[sorgor]

EF 24mm f/1.4 L II USM
EF 35mm f/1.4 L USM
EF 50mm f/1.2 L USM
EF 85mm f/1.2 L II USM

之前聽閒85mm最好,但要好遠先影到.....
我用50d的.

不論價錢...邊支比較好? 請各c hing指教!

[iso_ray]

嘩~~~~~大4喜..........唔同焦距都一齊講, 難D喎

由其係<比較好>依3個字, 我諗不如寫信問日本CANON廠, 邊支<最好>

[sorgor]

iso_ray
你意思係相差真係好少? 只係焦距唔同!

[Thomas1]

我認識唔少帥兄用 35 L

50 D 是配合的

[David_Man2020]

EF 24mm f/1.4 L II USM

[csmarco]

sorgor
下列焦段的定焦,除了24之外,我全部用過,只不過係普通定焦鏡,而唔係呢啲咁貴的L鏡.
而24呢,我亦有用24-205推盡廣角端至24用過.
EF 24mm f/1.4 L II USM (即係好似變左38.4MM)
EF 35mm f/1.4 L USM (即係好似變左56MM)
EF 50mm f/1.2 L USM (即係好似變左80MM)
EF 85mm f/1.2 L II USM (即係好似變左136MM)
咁亦要考慮你比較喜歡影邊一類型的相片.
例如:風景、風景連人像、人像連大頭抑或只係大頭.
好多話50MM係標準鏡,最接近眼球,但係我完全唔覺得.可能佢地只係計一隻眼.
如果以兩隻眼的視角,我話可能係接近32MM.
點解我會咁講,因為我真係實際有用過,唔係隨口0翕當秘笈.

我先由中段講起,我用FF機,裝左支35MM上去,雙眼睇到啲事物,一拎起部機,總要褪後一步至可以影到哂我睇到的事物.
而換左支28MM上去,我雙眼睇到啲事物,一拎起部機,總要向前兩步至可以影到我睇到的事物而不會有多.
所以,我至會估計,一隻眼視角可能真係50MM,但一對眼計,就應該係32MM.

如果去行花市或者年宵市場,帶埋太太去,用支35MM,我望到一個認為合適的場景,我就會叫我太太埋位,
我只需褪後一步,就可以立即影到我想影的場景連人像.
如果用50MM,我要褪後好多,褪到咁後,啲人群就會喺鏡頭前行來行去,直接影響成功拍攝的機會率.
況且,有時真係會褪無可褪的.
街頭隨拍,35MM就最好不過,褪一步比較易,影人影景亦相宜,變形量可以接受,所以會比較多師兄用35MM定焦.

28MM,影人像較易變形,女像一靠邊站,立即肥左一個尺碼,被條女鬧死都似,
尤其係稍肥而又怕肥的女仔就更加慘不忍睹.24MM就更不在話下啦.
但係有次我同老細一家人和朋友去食火鍋,一枱十二人,我用28MM就真係好正.剛剛好.
又記得有次上老細公司,佢有個女職員抱住個小朋友,叫我幫佢影大頭連膊頭,當時我係用緊28MM.
我影完之後,個女同事面都紅埋,跟住同我講,話我使唔使行到咁埋.
我立即按出剛才拍攝的相片給那女同事看,佢看後話幅相啱啱好.
超廣角鏡,影女像大頭要行到好埋,給被攝者一種很不安全的感覺,好有侵略性.

所以,你一定要知道你自己用相機會影邊一類型的相片,才好選配適合自己的鏡頭,尤其是定焦鏡.
我上述所講的數字,是以FF計算.你用50D,計埋1.6x
即係如果你想街頭隨拍和影風景連人像,EF 24mm f/1.4 L II USM (即係好似變左38.4MM)就較易用.
咁你雙眼睇到啲事物,一拎起部機,就要褪後兩步就可以影到哂你所睇到的事物了.
至於變形量,由於有1.6x,鏡頭成像圈變形最多的位置被裁去,所以睇落變形比較少,是可以接受的.

[csmarco]

SORRY!!!!
呢句"而24呢,我亦有用24-205推盡廣角端至24用過."係一時快手得濟打錯左.
應該係"而24呢,我亦有用24-105推盡廣角端至24用過."
那支係EF 24-105MM F/4L IS USM
請見諒!SORRY!!!!

