[pingusunny]

想買支小小白IS，請問各位ching知唔知那裡有分期？幾多錢？

[calwkf]

只要有貨, 大把地方有啦... 咁都問？

[sannaso]

shing shing

[pingusunny]

ching 我緊係唔知先問，百記有貨未一樣冇分期，我冇叫你一定要答...........

[50D]

百記無分期？？

[calwkf]

"ching 我緊係唔知先問，百記有貨未一樣冇分期，我冇叫你一定要答..........."

CHING 你問野都問得幾串喎, 分期呢D野, 梗係自己走去問啦, 咁都POST出黎問, 仲要咁串, 懶就唔好玩相機, 係屋企坐嘛~

[JSmith]

我真係要問吓邊度買鏡冇分期？？？？？

[william_lau]

如果百記係百佳的話，就應就冇，如果係賣電器的百老滙，有貨的話係冇咩可能唔畀分期喎~

[pingusunny]

都係個句，我問問題，我有權問，你有權看，有權唔答。至於我串唔串，ching「只要有貨, 大把地方有啦... 咁都問？ 」好似你串啲wor。我只知有時看見一些新手或者有著數我地都會post出來話比人知，當幫人也好，如果唔想話比人知咪睇完算lor。

我知在這些群組，大把人有自己友，一睇到唔like啲post便群起而攻之，我見唔少，也有人把時間唔駛做大把錢，但我唔係。

我只係想知一支可以做分期的小小白IS要幾錢和那裡有啫(如題)，因我在16/4在百X匯(時代廣場)見到$10660，白紙黑字寫明冇分期和不可以使用其他優惠，其次X擇話冇貨.....我才問下啫.......。

anyway 多謝0甘多位ching用時間來回應。

[JSmith]

「只要有貨, 大把地方有啦... 咁都問？ 」....呢句如果你認為係串，就串啦﹗不過呢句應該係大把人都知既事實，唔知點解你會唔知.....ching都係一樣幫緊你，下次要好好思考先至發問，可以避免好多不必要既post。

白紙黑字寫明冇分期，係$10660呢個價冇分價？定係有分期不過唔係呢個價？
你有冇問過？係咪真係有現貨？更何況每間百記玩法都可能有出入。
就算舖唔做分期，大把信用卡都可以自己做分期，再唔係personal loan都重得﹗最緊要有現貨

[pingusunny]

多謝回應，使我明白到，若果大家都能看清問題及好好思考至回答，可以避免好多不必要既post。

謝謝

[JSmith]

淨係識得叫人看清問題好好思考，又唔叫自己開post前好好思考？
只懂要求、只懂權利，世界原來咁美好﹗

[pingusunny]

世界真係幾美好.....haha

[pingusunny]

都係個句，我有權post ，你有權睇，有權回應或不回應，但我認為不應攻擊。此風不應長。

首先，jsmith你話：「「只要有貨, 大把地方有啦... 咁都問？ 」....呢句如果你認為係串，就串啦﹗不過呢句應該係大把人都知既事實，唔知點解你會唔知.....ching都係一樣幫緊你，下次要好好思考先至發問，可以避免好多不必要既post。」。
我覺得串唔串是個人感受，我也不同你爭辯。我只知道xdevil的回應是答非所問，即廢話。其次我真係唔知呢個事實(呢句如果你認為係串，就串啦﹗不過呢句應該係大把人都知既事實，唔知點解你會唔知.....ching都係一樣幫緊你)，有問題咩。再者我post時已說明想知那有小小白IS可分期及價錢，不明有咩0甘唔清晰。

「淨係識得叫人看清問題好好思考，又唔叫自己開post前好好思考？
只懂要求、只懂權利，世界原來咁美好﹗ 」，在論壇問得問題都想知答案，若要pay才知就冇人問啦ching。

至於你話「白紙黑字寫明冇分期，係$10660呢個價冇分價？定係有分期不過唔係呢個價？你有冇問過？係咪真係有現貨？更何況每間百記玩法都可能有出入。就算舖唔做分期，大把信用卡都可以自己做分期，再唔係personal loan都重得﹗最緊要有現貨。」我同意你說法，我是有問過sale，但當你回我時又有否作出過調查。又正如你所說每間都有不同的手法，所以我才問。真唔明我有咩唔清晰ching....。

回應william_lau，你話「如果百記係百佳的話，就應就冇，如果係賣電器的百老滙，有貨的話係冇咩可能唔畀分期喎~ 」，我一向都會將啲鋪頭名簡化，就正如sannaso ching答我「shing shing」一樣，如你所說「百記」是超級市場的話，我想sannaso ching答我的答案是指「四大天王shingshing有鏡賣。」.....hahaha

至於xdevil我好唔明你點解要0甘回我，我所知你也有post問題，例如你問「請問有冇ching用緊/用過sigma呢支, 如果同二手的430ex2比, 邊支會好d(抵買d)呢~」，若我答你「CHING 你問野都問得幾得意, 閃光燈比較呢D野, 梗係自己上網睇文章、睇測試結果, 咁都POST出黎問, 懶就唔好玩相機, 係屋企坐嘛~ 」你有咩感覺，這好像你回答我「CHING 你問野都問得幾串喎, 分期呢D野, 梗係自己走去問啦, 咁都POST出黎問, 仲要咁串, 懶就唔好玩相機, 係屋企坐嘛~」一樣。

總之一句講晒論壇應該係比別人交流心得，互相放好料的地方，非罵戰區。

[JSmith]

>>ching 我緊係唔知先問，百記有貨未一樣冇分期，我冇叫你一定要答...........

我想問問樓主你，你呢句「我冇叫你一定要答........... 」算係乜嘢態度呢？
既然你都知你冇pay，係咪所有人都有義務去答你你想要既嘢？經常講乜權物權，唔like啲ching答既嘢就發爛，一定要答咩？唔答你問題就唔回得post咩？個討論區規則你定既咩？

>>我同意你說法，我是有問過sale，但當你回我時又有否作出過調查。

樓主.....你有冇俾過錢我？我點解要為你一個post走出街行晒香港九龍新界所有電器舖、相機舖同你去做調查？乜你都好意思叫人去服侍你....

樓主你自己第一個post都已經唔清唔楚，叫人點你答你？

第1個post....想買支小小白IS，請問各位ching知唔知那裡有分期？幾多錢？
第9個post....因我在16/4在百X匯(時代廣場)見到$10660，白紙黑字寫明冇分期和不可以使用其他優惠，其次X擇話冇貨.....我才問下啫.......。
第14個post...我是有問過sale..........又正如你所說每間都有不同的手法，所以我才問。真唔明我有咩唔清晰ching....。

重寫.....

想買支小小白IS，我曾經在百X匯(時代廣場)見到$10660，問過sales話冇得分期和不可以使用其他優惠，去過X擇又話冇貨。唔知重有邊間有現貨同埋可以做分期？價錢又如何？