[hungma]

好陰公呀 害死人呀 準新人要小心呀!!!

壹週刊 2009-05-14 投訴(2)


有讀者一擲五千多元，請專人拍攝結婚當日的過程，希望留下美好回憶。惟逾半照片竟然過分曝光，質素差劣，慘不忍睹。

事主與老闆理論，店主卻指他沒有在婚禮當日表達不滿，質疑他事後追討，「打死狗講價」只為搵着數。

鮑先生今年二月與女友拉埋天窗，幫襯金都商場的天使婚禮（下稱天使），拍攝婚禮當日的點滴並製成光碟留念，全套收費五千多元。「我同太太見職員態度好好，大家又傾得好開心，所以就算佢價錢唔係特別平都幫襯佢，仲即場俾一半訂金。」

結婚當天，鮑先生發現天使派出的攝影師極不專業，竟忘記帶備相機專用的記憶卡，要向鮑先生的朋友相借，「佢借咗朋友張卡，搞到朋友想幫我影多啲相都唔得。」其後攝影師更在鮑先生接新娘期間，擅自離開大半小時，謂要回家取記憶卡，「佢行開咗，令到我哋有啲環節都影唔到。」

鮑先生怕影響攝影師的心情，一直敢怒不敢言，惟他發現攝影師一直心不在焉，經常坐在一旁把玩相機，要新郎哥親口多次提醒才懂得埋位。惟鮑先生當日根本分身不暇，故婚宴後快快手付了全費予攝影師，未有追究。

一星期後，鮑先生到天使取相，赫然發現攝影師當日拍下的一千二百多張照片，大部分是過分曝光或對焦不準。細看照片，又發現攝影師連地上的雜物統統攝入鏡，極其馬虎，「我太太每次睇到啲相都喊，啲相影得咁肉酸，我哋都唔想曬出嚟。」

鮑先生憤而向天使理論，其負責人Bob也認同攝影師的表現有問題，並着鮑先生「開個價」賠償，承諾一個月內，用電腦技術搶救照片，並答應事主的要求，賠償二千六百多元：「負責人當時實牙實齒話兩日後賠錢俾我，仲問我拎晒戶口號碼。」但鮑先生等了數天，對方仍毫無動靜，惟有再致電追問，此時Bob反口拒賠，「佢突然間又唔肯賠，只會幫我執好啲相，完全無誠信可言。」

求證直認反口不賠

記者翻看天使當日替鮑先生拍下的照片，大部分照片的顏色都偏光，相中新人面色如紙般蒼白又反光，極不自然。

記者於上月中以朋友身份，陪同鮑先生到天使對質。Bob直認曾承諾賠償，「我當時無認真睇過啲相，以為真係無得救，先應承賠錢。但我再睇清楚之後，覺得質素其實無問題，唔值得賠二千幾咁多！」

Bob更表示照片的質素正常，又指鮑先生吹毛求疵：「我唔敢話攝影師影得好好，但的確有啲客係會滿意呢種質素，我只可以話呢批相唔適合你，係你覺得唔合格啫。」

跟進 - 執相無幫助

記者把照片交給有二十多年經驗，現於UNiSOFT及Nikon攝影學校任教的彼達攝影負責人Peter翻閱，他謂照片已過分曝光，就算用電腦軟件執相，亦不能化腐朽為神奇，「新人啲面色雖然可以校番暗，但禮服嘅細微位一定無得救，點執都無用。」

記者瀏覽熱門新婚網站《生活易》，發現有曾幫襯天使婚禮的網友訴苦，指原定等兩星期即可取得的婚紗照，最後等兩個月才可取貨；又有網友表示，因不肯加錢多請一位攝影師，天使突然於婚禮前三天「放飛機」，令網友十分狼狽，最終要找其他朋友幫手，直指天使是「黑店」。