[sorgor]

多謝各位回覆! 特別係csmarco , 夠詳盡,好有參考價值!

[lewealace]

agree!

[csmarco]

sorgor
我好老實同你講,我用左單反都只不過係短短10個月.
而最近呢三四個月,我至轉用定焦鏡.
攝影年資,只不過係一個數字而已,大師,新手亦可以發言,發表一下佢對攝影的睇法.
我用機好粗,我同仔仔一有空就會拎位部單反通街走.兩人一個月平均影超過五千張以上.
買左定焦鏡,開始的時候係比較難適應,不用怕,多用幾次就會慣.
開頭我用慣ZOOM鏡,成日怕買左定焦鏡要做人肉ZOOM,原來實際唔係.
用慣邊支定焦鏡,自己心中有數,要距離拍攝物幾遠,一步就到位.
定焦鏡除了相片質數比變焦鏡更優勝之外,光圈亦比變焦鏡大,適合低光拍攝.
而最大的得益,就係唔使分神去ZOOM,全神貫注構圖重好啦.
我用相機,我用得最多的是M MODE,開始又係幾難用.
而家用慣左,不知幾就手,背光,順光,側光,要增加幾多或減少幾多曝光率,
好自自然然咁用光圈快門就調校到.
反而P MODE, Av MODE, Tv MODE,就因應環境需要經常調校個測光模式,
又要點測光,又要權衡式測光,又要平均測光,煩到頭都痛埋.
用M MODE,全手動,加上定焦鏡,真係其樂無窮呀!

[lk830_hk]

EF 24mm f/1.4 L II USM　毒王
EF 85mm f/1.2 L II USM　人像王
最正

[Sam1983]

今日都有試這支EF 24mm f/1.4 L II USM配在50D

真係好毒......連人帶景,o岩o岩好....

但價錢真係好毒了......

如果真係買的話,我寧願揀上一代那支了......至少冇咁貴啊

[csmarco]

容我在此再補充少少.
可能有師兄會覺得我所講的,又要行前兩步,又要褪後一步或兩步,好似好麻煩咁.
其實我想表達的,是一個概括,有時睇到景物覺得美,不想有點缺失,所以至要行前褪後.
如果你用慣左,你會好自然地知道,用上何種焦段,在原地上拍攝,
畫面部份有幾多會增多或減少.自己會相應作出遷就.
唔係一定要睇到的,就一定要影哂.自己會因應鏡頭焦段而作出取捨.

我對感覺的捕捉,是非常敏感.幸好我可以將感覺言語化.
就以我買了一支35定焦(非L鏡),我在裝卸的時候,覺得其鬆緊對比其他的鏡頭總是略有所不同.
由於我有疑問,我就拎支鏡頭上CS問,先上11樓維修部檢查,
我原先重以為個金屬接環彎左,後來佢地經過多番檢查,都話冇問題,完全正常.
我堅持其鬆緊對比其他的鏡頭總是略有所不同,我拎多支其他定焦給CS小姐試.
試多幾次,CS小姐終於都感覺到確係有少少差異,她再拎入去給師父檢查.
師父用電腦和多部相機重覆測試和檢查過,始終都話冇問題.
跟住就由一個資深的維修師父跟我說,原來有少部份定焦鏡頭的接環設計是有所差異,
我問他,同是EF MOUNT,同是金屬接環,又怎會有差異?
佢拎多兩支同時一模一樣的35出來給我試,問我是否這種感覺,我話係,就係這種感覺.
佢好詳細的解釋給我聽,點解我會有這種鬆緊有異的感覺.
我聽完他解釋,我都好滿意,跟住我抬起頭向他說,24非L應該都有這種感覺.
佢有少少愕然,問我是否亦擁有此鏡,我向他說:"我沒有,只不過我知道24和35的非L鏡,應該係用上同一個設計的."
師父回答我確實如此.我為求再三證實,我取回支鏡,再落10樓陳列室,找一個我經常詢問的資深服務員.
我將問題向他反影,佢笑笑口跟我講,事實確實如此.
佢重從鏡頭櫃中逐支取出,24,35非L鏡,拎埋給我試.
我試完又試,原來確實是接環底部真的是設計有分別.
我終於完全明白,亦證實我的感覺是對的.

[火Ken]

Sigma 30mm f/1.4幾用好，價錢相宜！

[1208pang]

Sigma 50mm 1.4 !! 不錯