[canon550d]

我公司早前 同另一間知名的公司搞個EVENT, 一般的EVENT我都會影幾張相, 叫做記錄有件事發生過, 但呢次另一方要求過想要埋我地的相和VIDEO, 同事就唸住叫我幫手影, 我已經三番四次同佢講, 人地口講話冇要求, 心唔係咁唸, 又同佢解釋拍攝EVENT唔係齋話識影相和拍片, 有D錢係要應使得使, 專業就係專業, 果D經驗我係冇可能有, 我話明我自己係影自己仔女多, 我和專業差得太遠, 叫佢請人影, 仲搵埋CONTACT俾佢, 最後冇請到人, 之後我叫佢點都叫多個人幫手影

好啦, 完左之後, 一如我所料, 我自己的相根本影唔足, 好彩叫多左個同事幫手影, 叫做影到。事實證明兩個業餘都不及一個對方的專業攝影, 無論走位, 專業就係影足晒所有重要嘉賓, 冇乜甩碌, 即場執相可以出新聞稿

出事的係個VIDEO冇左聲, 個個都係集中咁影, 根本開左VIDEO CAM都冇留意呢D事, 原本係唸住求其影, 最後一星期才要講到原來咁認真, 好言相勸叫佢請專業, 又唔請, 現在只可以講愛莫能助, 同公司慳, 鑊就自己揹, 為咩呢?

攝影及攝錄做到人地心目中的OK, 同佢講係專業真係唔鬼信你, 人地心中的OK可能係旨欠吸引力的電視節目及電影, 但唔會唸其實只係內容差, 拍攝仍是專業級。

IT部門仲搞笑, 單野我有問過佢借人幫手, 佢死都唔出人, 出左事就緊張, 我有同佢講過有重要嘉賓。

其實衰左我覺得都好, 一來對方原來都有請人拍, 即係有另一個COPY, 人地俾唔俾你另一件事, 至少冇咁大鑊, 二來等班同事唔好唸影EVENT係乜水都識

[patrickyellow]

好！呢啲真係唔見棺材唔流眼淚！