[陳師奶]

我本來是使用CANON S1 IS的，一直都很滿意，直到有一天相機的LCD組件出了問題（應該是該組件本身的default），拿回CANON維修部處理，擾攘了好幾個月都沒有解決，我甚至在等候回音期間買了一部LUMAX替用。最後由於日本方面沒有這件零件替換，CANON還我一部CANON S3 IS，還說這部機比我原有的高級。

我只是一個小女子，只會使用預設功能幫小孩拍照，CANON S3 IS比S1 IS多出了的功能與我又何干？不過CANON S3 IS拍出來的靜態照片的確比S1 IS漂亮，可能是像數高了的關係吧！可是每次使用預設的speed功能拍照時，雜訊卻多至不能接受，把resolution 調到最高，有3、4MB的一張的照片微粒還很粗，像佈滿雪花一樣。有點像zoom到最遠拍的一張，其實都是用腳架，拍身前十米內的影象。

向CANON維修部反映，甚至把以前用S1 IS預設speed功能拍下的照片跟現在用S3 IS同樣功能拍的照片存檔（白天、同一場地，同一種運動），連同相機一同送回維修部處理。維修部技師打電話來說他試影過，冇事喎，幾好效果丫，來取回相機吧！可是再試拍仍然是那回事。再去跟進，這次給我的答覆是「係咁架啦，我拍過覺得雜訊可以接受！係未你自已亂攪過部機？」。唉，都話我係師奶咯，包括自已部lap top、手機在內，乜都係只識得開機同熄機啦！由於自已沒有這方面的知識，亦不懂得如何和他爭拗。

現在請求各方有識之士指教，使用CANON S3 IS預設的speed功能有如此強烈的雜訊是否正常？如果S3 IS這個預設功能的雜訊屬於正常，為何低兩個grade的S1 IS又沒有問題呢？

如果我不打算投資買新機，每次影運動比賽的照片，用手動功能可否解決？可否賜教？謝謝。

[謝夫 Jeff]

用得Speed功能拍攝如光線充沛〔日光下〕，便能發揮這機仔所長，若預上
光線不足，用此功能，相機唯有自動將感光度SET高 才可保持連拍速度，
ISO高，雜訊亦高！

[alextao1386]

我以前用過S2IS, 都有玩過Speed, 妳講0既雜訊係唔同我0地用單鏡果種雜訊, S2IS用Speed影0既相, 放大來睇, 會見到直頭係冇緊D點, 呢個係正常0架~~ 我諗S3IS都係一樣喇~~
我建議妳都係用其他預設, 例如人像、Auto, 非必要都盡量唔好用Speed喇~~
影運動比賽, 不如拍動態片啦, Canon呢個系列0既機拍片好掂0架, 仲係立體聲收音~~ ^_^

[zeater]

高ISO, 雜訊高 係機仔死剩,(even 係prosumer). 我諗你用S1 IS影運動時 雜訊都係好嚴重.
我都用過S3IS. 其實以機仔嚟講都幾sharp啦. 至於影運動, 要求更快快門, 就要提高iso,雜訊高係無法避免, 允尤其室內. 如果曰光日白, 就set低d個iso.

[pongyee]

運動比賽的照片要求非常高，不是一般機仔應付得了。

[陳師奶]

多謝各位指教。我絕對明白機仔的功能最多可以去到邊，亦不會要求過高。我家小孩玩speed skating，我一般都是在他比賽或練習時拍攝留念的。問題是以前用S1時真的可以用預設的speed function拍到很清晰的照片，唯一不足是冇左少少深度，照片比較flat而矣。但始終都不會像現在用S3拍照時成張相花曬，我有冇辦法post相給大家看看？我想攪清楚究竟是部機壞還是S3的功能不如S1？

[pongyee]

我沒有用過 S3，但見你沒有提過 ISO，試把 ISO 降低至 400 或以下 (200 or 100)，看看有沒有改善？

[fault]

基本上S(X) IS系列在ISO100過外，雜訊已經頗嚴重。我之前用S2 IS，定多都係set到ISO200。

[陳師奶]

多謝意見，我會試下調教 ISO低過200再試驗。 Thank you

[ken61680]

樓主不如放d相黎睇睇~~