[9shotpro]

本人學玩攝影半年~最初跟幾個朋友一起玩~由一部送朋友的450D學玩.冇耐就開始買鏡~~~由於有前輩說過我一步到頂比較好.於是買了580EX2 ,一枝小白,24-70, 50.2 17-40來玩~~ 後來上星期換了5DMR II 但換來的是朋友覺得我只是在比較裝備而開始杯葛的~~
是我做錯~~~新手不能上5D II 新手不能買紅圈鏡?
我又沒有覺得我影到的相一定會比他們好~~~~我更不會說我有這些東西就會是大哥~~~~
我錯嗎~~~~
我應該用回450D KIT?

[chris053]

睇到都有d 眼紅你...只能說你太有$ 了....
新手不能上5D II 新手不能買紅圈鏡?
梗定唔係la ,但係你半年內買曬了580EX2 ,小白,24-70, 50.2 17-40 ,比人ge 感覺好串lo...覺得你完全唔係在意影相,係在意器材pro 唔pro
一步到位係好,但你係唔係真係有需要呢

[9shotpro]

閃燈先買是因為晚上影野多~~24-70是NORMAL 用但24*1.6唔夠WIDE 就買枝17-40~~小白本來想用於人像..成像係好但由於要企到好後所以最後用50.2 比較理想~~

[chris053]

其實你買鏡ge 原因係咩呢
唔夠用?
但你有無試過用技術答救呢,定係一心就諗住最pro先係好呢
而且係唔係一買就要買到最pro 呢,你有無諗過你係唔係真係咁有需要用le枝鏡呢
講真果句,你覺唔覺得你買野買得太快....
雖然你係有$,但係都顧下身邊朋友感受la,
我只係睇你咁打出黎都好眼紅la ,何況你d fd......

[wesleyyau]

我覺得俾人杯葛似係人品問題多過用咩相機或者幾有錢... =p
可能自我檢討o下有冇言語上行為上惹人生厭...
我都識人未影過相一買就買5D2 kit set... 冇所謂o架... 用得開心影得開心就ok 啦... 影相真係好個人... 除非你想不斷出相等人讚...

[chris053]

我都成日見人未影過相一買就買5D2 kit set,但係你而家係差唔多買曬成套最pro ge 鏡wo
"用得開心影得開心就ok 啦... "
莫非你用450d kitset 果陣唔開心的嗎?
人係不斷追求更好,但如果你再係咁,當你用到1仔果陣,你又會點呢.....
"影相真係好個人"
我都好同意,不過有d fd 係身邊一齊分享下興悅會更開心lo
"除非你想不斷出相等人讚... "
影相係靠技術的,最算係1000d kitset 都可以影到好令ge 相,
唔識影相就算比部1仔你,你都唔可能影得令過高技術ge人!!!

[sannaso]

咁你點解唔直上120??你要用得盡D器材先講啦....下下推爆哂D野未必係一件好事...我都有個極度有錢既朋友,人玩咩佢就玩咩,屋企成間永成咁...5D2,1D3,甚至M8.2+M鏡!!!.....carl zeiss ze mount,紅圈果D萬零蚊既鏡更加全套買齊...但結果同佢出來影相,d相又out focas,又無構圖,成幅相平既,佢真係有本事set到用到部5D2咁....次次影完相都好唔滿意
你買得起玩得起絕對無問題...但問下自已有無需要先...
仲有衍生一樣問題,影到靚相係應份架,並唔係你技術有任何提升到,反而你揸靚相機又靚鏡頭都影唔到應該有既相片質素,到時你會有份無形既壓力,我唔敢話浪費了你的金錢,但至少你浪費左d器材

[redink]

你有負擔能力有何不可! 佢地唔同你玩.. come on.. 過黎同我地一齊玩. 我地好enjoy一班人出去影相. 跟住就係去食野. 不論你用咩器材, 經驗係點, 性別,.... 總之一齊enjoy便可. 有興趣就join埋我地玩喇.

[micspma]

一步到位買部哈穌嘛..............


其實你d friend既反應好正常, 如果你有個friend高到好似nba d黑鬼咁,你同佢打籃球都會覺得俾佢屈機吧.........到時你個friend又可能會話: 生得高有罪嗎?

以上只是比喻.......

[micspma]

哈.........見到呢個post我特然諗起幾日前第二個論壇有個post講百記個sale同個客講話: 你新手用嘥左部7d XD

[petercyc]

都冇壞既, 起馬首先要有依D設備至可以學點掌控握佢地. 識用佢地既功能只係幾星期既事, 但點用佢地來影好既相就要睇你自己俾出既心機同時間, 有好既作品自然可以說服到人

[csmarco]

9shotpro師兄,
不招人妒是庸材,你在朋友中,有丁點兒鶴立雞群,難免會被人杯葛.
但你的朋友不明白,臨江羨魚,倒不如退而結網的道理.只識得自形慚愧,重反過來五十步笑一百步.
你消費得起,有何過錯,任何事情都是等價交換,任何事物都是對等付出.
用5D MARK II,全片幅機,好,不用浪費過半以上珍貴的成像圈,所有鏡頭都可以用盡它的真正焦距.
反而我覺得,你既有50 f/1.2L、小白與24-70 f/2.8,反而會買支17-40 f/4,
為何不買16-35 f/2.8呢?一套大三元,加埋標準定焦皇,簡直絕配.
我自己衡量過自己的負擔能力,選擇退而求其次的小三元和50 f/1.4都好好用.
我又唔會對別人用何等攝材而有任何感覺,各有前因莫羨人嘛.
攝影,是各自各精彩的,與人無尤,更不需向任何人交代,只要自己影得開心便可.
外閃用580 EXII,58GN值,火力夠,能力許可,為何不可一步到位?
唔通用支270 EX配上你的攝材,就重有點格格不入添啦.
我唔係話270 EX唔好,只不過你的鏡頭大多是大光圈,鏡身比較大,遮光罩就會重大,
支外閃太矮，近攝反而要拆遮光罩,如果唔係的話,分分鐘個罩會遮擋左一部份閃光就重衰.
你部450可以因應唔同環境而使用,因我睇到你所寫的鏡頭,最遠焦距只得200,
有部1.6X機,對遠攝都有少許幫助的.

[火Ken]

人地杯葛你咪同第二個去映囉！我d朋友都有d一步到位........新手半年已買1仔。而我自己都係350D > 20D > 40D > 5D2，有時回想都後悔無一步到位，因為之間浪費左金錢，但有時學d C hing話，自己負擔到就真係無所謂，最緊要買得其所.......不要人玩你玩，我d朋友有d會玩蟲蟲花，但我無興趣咪無買Marco lens，自己需要咪買囉！！不要太介意別人之看法！有時出去看看......好多C hing都係自己一個人去映相，唔同你映咪同第二d人去映囉！！

[火Ken]

你有負擔能力有何不可! 佢地唔同你玩.. come on.. 過黎同我地一齊玩. 我地好enjoy一班人出去影相. 跟住就係去食野. 不論你用咩器材, 經驗係點, 性別,.... 總之一齊enjoy便可. 有興趣就join埋我地玩喇. X 2 <<<< 支持redink C hing！！

[SleepingIII]

仇富