際帶出街影相先試到架. 係要對下機身D NO. 跟唔跟單唧, 呢D SALES 有時未必會自動波同你對NO.
同最緊要睇下架機會唔會有好明顯比人試過N次既痕跡啫

新機好少會出問題, 真係有問題既亦唔係比你買機果陣試到出黎.

唔駛太緊張大師, 真係怕就搵個有玩開既朋友陪你等佢幫下你試.

[LIWAIHANG]

終於有師兄講到最重要的: 對機身No.

我都好想請教一下樓上位師兄, 現場如何可以測防震?

要測咁多樣嘢, 要測幾耐呀? 你的測試結果一定是準確? 多了粒塵係唔係唔收貨?

好多人會責怪店舖唔係比全新機顧客, 就係因為D顧客好多係"專家", 小小嘢就要換過部, 咁原來那部到下位客人只會更多塵, 因為, 驗機過程都比你多少污染咗部機. 如果, 全港店舖都唔準試機, 我會好讚成. 到時位位都可以買到全新機. 我自己有好多買全新機的經驗, 首次開機時會有個特別畫面出現. 如果, 你想見下個畫面, 就要學下先比錢後開盒.

大廠大品牌質量不應被懷疑, 我買咗咁多年相機, 那有出過問題. 連大廠都信唔過, 不如不買了. 打十張八張, 正常操作, 對埋No, 帶返屋企慢慢玩啦. 唔好在櫃台左驗右驗扮專家, 其實似神台貓屎.