csmarco
註冊: 2008-04-30
上載我的肖像
|
 歷程續章 Post time: 3 月 4 日 |
|
|
早前寫過一篇"單返歷程",細閱眾師兄的回應,獲益良多.
但後來發現回應開始變異,所以唯有默言一星期,記情於工作.
網上世界,各自為政,十四年的網上經驗,見慣矣,不怪已.
本人寫的"單返歷程"一文,只不過是將本人的經歷發表一下,
但有些師兄喜歡斷章取義及以偏蓋全,總令我萬般無奈.
單是只在意我一句"三機兩閃十二鏡",已可萬般說法.
"三機",是我一家三口,只不過是每人一機而已.
我用5D,我仔仔用400D,我太太用SX1.
一家人去旅行,各自各精彩,有時同仔仔交換下來用,又有另一番感覺.
多機多牌子的師兄大有人在,甚麼C,N,S,
單是C牌都有5D,20D,50D,350D,400D,N牌又有D40X, D200,而S牌又有A100,
重未計其他牌子機添.我又覺得好平常,各自各精彩啫.
至於"兩閃",只不過是一支580EXII和一支540EZ易手舊燈,
兩父子有時出席宴會影相,每人一支燈,總不算是太過份嘛.
況且,閃燈閃得次數多,燈頭會發熱,好傷燈,又會CUT燈,有多一支做互換,何罪之有?
有次仔仔膽粗粗去幫舅父影婚宴,回家向我訴說閃燈回電慢,尤其在敬酒時,
回唔切電的問題,經一事,長一智,亡羊補牢,未為晚也;
立即買個CP-E4電池匣給他,580EXII和540EZ都用得上,
這就解決他日後可能再遇的問題.
又睇返,多燈的師兄又大有人在喎,一個人四支,兩支420EX,
兩支550EX,咁又有乜出奇呢,各取所需啫.
再談"十二鏡",如下:
定焦鏡5支,
EF 28MM F/1.8 USM, EF 35MM F/2, EF 50MM F/1.4 USM,
EF 85MM F/1.8 USM, EF 100MM F/2.8 MACRO USM.
紅圈變焦鏡4支,
EF 17-40MM F/4L USM, EF 24-105MM F/4L IS USM,
EF 70-200MM F/4L IS USM, EF 100-400MM F4.5-5.6L IS USM,
變焦鏡3支,
TAMROM SP AF 17-50MM F/2.8 XR DiII,
而EF 35-80MM F/4-5.6 II和EF 100-300MM F/4.5-4.6 USM都是易手貨.
各師兄都總應該知道,定焦鏡與變焦鏡,是不可相提並論.
更不可"一支EF 24-105MM F/4L IS USM就涵括哂我上列的定焦鏡的焦段",
而說:"重覆的焦段,都夠買部5D MKII",這說法總有點貽笑大方.
5支定焦鏡,一支L鏡都冇,咁都叫做器材先決呀?
一支定焦L鏡,都幾乎等同我5支定焦鏡的價錢啦.
4支紅圈變焦鏡,是小三元加上一支大白,
對比好多師兄用緊啲F2.8恆定大光圈變焦L鏡,一支都頂我兩支價錢,
我其實只是小巫見大巫而已.況且,我同仔仔兩人用,數量都唔算咁過份呀?
我個人喜愛影風景,廣角端我是比較有需要,所以有時會同仔仔等鏡用,唯有買支A16,
第一,起碼大一級光圈;第二,性價比都算高;
第三,A16是我仔仔的APS-C專用鏡,起碼唔使爭鏡用.
而EF 35-80MM F/4-5.6 II和EF 100-300MM F/4.5-4.6 USM
這兩支易手鏡,是有特別用途.
仔仔喜愛街頭攝影,又唔識得個死字點寫,所以有時場合會有潛在危險,
例如:多暴風少年的舊區球場,已發生暴亂或非常混亂的地方.....
佢都會拎這兩支舊鏡和支舊燈去影,起碼真係有所碰撞和跌爛,損失都不算是太過慘重.
凡事經過心思熟慮,總好過遇到意外時手足無措好一點.
咁又估下,嗰位多機多閃燈的師兄,鏡頭會唔會少得過我?
但佢就字正詞嚴的話,器材先決冇用,多機多鏡唔夠技術多好,
倒不如將器材用盡,才算好技術云云.咦?師兄,廁所有塊鏡喎!
