[bananawong]

我架 450 D 剛剛過了保養期，早排唔小心由飯台跌過落地，衣家影野好似有D唔系好清楚 (邊清邊濛)，想問各師兄，如果返CS 會唔會好貴？還是有無其他好介紹呢？唔該！有

[Ison]

其實上CS報左價先, 如果CS整起碼有1-3個月保比番你. 唔係太貴有得諗.

[csmarco]

過左保養期,相機檢查費$300元,維修費在300元以內,會自動維修妥當交客.
但若超過300元以上,可要求報價先.行貨過保,零件都有85折.
先前我重以為行貨零件有八折,原來唔係.
水貨機就要照單全收,一點折扣都冇.
如果報價後要整,維修費會扣除先前所繳付的300元,
如果報價後唔整,嗰300元檢查費係冇得退回的.

[csmarco]

一時忘記左,原廠維修後會有保用三個月,但必須是同一問題.
如果係其他問題,就要繼續付款檢查及維修.各師兄千萬不要誤會才好.

[lou4love]

剛剛過保上CS : )

[csmarco]

我都有兩次過保上CS的經驗,但點都好過續保.
部機支鏡有問題,比錢整我心甘命抵,但續左保唔係一定唔使畀錢維修.
只不過減省了檢查費,因為CS話損壞問題是人為,一樣要畀錢,佢口大,你口細,冇得同佢拗.
況且行貨一樣係零件85折,如果整的話,相機檢查費300元或鏡頭檢查費100元亦可從維修費中扣除.
我做乜要畀錢續保呀?
我全數新機新鏡都係行貨,全部都冇續保,留返啲續保錢買多幾支鏡頭重好啦.
而且唔係支支都有問題,取之於面,用之於點,點都會划算好多.

題外話,我嗰兩次維修,都係剛剛過左保一至兩個月,有丁點兒不值,唉!

[Ison]

師兄甚麼問題多?

[lou4love]

digital機要續保, lens no need : )

[csmarco]

小小問題而已,
只不過係部1Ds相機換左整個機械快門部件$2,300元,
支24-105 f/4 IS USM鏡換左成個光圈$1,300元.
機多鏡多操勞多,小小問題自然少不免.
我付款維修,可以有多少少額外要求,例如:我要取回舊件.
如果有保維修,你休想可以取回舊件.
現在,我將個1Ds機械快門部件放在枱頭做紙鎮,好過癮,閑時亦可把玩一下.
個f/4光圈,有時都拎出來郁下佢,現在當左係飾物咁擺放.

[Thomas1]

csmarco 師兄,

你的 1 仔 快門部件, f/4光圈...有相可睇嗎?

[csmarco]

放相呀??我不是太喜歡放相....
只不過為左證明我唔係吹水,但因現在時已夜深.
開壇作法擺陣,所費需時,又怕嘈醒太太,會被太太鬧,
明天下班,我會放相給你睇下個1Ds的機械快門部件和個恆定f/4光圈部件吧.
個1Ds的機械快門部件係因為快門簾漏光,死症,一定要換.

[seamonkey]

csmarco師兄，我睇完你所描述你的家當，重勁過執達利........哈哈！但都係有一樣冇寫：你部1Ds 係Mark 幾？在你回應我的訊息中，我有一樣唔係好明，點解所有USM鏡唔俾1Ds用？佢有最好的鏡唔會更好嗎？

[csmarco]

seamonkey師兄
你一支紅圈定焦,都幾乎夠我買齊我所擁有的平價定焦鏡啦.
我用的只是普通貨式的定焦鏡而已.
我一套小三元加支大白,所費無幾,大三元??紅圈定焦??我諗都未諗過可以買得起啦.
但我好滿足了,因為本人的座右銘是:知足常樂,無求是福.
我從來沒有將買回來的鏡頭賣出,因為既然買了回來,就要好好的用盡佢.
買器材是不送技術的,好好使用每一支鏡,與它們談戀愛,是會有回報的.
我旅行外攝經常都是多機多鏡,背負三十五磅至四十磅攝材而面不改容.
買了器材放在家中防潮櫃,有機會都要帶下佢地去旅行,否則又點對得住自己同埋有點虧待所買回來的眾多攝材.
有時遠行,鏡到用時方恨少,遇到一些低光的情景,最痛心的,不是有大光圈鏡頭未買,而是買了未帶.
當然,個背囊的空間有限,選擇與取捨,確實有點為難,我頂多只可以帶三機五鏡去旅行咋.
三機就當然係兩部FF加一部SX1,五鏡嘛,就真係難於取捨.
望住班鏡頭大哥,支支都話想去,但得五個位,順得哥情失嫂意,手掌又係肉,手背又係肉.
撫心自問,我最唔鍾意的就是28mm定焦的變形量,所以打左入冷宮.
而支大白又太重,佢好多時都係坐冷板凳.
最得寵的當然係小小白與35mm定焦,此兩鏡幾乎穩佔兩個席位.
其餘的就真係打崩頭咁爭,唉!

話說回來,我在"Canon 1D Mark IV 有幾多人會買？"一貼中,曾回應以下說話:
當你使用過1系機時,其對焦反應著實令你著迷不已.
我有部第一代的老爺機1Ds和過時的5D,但老爺機的對焦反應,絕對遠超5D之上.
我亦有到Canon陳列室試過5D MARK II與7D,對焦反應還是與1系機有所分別,不能給予我半點意外驚喜.
各取所需,就當然要付出一定的代價了.

我寫5D,所指的係第一代,如果係第二代就寫5D MARK II.
咁我寫1Ds,而冇寫第幾代,咁即係第一代啦.

唔係你唔係好明,而係我寫得唔夠清楚而已.
我話如果有帶USM和冇USM的鏡頭時,我會將有USM交給5D,而冇USM的就交給1Ds處理.
取其平衡與中庸,如果反其道而行,就會出現傾側,優者越優,差者越差,咁就唔係幾好啦.

如果我所帶的鏡頭全部都係有USM的,我就會將長焦距的鏡頭交給1Ds,而短焦距的,就交給5D處理.
因長焦距的對焦要求,會較短焦距的來得更高.
這全是個人的使用習慣,和個人經驗所得,別無其他.