[seamonkey]

我由舊年買我第一部單反：450D，今年升上5D MkII，鏡頭由窮人三寶，上18-200mm f/3.5-5.6 IS，由於大機不能用此鏡頭，結果賣出轉小三元。及後鐘意大光圈，換上大三元和定焦鏡。發覺D器材愈嚟愈重，好想揾個「書僮」。但早幾日在這裏『作品發表區』睇到一幅由師姐Mandy10289影的「花蝴蝶」相片，登時有些驚訝！好靚，構圖好好，好似電腦做出嚟的效果一樣！
小弟我覺得 Canon機做唔到咁Sharp。〈希望我講出這句話，各位師兄唔好圍毆我就好啦〉。而我自已下月會一個人去旅行，如果叫我攞住10磅、八磅器材週圍行的話，我不如嚟個「雙修」，出部D90和18-200mm f/3.5-5.6G ED VR II ，輕輕鬆鬆去玩好過。
以上是本人的這兩年的經歷，「轉會」我就唔會啦，我是十分鐘意L鏡，但各有所長，看需要而選擇用那部機最啱。
歡迎各位「雙修」的師兄、師叔和師伯大家一起俾意見，謝謝！