出外影相,是自己享樂,與人何尤?理得人家用乜機,理得人家點睇自己.
師兄有次外影覺得有個細路寸佢手中的A100加支50,
立即從袋中取出D200加支小黑展示一番,然後放回袋中,繼續用回手上器材;
師兄,你咁做,好似有心魔喎!係呢,師兄去完廁所未呢?
有人話明白一分錢一分貨的道理,但亦需要知道,一分耕耘才有一分收獲.
我工作掙回來的錢,是我辛勞所得,又唔係要問你賒,又唔係要問你借,
我個人鍾意點使,何罪之有呢?
如果師兄們手頭有鬆動錢,隨時買得重多過我,好過我多多聲的大有人在啦,
我起碼重要支付屋企的燈油火蠟,日常開支,養妻活兒呀,所以唔好五十步笑一百步啦.
師兄們買啲乜野機,乜野鏡,我真係睇過就算,只不過有時見到問一些資料,
書本曾記載,咪拎本書出來抄下囉,我有講出處的.
上次我拎本書上去問服務員,我唔係踩場,我真係有問題唔明,
我真係用心去問.但有師兄覺得我為難左個服務員,我都無話可說.
後來聽完一個服務員的分析,我話對5D MKII死心,唔係我手頭嗰部5D,唔好搞錯.
我話死心了,係"我死心"呀,唔係要"你死心"喎,
我都有腦,唔係佢一句話就可以令我死心,而係經過我自己分析過,
我心目中早有二選其一,唔對一部死心,咁我又點買另一部,係"我買"呀,唔係叫"你買"喎.
至於睇書,我睇邊本書係我自由,我唔係中毒,我自己知自己事,我自己識得選擇.
一本書,集結多人的智慧和經驗所得,唔係用一句,話本書無料到,就可以證明到乜野.
如果冇人買,佢老早都執左摺埋啦,邊做到六年咁耐.
如果邊位師兄覺得自己夠料,出番本書,發表下攝影心得,貢獻下社會,又睇下可以出到幾多期?
我喜愛攝影,我尊重攝影,我知道攝影是易學難精,重有很多基礎理論要學,
我自己就話要返工,冇計啦,所以唯有閑時睇多點書,
希望可以學到多一點知識,不用下下問人,求人不如求己啦.
我仔仔年輕,有時間,冇家庭負擔,所以我就叫佢去讀全日制的攝影課程.
我日日同仔仔出街食早餐都會傾談,兩父仔感情很好,
無他的,有相同的喜好,有共同的玩樂平台,話題多的是.
有時感觸起來,會同仔仔講:"在攝影路上,你行的是陽關路,我行的是獨木橋;
你錦衣華帶,我就赤足夜行,爸爸比你辛苦好多!"
近來同仔仔一齊睇左兩個電視片集,星期日檔案_網絡欺凌和鏗鏘集_過濾?過慮?
有些網上使用者的心態和態度,總令人默言.
又發現有些人,兩父子竟然面對面可以冇偈傾,只可以用電郵,MSN和短訊去對話,情況令人感到神傷.
有時,我夜點瞓,等埋仔仔課餘兼職收工,兩父子一齊用PS3睇相,交換下心得,
我煲住煙睇相,為減少仔仔食我咁多二手煙,我都打開木門,開勁風扇,吹散下啲煙味,免佢難受.
每當我有輕咳兩聲的時候,我兒總會用手輕拍我背數下,細細聲同我講:"爸爸,食少啲煙啦."
一句說話,已感覺仔仔對我的關懷;溫情,不是用錢可以買回來的.
人人都怕悶,我怕仔仔悶,怕佢沉迷上網玩ONLINE GAME不能自拔,怕佢出街識到損友,誤毀前途.
所以我就找一種好的興趣給他,一於用攝影去令他著迷,所以我才會買攝影器材給他.
暴風少年和不良份子應該比較少玩攝影,要佢地使錢買相機,買鏡頭?
傻咩,不如留返啲錢去啪丸仔或者索K好過啦.
我總覺得,玩得攝影的人,是會有點要求,有點理性,有點理想,不易誤入歧途.
錢,是帶不進棺材的;只要努力工作,千金散盡還復來.
十人生九品,一樣米亦養百樣人;上來討論區散散心,何用事事對號入座,亂扣帽子呢!
我唔係要下下撐起哂桿,而係我有自我保護機制.
|
|
