[ambroseng]

小弟喜歡影蝶，希望影到細緻的影像，請問各位師兄師姐，是否微距150mm較佳？但主體很多時又較遠，若用384，可加近攝鏡和增距鏡以調較遠近，但放大率是0.24，請問用甚麼鏡和在甚麼程況下才可影到細緻的影像？

[ambroseng]

應該是微距180mm

[九龍人]

影蝴蝶微距長焦各有優缺點.視乎你想點影.384焦距長,自動對焦速度快,冇乜特別技巧,用中心點半按對焦即影就得.構圖都唔駛點諗,因為就算加延伸管或者增距都唔會有微距鏡既放大率(近攝瀘鏡不建議,畫質佷差),一般做法係翻屋企再裁大張相順便改埋構圖.啱懶人或者技術有限既人.缺點就係勁裁相解像度會低,而且變相用咗細片幅去影,景深會比微距鏡長.環境雜亂就較難突出主體.
如果目的係細緻影像,微距鏡會比較適合,但係你要刻服接近蝴蝶同埋景深變淺要收光圈引起既慢快門,自動對焦失效等等問題.微距鏡一樣可以加增距鏡的,不但可以增加工作距離,更可以進一步加大放率,收光圈的話畫質也不會下降太多,但技術上會更難控制.
如果你不怕艱難,寧願一日只影到一張精彩既相甚或接受食白果就買微距啦,但求有啲相粗粗地放上Facebook就買長焦啦.不過就千萬唔好買微距但當長焦咁用.

[ambroseng]

非常多謝九龍人師兄寶貴意見，我有EF180mm微距加1.4X變為252mmF5都好好用，但只限於近距離，有些觀蝶點有籬笆不能接近蝴蝶，稍遠要裁就解像度會低；384加延伸管或者增距，構圖造到唔駛裁，效果可行嗎？煩給寶貴意見，不勝感激！

[ambroseng]

我用5D3

[九龍人]

如果180mm微距加1.4x你都搞得掂,咁可以試試加2x(可能原廠裝唔到,要買Kenko).只要縮光圈到F11至F16之間,影像質素係絶對可用的.其實180mm加1.4x都已經有252mm,384唔長得幾多.不過你可以再加增距,我見過Nikon 384加1.7x都仲夠sharp的.但我自己就冇試過,我估Canon 384 + 2x如果收到F11都應該可用的.但即使係咁,加2x後最大放率都只係有1:2左右,細隻既蝴蝶都係要裁.至於再加延伸管會太暗,好難用.寧可等隻蝶近啲先影好過.夠近先影其實亦係一個影到細緻影像既方法.

[ambroseng]

因我五月頭去旅行影生態蝴蝶飛鳥和動物，我已有180微距和456，是否要入384？我只能帶其中兩支，最多加增距，影蝴蝶時只能帶一支連腳架，兩支很重又不便換鏡，180微距＋原廠2X冇AF，真不知如何是好？

[九龍人]

由於唔知道旅行社會點安排,好難講邊個方案好.萬一買咗384但原來係去蝴蝶園影,可以勁近影,咁啲百微,DC仔同埋電話就會遮晒你.如果係我會傾向帶微距.進可攻,退可守.360mm亦都算係長焦.影微距冇AF從來唔係問題,MF就得,影得大其實AF會成日對錯位.

[ambroseng]

我係自由行，最壞打算買支二手384，仲有一個月時間，三支鏡喺香港打蝶打雀試到啱先出發，唔啱再放出去！

[九龍人]

自己試過最實際.

[ambroseng]

聽聞canon正在研發一支macro300mm , 咁咪可以解决以上遠近攝和解像度問題 , 好期待 !

[九龍人]

一早就應該出啦.不過可能會好貴同好重. 仲有埋防手震,到時啲人就唔會話防手震影微距冇用架喇.

[ambroseng]

結果都係買咗支 Kenko 2X 同埋副廠微距閃燈，EF180 Macro + 2X = 360 Macro F7.1都不錯，有AF，夠光下都幾 sharp，微距閃燈有TTL，不過要多加練習；EF400 F5.6 + Kenko 2X = 800mm F11，有AF，但要夠光，質素爭D，多謝九龍人師兄寶貴意見！

[九龍人]

夠光先sharp好大機會係手震或者對焦唔準,又或者係光圈開太大問題.雖然180mm macro係好sharp,但係加到2X一定唔可以全開光圈,我習慣縮到起碼F11.建議最好在屋企用腳架,Liveview 10倍放大手動對焦影啲相,排除手震同對焦唔準,找出自己可接受的光圈值.
至於400mm F5.6加2X太暗喇,再縮光圈可用性不大.

[xoxoch]

多謝師兄，而家我用180mm macro 都會落三腳，同埋F1X光圈，ISO 400 以下；除非主體難接近，否則我最多加1.4X；EF400加1.4X尚可接受，加2X質素真係麻麻。