[Mike777]

請問一下各大師兄,我有一支騰龍70-300(A005),近日想入手小小白IS,想問~~

1, 小小白沒防震會很難用嗎?我該直接買小小白IS?
2, 70-300 跟 70-200 會差好遠嗎?
3, 防震兩支鏡那一支比較強?
4, 入手小小白後,騰龍可以留還是可以放?

[Mike777]

我這樣換是否很笨?

[ChiuChiu1970]

1, 小小白沒防震會很難用嗎?
手持拍摄，尤其是中長焦距，有防震當然比没有防震，無咁易炒相，很難用嗎？這就因人而異，你大可以關掉支A005的防震，以200焦距影幾日相，，自然感受到難唔難。
2, 70-300 跟 70-200 會差好遠嗎?
你指什麼差好遠？焦距？你用A005分别用300和200影同一景來比較一下就知；畫質？當然是70-200好，但A005一D都唔差；價錢？一支小小白IS差不多等如三支A005，算不算遠？
3, 防震兩支鏡那一支比較強?
我有A005，但未用過小小白IS，A005給我的防震能力感覺很強，推盡300，手持1/30依然信心十足。
4, 入手小小白後,騰龍可以留還是可以放?
這取決於三件事：你重會唔會用這支鏡？這支鏡將來會不會升值？你家里有没有多餘、便宜又安全的地方來存放這支鏡？

[Mike777]

多謝師兄解答,了解變多了

[Ryeung02]

我剛好相反，用緊小小白is, 但對A005都有興趣。
由於小弟機身用5DIII,配小小白is一般情況下都OK,但在特定情況下覺得焦距唔夠長。如果我入A005,都唔會放棄小小白is,原因係支鏡好正。

[Mike777]

虛榮心與實用之間好難選擇…兩支貌似差不多,出門只會帶一支長焦,所以只會二選一…

[mluk06]

A005 係非常抵用, 唯一係陰暗璟境下好易迷焦, 同埋zoom 手位方向掉轉左, 追野映易攪錯, 但小小白既三份一價錢, 無話可說了, 而且輕, 旅行必帶.

[Mike777]

旅行除了帶小小白外,還會帶那一支?還是小小白走天涯?

[hello_manman]

樓上ChiuChiu1970兄已經答得非常好

個人有另一個問題,樓主問此等問題,感覺上仍是新手
不論是拍攝年資,甚至是思維上都係新手

個人覺得買鏡不是為買而買,如果係要虛榮心的話,根本不用多想,想買就買
可是樓主這樣問,應用不是以虛榮心為先(當中也有此成份)

購入新鏡,到底係為拍攝主題而買,主要是想拍什麼,才會有什麼鏡,並不是有什麼鏡才有什麼主題的相

個人想知,樓主到底喜歡拍什麼,還是單純為買而買? 單純覺得總要有支小小白才叫正常? 才叫正規等想法?

順帶一提,再提起單反玩攝影幾年(之前停了很久),今日才開始想想是否需要買小小白? 即是多年來都沒有此鏡

因為見太多人提及為買小小白而煩惱,就好像要有一支才似樣的感覺

[Mike777]

樓上的大大,我確是新手中的新手,相機快門數不過3000,從開始到現在對攝影開始有點興趣,想了解多些,因為什麼都想知什麼都想試,才問這些問題,請不要見怪,我會用心消化你們的建議

[titus_chiu614]

樓主：我之前都係新手入門買咗支二手龍仔A005, 初頭冇比較之下都好欣賞支鏡～70-300段非常好用！我配5Dmark III就算去演唱會坐到中後排左右去影，返到屋企crop少少都ok見得人，但有朋友讓咗完支小小白IS俾我玩之後一比較之下明顯canon支小小白色彩Rich d;detail位線條再分明d，而且追焦好快好準！另外支有保養既龍仔放返出去重有三百蚊賺咗添～～我通常影小朋友多canon呢支小小白IS絕對正常選擇⋯後期迷上影蝴蝶就加上1.4x extender III 盡雞可以去到280mm,雖然光圏降到 F5.6 但日頭影都夠用有餘⋯but 人總係貪得無厭，年尾出完花紅有閒$$就身痕果然一年前又再轉咗小白II ，雖然鏡身重咗好多，但影人像真係有種吸引既迷人感覺⋯不過其實我都係好多時用F4.0多 ！回想返將價就貨小小白IS 絕對入得過 ！不過如果自問唔係無敵石膏手就唔好貪平入冇IS版本⋯IS版本正常人用好用好多，如果想入二手要留意IS正常唔正常，同埋Zoom位鬆緊⋯好多二手貨都係壞呢d及走焦⋯
希望小小意見幫到你⋯

[hello_manman]

明白新手的心態,如果真係有錢錢多,不妨照買,兩支都留在手,影到咁上下就會知道自己要咩

個人覺得,搵到自己喜愛既題材,就會自然買咩鏡,就唔會煩惱買兩支相似既鏡

以個人為例,我手上有17-40 + 10-17 / 60M + 100ML + 384

個人喜愛風景 + 微距 + 花

所以17-40 + 10-17 用於風景之上,稍後會再買 11-16

60M + 100ML + 384 用於微距 + 花之上,稍後會再買環閃, 期待CANON 出新微距鏡 (200M / 300M)

但70-200 從來都無,只是影荷花多了,發覺384有時唔多方面構圖,才開始諗要買70-200, 可是沒有又不是太大問題,因為不認為創作會受器材限制,倒不如花多心機利用384去做好構圖,訓練自己既攝影眼,比起煩買支70-200來得好

純個人分享,希望幫到你找到喜愛的拍攝題材 ^^

[Mike777]

我比較喜愛影生態,所以打算購入

Canon EF 100mm f/2.8L Macro IS USM

Canon EF 70-200mm F4.0L IS USM

影昆蟲,植物,雀鳥；風境照就加減影,始終會有機會去旅行

聽聞新百微影風境都可以接受,所以廣角鏡就先不考慮囉

(如有太大觀念衝突的請指教)

[Ryeung02]

我支百微影花專用，風景多用支17-40。

[ChiuChiu1970]

百微當人像鏡用就很多人會，但用來拍風景就真係要見識一下怎樣拍啦！

我支微鏡通常用來影虫影蝶影花，風景用S17-50或者T10-24。