[csmarco]

我本身其實最想買給自己係EF 35mm f/1.4L USM,
冇買的原因,第一就係缺貨,第二就係仔仔最想我買畀佢就係EF 135mm f/2L USM這支鏡.
而我又最想買給仔仔反而係EF-S 10-22mm f/3.5-4.5 USM.
仔仔怕重,FF機唔鍾意用,反而佢鍾意用400D,佢連直度都拆埋,貪佢輕便.

早前佢經常在我耳邊提及,EF 135mm f/2L USM係一支好鏡,
叫我銀根有鬆動的時候,買這支就最好.
我心諗,EF 135mm f/2L USM好得過我想買嗰支EF 35mm f/1.4L USM咩?

我最喜歡用FF機,而35mm的焦段,我最喜歡,我本身都已經擁有EF 35mm f/2
但EF 35mm f/2與EF 35mm f/1.4L USM,焦段雖然一樣,但質素與對焦速度就有天淵之別.
我本身最怕買重覆的東西,但我又唔鍾意賣走手頭上已有的鏡頭,
所以,EF 35mm f/1.4L USM,對我來說,買與不買,始終有點為難.

seamonkey師兄給我看過他用EF 135mm f/2L USM所影的作品,果真是一支上好的鏡頭,
再到CS陳列室親自把玩一下,確實喜歡,但情意結的關係,始終對EF 35mm f/1.4L USM不能忘懷.

今晚收工,原本諗住到旺角銀城廣場捐血,但捐血站真係實在太多人,唯有改日再去.
百無了賴,順道行下旺角的店舖,睇下行情.
好多鏡頭都返左貨,當然,百微L就例牌缺貨,本身我亦有百微,所以有與冇都冇乜感覺.
反而見到好多部1Ds MARK III,五萬元樓下的價錢,真係令我有少許心動,
只不過1Ds MARK IV好似就快出,都係睇定啲好一點.

心諗睇下支EF 135mm f/2L USM做緊乜嘢價錢,點知行極都睇唔到有貨,
真係好,可以唔使心郁郁,怕一時忍唔到手會買左.
諗住攞車走人,點知行到最後一間,竟然剛剛入左大量EF 135mm f/2L USM.
個售貨員一手就拎左四支給我揀,支支連盒都未開過,佢話多到可以畀我揀靚冧把添喎.
真係好難抗拒的吸引力,結果真係畀我揀到個169628咁靚的冧把.
你地話點頂呀,真係唔買都對唔住自己啦,唯有催眠自己......淨係買個靚冧把,都值番啦.

結果........我就拎住支鏡行左出門口,個褲袋就唔見左七千幾.
行步路都輕鬆左,果然真係風吹雞蛋殼,財散人安樂.
立即發左個短訊給仔仔,等佢知道收工返到屋企又有新玩具玩.

原本諗住捐完血,會出街食飯,但係血就捐唔成,變成荷包大出血,
邊度有錢和心情出街食飯呀,速速開車返屋企,是但煮左個出前一丁填飽個肚就算,
食飽就拎支鏡出嚟試用一下,感受一下支鏡的威力,個人重會覺得開心啲添啦.

[killerleolam]

仲想你分亨支鏡有乜特點同好處...
點知都係因為想買而買....分亨自己有錢而已...

[csmarco]

killerleolam師兄:
分享支鏡有乜特點同好處又如何,親自用過才會明白.
有錢,與是否捨得買是兩回事.
好多有錢人是一毛不拔的.

我努力工作,賺的是辛苦錢,我捨得用辛苦錢去買我所想買的東西,有何不可?
況且我可以同仔仔一同把玩,共享天倫,這點已不再是用錢可以去衡量.

我當然係因為想買而買,唔通我會買一些我唔想買的東西嗎?

我將我所擁有的每一支鏡的特點同好處分享出來,但當你手上根本冇鏡頭在手,豈非空談?
臨江羨魚,倒不如退而結網,一分耕耘,才有一分收穫.
紙上談兵,不如坐而起行吧.

[96209630]

師兄支鏡小弟都用緊雖然焦段會少用
但係我最愛的L定焦鏡

[raylui88]

135呢個位會唔會好"監介" ??

[csmarco]

96209630師兄,
我其實想買EF 35mm f/1.4L USM這支鏡的,
因為我喜愛旅遊,更愛旅遊攝影,旅行隨拍,用EF 35mm f/1.4L USM就最適合,用途較廣.
你亦是用FF機的,因為我睇過你的個人檔案.
FF機用35mm焦段,完全是可見即可得,完全滿足到我個人喜好.
我在文中已提及,我有支EF 35mm f/2,
但我亦知悉它與EF 35mm f/1.4L USM,焦段雖然一樣,但分別是有一段很大的距離.

