[jigglypuff]

請教一下各位師兄：
日前約了一位師兄交收支鏡，該位師兄可能不太懂，所以找了他的朋友幫忙檢查，期間該師兄用強光電筒不斷檢查鏡片及鏡身，經過差不多15分鐘，再上機身試影，最後ok比錢。第二日買鏡的師兄通知我，話鏡面有條癢，要退錢。我叫買家試下抹，可能只係污漬。但買家跟住話我明知支鏡有問題都賣。
我想請問各位師兄既問題係，其實我支鏡一直放係防潮箱，賣之前試過ok, 根本唔知亦唔覺有條癢。我無話過唔退錢，其實如果買家有誠意商量解決，大家可以傾，只係買家一口咬定我好似呃佢咁，我都有提出佢哋都有仔細檢查過，唔可以話完全無責任，但佢似乎唔同意。申報我唔係二手佬，我只係因為家庭問題，要更多時間陪家人，所以先至要放棄攝影，並唔係存心要呃人，但我覺得買鏡既師兄雖然你有錢買鏡，都唔好當賣家個個都呃人，呢樣係我覺得最無奈既地方。
最後我想請教各位師兄，如果發生在各位身上，你地會點處理？
多謝各位聽我發up 風。

[ChiuChiu1970]

二手交收，當面驗清楚，事後追究，難辨誰的錯。

這情況亦可以從另一個角度去推測：對方買咗回去，因為問題事後後悔，在鏡面弄條痕摶退貨都得。

[avcold]

佢現場也驗證了那麼久，有問題應當面出聲，事後才話有問題，難保是他自己弄花！

[henry009]

私人買賣當面看清楚,不會有退貨,睬佢都儍,擺明蝦你單純,除非你真係有詭佢,良心發現,充許退貨作別論.

[jigglypuff]

謝謝各位師兄的意見，知道怎樣處理了。

[小小生]

一般見佢用電筒係咁照的時候我已經會話佢運吉
唔賣攞番支鏡架啦

[V3.1]

無得退，二手交易當面檢查，
舖頭賣新鏡，如出門過夜後個客話有花，
大家估有無退？上CS倍?哈!
只好講下次交易倍加小心！

[dcfandy]

佢出埋都強光電筒,現場也驗證了，有問題都出左聲啦，事後才話有問題，可能佢自己弄花,用過唔合心水呢,呢的係買家責任當然不會退貨！

[stevenmak]

梗係唔退啦!
其實你地交易已經完成了,當時佢地已經好多時間去check ,有問題唔係你問題,係咁做壞規矩!!!

[ninpee]

問心，佢出動到大電筒加驗屍官都唔覺得冇問題，正所謂貨銀兩迄，就此作實，梗係唔退啦！
換轉自己係買家，都只可以怪幫手check鏡嘅friend太大意，而唔係去煩賣家啦！合理啲好。

[ninpee]

應該係「唔覺得有問題」至啱

[mokngaihong]

試完無問題過兩日話有癢玩老屈退錢?除非事前寫明7日包換, 唔係啋佢都傻啦!

Ching你咁都肯退，你下次有咩賣比我先....

[fred1111]

二手鏡已經唔可以當全新，何況當面交收佢地兩個人加埋用枝電筒check左15分鐘，覺得無問題先交易，小人D諗，我枝鏡到左佢手點知有冇跌過或者整花左。當然唔需要退貨。
另外，如果D使用痕跡同花痕唔影響張相成象，我覺得問題不大，鏡係用黎影相，用過實會有小小花。
大家到最後都係睇D相影得靚唔靚，除非佢買枝鏡擺係度供奉就另當別論。

[karithkung]

賣左支咩鏡？

[V3.1]

估手動鏡