[VICKylaw]

早前旅行時拍了一些照片，有很多地方都拍得不太滿意，發現自己的攝影技巧真的很弱，希望各位高手賜教(特別係h0001244師兄，希望你睇到呢個post)

1. 唔知點解有部份相影咗出嚟，下方有一大截黑影，起初以為係Shutter speed too fast，於是試咗1/160、1/125，依然無改變，然後再試埋除咗個hood都唔得，請問師兄們知否原因？

2. 壓光技巧問題，在日光且有雲彩既情況下，我嘗試用快門1/250、1/200、1/160+f5.6、f6.3、f8.0，再微調iso，flash output with full power，大部份時間都會係：天空曝光正確+人物略為under+地面嚴重under or 天空over+人物略為over+地面曝光正確 or 天空over+人物曝光正確+地面略為under
(i) 請問以上問題是否源於閃光燈輸出不足?
(ii) 如果用高速同步，high shutter speed + greater acpecture能否解決問題?
(iii) 如果後製+ev, -ev再hdr能否改善以上問題? (參看h0001244師兄早前的post)

3. Sigma 24 1.8係一支唔錯既lens，好可惜佢逆光完全focus唔到，好多時都要避開太陽focus左再移開構圖，但係更重要係本人用6D既單點對焦，發現佢邊緣對焦點係完全唔準，請問h0001244師兄同其他師兄有無咁既問題？

4. 其實大家用Flim camera with flash，輸出係唔係斷估?我自問用digital既時候，係斷估完再微調輸出，大家有無咩心得？

多謝大家用寶貴既時間睇晒以上既問題，亦衷心希望各位不吝賜教！

[siusiusiusun]

咩燈

[VICKylaw]

YUNGNUO 唔記得咩咩型號，應該得GN 30左右，無高速同步，好後悔無帶600EX去

[HeeroKuen]

壓光...燈打唔到既野包括地面都會一併壓埋，唔想地面 under，打燈打埋佢...其實想知你幾點去影？如現場環境太光，你支燈得GN 30，一定唔夠力，要大到可以蓋過現場光先會有效...以前玩135 film打閃會睇表，而家用 led燈即場測光免炒相...

[siusiusiusun]

1)唔知有無用TRIGGER, 同埋無相, 好難估.
2) 日光都要睇咩時間, 正午定下午還是黃昏. 不過閃燈GN 得30, 壓光好擇駛
用HSS POWER 會更弱, 開大光圈影埋D 景唔清既相非解決之道
閃燈ZOOM頭 去束D 有助加大光照力度, 或者有飛燈既將支燈盡量放近D 都有幫助

後制, 人手HDR 可以救相, 但如果影時壓光做得好, 事後做既野可以少D 輕鬆D

3) 逆光時係好考驗機身同鏡頭, 原廠鏡其實一樣會出現難對焦, 副廠鏡如SIGMA 會再嚴重D. 可以改一改角度, 裝HOOD, 或用手檔一檔強光方向, 對焦後再移開隻手黎影

4) 閃燈有GN 其實有數計, EV 都有得計. 同埋影得多會有經驗大約用咩數值會得出自己想要既相.

[pongyee]

話明"壓"光，支燈唔勁點壓低陽光？

[ChiuChiu1970]

得一支燈，重係只有GN30，用嚟補下光就可以。

[VICKylaw]

多謝各位解答!首先要補充一下，原來支燈yungnuo 560iii，GN 58@ ISO 100 105mm，我用咗兩支黎飛燈，但係一支係main light full power，一支係fill light，大概係數1/4~1/16既輸出

re HeeroKuen師兄: 謝謝你熱心解答，我大約在czech 既13:00~19:00期間影相，應該係接近中午至黃昏時段，是否因此背景光太強?
拍照時，地面是一些歐式建築，範圍太大太遠，難以用閃光燈照亮，我原本係打算人物(女朋友)做主體，地面建築做背景，加上上方天空既雲彩作為襯托，可惜天空同地面反差太大，處理唔到。
另外，測光錶可以測到閃光燈輸出嗎?是否要成千銀果d先做到?light meter個apps可否取代?同埋led 燈係continuous，與閃光燈在使用上是否有很大差別?可否作壓光用?

re siusiusiusun師兄: 謝謝你!!!解答詳盡!!!本來我係想放相上黎問，會直接d，但係我唔識點post出黎。我有用trigger，但係閃光燈並唔係放得太埋，因為我主要用24 1.8同35 1.4影，閃光燈原來係GN 58 =p
HSS 閃光燈會弱，唔開光圈，用iso彌補可否?
閃光燈放近d，我都想，如果有個燈童就好，唔怪之咁多人帶埋賓賓去旅行.......
我有裝HOOD，但係用手遮未試過，多謝賜教，下次試下先，考驗機身同鏡頭，其實6D對焦係唔係好弱?
閃光燈GN，好難計，又要測距，同埋飛左燈就更加唔識計 =(

re pongyee師兄: 其實小型閃光燈輸出始終有限，600ex 雖然話有GN 64，但係@ISO 100 200mm，變相仲要細左，加上旅行裝備上有限制，請問師會唔會有旅行閃光燈配備方案可供參考？

re chiuchiu1970師兄: sorry，原來係GN 58，我係用兩支燈，一支壓光，一支FILLING =)

[h0001244]