我仔仔喜愛大特寫與打大頭相,跟我的喜好有很大的分別.
我都係買嚟給我仔仔用多一點,我連支百微的焦段都好少用.
你亦有用EF 35mm f/1.4L USM,就知道EF 35mm f/1.4L USM有幾大的吸引力啦.

如果能力許可的話,EF 35mm f/1.4L USM必定是我囊中物.
我去旅行的時候,用得最多的,就是35mm的定焦鏡.
EF 35mm f/2用在5D機上,低光低反差對焦時有點猶豫不決,
我唯有把它裝在1Ds機上,才會有較理想的效果.

[csmarco]

raylui88師兄,
每個鏡頭焦段都有每個焦段的特性及用途,絕對不會尷尬.
我仔仔喜歡用400D,相對焦距會變成216mm,比我用FF機配上支小小白更遠攝一點.
況且我支小小白是f/4,而這支是f/2,效果是會有很大的分別.

EF 135mm f/2L USM是一支公認是質素上好的鏡頭,
如果我日後買埋EF 35mm f/1.4L USM,出外旅行拎這兩支鏡,
400D配EF 135mm f/2L USM,而5D就配EF 35mm f/1.4L USM,
就真係可以叫做遠可攻,近可守了.

[vibultang]

乜而家咁貴，好在一早買左，$6400。

[csmarco]

vibultang師兄,
L鏡就係早買早享受,遲買貴幾舊呀!
間舖頭今日隨手都拎左四支給我揀,埋單$7,380元,送保護鏡.
可以叫做聊勝於無.
我已四處找尋EF 35mm f/1.4L USM這支好鏡,心怕遲買又會貴多幾舊呀!

[speedstar]

csmarco, 我都有135L, 以7千蚊價錢, 俾到大光圈人像照果種迷人散影, 十分抵玩. 35L我都有, 個人比較喜歡用適量散影突出主體營做立體感, 我冇EF35/2, 但另外我Leica M 系統有35/1.4 同 35/2. 不計反差顏色, 1.4光圈同2.0差少少但有時效果就差幾遠. 有時去旅行也只帶35. 呢個焦段亦係我旅遊攝影/旅行隨拍用得最多.

所以能力許可的話,EF35/1.4可以諗諗.

再者, 我等努力做野搵正錢, 係個人能力範圍下, 想買而買有何不可? 況且攝影平民化後, 買幾支L鏡頭算係乜呀, 不過亦有人講到買L鏡差不多要考牌先可, 或買得呢D鏡頭影相一定要靚. 好多人玩攝影只係消閒, 可以既話咪買好D咯, 唔諗住用咁多錢買部DC仔都可以玩得好開心, 相係同親人好友分享姐, 好似你仔仔玩得開心同你分享照片以值回票價! 觀點角度人人唔同, 層次亦不同, 唔理得咁多啦:)

[vir]

我差不多8年前買135L...當時水貨6000有找...到而家枝鏡D質數都很好...不過用係APS機就好難用...變左200MM有多...anyway...恭喜ching入左枝靚鏡

[csmarco]

speedstar師兄,
EF 35mm f/1.4L USM,我手頭鬆動一點亦會買,但亦要等佢有貨返至得.
鏡頭價格和鏡頭特性已做好資料搜集,並已上了CS試鏡多次.
價約$10,500元,一萬多少少就可以買到心頭好,當慰勞下自己經年都咁辛勤工作都算值得.

我完全明白f/1.4與f/2的效果分別,亦深明L鏡用料上成,35L和135L都是公認為上好的鏡頭.

用了七千幾元,收到仔仔回覆的短訊:
【多謝爸爸!我會更珍惜和愛護你給我的每一支鏡頭.回家後我必定會立即試用效果,你也要多試新鏡啊!】
這點溫馨的親情,筆金錢所能衡量,亦非筆墨所能形容.

兩父子有共同喜好,而且攝影亦是一種很好的娛樂及興趣.
試問有幾多步入歧途的年輕人會喜歡攝影,會拎辛苦錢出來買機買鏡,
佢地個心會諗,有錢倒不如留返嚟索K好過啦.

作為做父母的,點會想個子女學壞,但係佢地有時太著眼於金錢之上,
到出了問題的時候,就後悔莫及了.

[csmarco]

vir師兄,
我亦深明135L是一夥好鏡,我仔仔鍾情APS機,話機身夠輕便.
他愛遠攝、大特寫和打大頭,所以他總會有辦法應付得來.
CANON的35L和135L,評價很高,我亦親自試過操控性和質素,感覺很好.

只不過我比較少用此種焦段,都係留給仔仔個人發揮好了.

CANON鏡頭經常都加價,機我就唔會點追,鏡頭就始終係值得投資的.

[speedstar]

csmarco, 師兄不敢當, 35/1.4唯一唔好就係太老可能有2代更好. 退而求其次可諗24/1.4, 尋日落mk見有貨$12,400.

[vibultang]

其實買左真系很小用，系用緊30D哈哈，不過真系一個字正，35 L換左機先算啦！