回應堅持不賠反指客人有錯

記者將鮑先生的投訴轉介至天使，其負責人Bob堅稱照片質素沒問題，故只會用電腦修改相片，不作其他賠償。

他更指責鮑先生如不滿意攝影師的工作態度，當日應拒絕付款，現在追討猶如事後敲詐。（林疋然）

天使起底

根據商業登記署資料，天使婚禮於○四年八月成立。其擁有人為吳志聯。店址為旺角彌敦道七四五至七四七號金都商業中心一樓一百二十號鋪。

壹判官

結婚是人生大事，天使婚禮破壞新人的美好回憶，猶如惡魔。
http://en.wikipedia.org/wiki/Swine_influenza
http://en.wikipedia.org/wiki/2009_swine_flu_outbreak
http://www.cdc.gov/swineflu/key_facts.htm

[yoyowan]

呢D 真係黑店, 唔PRO之餘仲要留個咁唔好既回憶比新人, 差劣!

[steveleung3815]

結婚始終係人生大事, 俾d垃圾攝影師+黑店搞衰曬.. 真係喊都無謂!!! 無下次架....大佬!!! 真係害群之馬......整衰曬"金都". 容乜易搞到d新人唔去"金都". 仲有好多其他人要食飯架.....

[feet]

so poor!!

[wesleyyau]

其實真係睇彩數... 好多金都鋪都係有攝影師掛牌去做job... 不過個價真係好低... 因為d 鋪要低價搶客... 又要賺多d... 壓攝影師價壓得好勁...
好o既攝影師太低價... 除o左等住開飯... 零願唔接...
依家好多人玩dslr... 有一set 架生就去搵食... 新仔當然收得平... 可能d 鋪將貨就價咪出事囉...
以前o係某forum 有班o係金都掛牌o既攝影師有個post.. 不過搵唔到囉..
最好就係唔好靠呢d 公司... 直接contact 相熟攝影師... ^.^

[yung2]

其實五千幾真係勁低價, 影得靚果d閒閒地都過萬, 結婚係咪都洗左咁多錢, 真係唔好慳影相果筆咁細o既數搞到衰收尾.

[JSmith]

嘩~果個邊度係攝影師呢架，直情係求其搵個有機既新手去接job，重要係判上判，根本唔識影相﹗
我當年都係去金都搵人影結緍，好彩個攝影師好專業。

[lmichael]

呢o的真係....., 結婚一生人一次, 影到咁. 不過其實現在用數碼, "出事"的機會已經少好多, 影出來, 一睇, 有問題, 就即係set 過啦, 好明題係個攝影師無心做o野.

所以, 有時真係叫o的識影相的朋友, 幫o下手做第二攝影師, 有什麼問題, 都可以有相交差. 而且.....佢見你有識影相的朋友, 都唔敢太亂來.

[50D]

唔係呀....
我有個好彩經驗...金都另一間既攝影師，我做兄弟時認識，到自己結婚時都搵佢...(我知依家個價，不過5k都算平嗎？)...後來仲介紹了幾個friend比佢！
對於那對新人...真係不幸！
老實講新手都無可能睇唔到爆光呀，跟本完全唔識得可怕！比錢都賠唔到那份回憶！

[jsklee]

if they take raw photos, the photos may be corrected. But if they take jpeg, then no hope la!

[bzboy]

Push!
呢D 真係黑店.

[william_lau]

做JOB連memory都唔記得帶，佢連業餘水準都唔到。 好可能係全AUTO拍的。

[50D]

william_lau...全AUTO拍可能仲好d...最怕亂用M ...
jsklee...可能佢jpeg同raw都未識

[khadafy]

殘念................

[alextyh]

如果呢單嘢係真o既話,嗰位所謂o既攝影師真係極度唔專業!!結婚呢啲無得NG o既場合,就算你平時影其他嘢點求其都好,唔該嗰陣都專心番啲啦! 重要連咭都唔帶?! 好離譜啫.....
間舖頭就重無良.....想搵人幫趁都幾難!!