我來遲了，今朝外出工作，未能上來！！
唔知點解指定我，都岩的，先由羽量級問起，我答唔到仲有好多高手幫我頂上！！！
你的問題，以上的高人都解答晒了。

烈日當空玩壓光我都只玩過一次，在關島的一個日落時份。發覺要的器材也不少，自始放棄了，因我是懶人族，不愛帶太多東西去玩的尤其自由行。

回正題

烈日下你的閃要有足夠power才能壓過太陽，閃燈與人距離影響power output，所以 full power output 都不夠就只好縮短閃燈與人的距離了。高速同步幫不了的，因快過1/250s(6D 可能係 1/200s)，閃燈係頻閃(閃幾次)，越高快門越閃多幾下，參看youtube快門運作就明，其實係似張相分幾行影再拼合一起。閃多幾次，每次power output也會下降才能完成使命，所以在增快快門以圖減少背景入光的同時，閃燈也是不爭氣的！
光圈大了小了，也會影響both背景光及閃燈光
ISO大少，也會影響both背景光及閃燈光

好，小結一下先，背景光與閃燈範圍的光差
看來有4個parameters
1. 快門 - 低於 1/250(同步快門)時，高快門可令閃燈範圍的人更光，高於同步快門就閃燈唔爭氣了！
2. 光圈 - 齊上齊落
3. ISO -齊上齊落
4. 閃燈Output，這包含 Output強度與閃燈與人距離兩個，在full output後也不夠光就要加燈或縮短閃燈與人距離了

烈日中午係好光的，要同太陽打平手甚至打贏太陽對我係難事也，不過有樣同品幫到手，反光板，不過去旅行算了，我投降不帶罷了！

要地面都光到同天空有得fight，同整光個人一樣道理，得要好多lighting囉！

HDR又得唔得？得，不過如我之前用的+/-1EV也不足以包含烈日中午那種光差，所以只能幫你少少。
咁set 定腳架 +/- 3~4 EV呢? 得，但要做到自然效果，睇怕要玩成兩個鐘ps後制(當然指手腳慢的我，其他高人應該快d) 。而機身HDR，甚至software HDR，當遇到如此強光差，多數都做出來做到好假的。我自己做過，delete左。
咁就是無晒計了？如果收錢做，我會投降算了！但旅行自己影可以改變一下吧！影下兩個人手拖手的展影又得唔得？跳起的興奮又得唔得？

S24 1.8 我都有呀，因24mm不是我杯茶，平玩算了
逆光focus，我都係如siusiusiusun兄的做法，用手檔一檔強光方向, 對焦後再移開隻手黎影，自動測時也可減少 under 問題添！

輸出係唔係斷估？我係，影得多都知大概了，digital年代有樣好，影完有得即睇相，over左under左可以即時再set過，補飛。無個meter 度，其實都可以計數，GN 58就即係 F1 ISO 100時去到58m，慢慢計，但倒不如影一張再調算了

[h0001244]

題外話，DSLR因快門簾運作原理，於高速快門下(>1/250s) 用閃有一定限制，最終解決方法離不開加大閃量。
所以一般無快門簾的相機，電子快門那種(好似係咁叫，個名唔記得)，G1X MkII，去到1/4000s Flash Sync，/250 -> 1/500 -> 1/1000 -> 1/2000 -> 1/4000，足足四級，即太陽與閃光拉近四級了。
如果你之前的case 是 人under四級黑黑的天空正常，那你現在可打個和
如果你之前的case 是人under兩級暗暗的天空正常，那你現在可移後一陪原本閃燈與人距離(eg.原本3m->6m)

多麼的希望 DSLR 引入此方法讓我們輕輕鬆你玩壓光，(齋up的方法如下)
可以係全開快門簾時閃，用電子去控制sensor1/4000s時停止convert光做signal，關上快門簾。齋up無敵，可能好多技術問題........

見諒，隨口up，當秘級

[siusiusiusun]

影到快門簾個影應該出於你用既TRIGGER上, 你支燈用永諾560 3, 估你TRIGGER應該都係用永諾RF 602 603 之類

部分TRIGGER 部分雜廠燈 支援 X SYNC 較低, 特別係永諾有時怪怪地

壓光推ISO 一樣改變唔到同位置下閃燈唔夠力既事實. 推ISO 去就支燈, 咪即係又推返光相片 高光部分....

[ChiuChiu1970]

h0001244師兄解釋清楚詳細，小弟獲益良多！

[h0001244]

我再嘗試解讀一下你見到的情況，假設你閃燈已full power輸出

天空曝光正確+人物略為under+地面嚴重under
天空over+人物略為over+地面曝光正確
天空over+人物曝光正確+地面略為under

三張相都顯示三者的光度係constant. 以天空最光，人物受閃光位次之，地面最暗。
這情況有幾樣野可以set下去改變限制
1.如果慢快門1/60s，推去1/250s，天空跟地面即時暗了兩級
2.加多支閃，人面即光左，天空地面不變

天空地面的差距變不了，要用上漸變灰filter幫下手(上暗漸漸下透)，但人面又會一樣上暗下透了，此時閃燈也要考妙地上光d下暗d的打，balance番。

還有色溫的兼顧，日落要加片橙色filter落閃燈度，否則兩隻色！！

天呀，太麻煩了，不如同女朋友坐低飲杯咖啡仲好！這才是享受旅行！

[h0001244]

ChiuChiu兄見笑了，我答不了的要麻煩你多補充下了！

[ChiuChiu1970]

hooo1244師兄，我玩燈仍在嘗試階段，想補充只怕講多錯多，遇有問題，仍要向師兄你請教。