[catolo]

今日打算買支100-400,諗住做分期,佢話要+3.5%charge,乜唔係講左唔俾收
charge架咩?最後我都未買,問問大家意見先.thx

[JSmith]

你諗住分期唔駛俾利息？

[catolo]

我見其他電器又免息分期麻...

[yiu_hei]

唔收都得..你比原價佢咪唔收囉..

人地開比你個價可能接近佢底價, 佢再收你CARD什至做埋分期咪可能蝕囉~

[JSmith]

sales:「 $12000可以做免息分期12個月」
路人甲:「唔駛分期啦...我有錢....」
sales:「俾現金.....$10000得啦」
路人甲:「啊...我冇咁多錢喺身喎....」
sales:「咁可以俾EPS都得....$11000啦」
路人甲:「都好喎......不過用EPS冇分儲喎」
sales:「要儲積分呀？咁不如碌卡啦」
路人甲:「好﹗一於碌卡﹗」
sales:「多謝$12000....」
路人甲:「我唔洗做分期喎....」
sales:「哦....碌卡同做分期都係一樣.......」
路人甲:「..............」
路人甲:「碌卡要收charge架咩？」
sales:「唔收....不過個價錢唔同之麻.....」
路人甲:「又話係免息分期既？」
sales:「係免息架﹗你碌卡俾$12000，做分期都係俾$12000，重唔係免息？」
路人甲:「咁點解EPS要俾$11000？」
sales:「因為EPS唔同信用咭....」
路人甲:「咁EPS可唔可以做分期？」
sales:「可以﹗重有兩個方法....」
sales:「一，你自己同自己做分期....」
sales:「二，你每一個月泥呢度用EPS俾一次分期錢，你俾完最後一期時，就可以拎件貨走啦﹗」
路人甲:「....我..我.我........想睇下第二啲野先....」
sales:「好呀...隨便睇隨便揀，睇啱俾新既你，可以做分期.....」

[yung2]

搵間有免息分期o既買囉.

[~青~]

免息分期呢d卓頭野黎即,試問下有邊間銀行借錢比你又唔收息?咁買樓真係免息分期,香港大把人一早做左業主啦,銀行一早汁曬啦

[jacmissu]

百老匯就得...不過我知如果買鏡頭係有charge...但如果look 卡..就唔洗charge...依樣野先吸引到我向百老匯成日買野

[TONG3]

上兩個星期在MK風閘買左枝24-105 L，$7600免息24個月分期，每個月俾$317元。

[Louis @ Gooner]

$7600仲可以分期, 唔錯喎

[TONG3]

$7600仲可以分期, 唔錯喎

每日都係$10元左右，兩年早餐都食麵飽，便可得到心頭好，唉........................

[yiu_hei]

CREDIT CARD一次過比銀行/ VISA/ MASTER會收CHARGE

分期都會收

EPS好似係每次收兩蚊

講真如果間鋪做分期都做到一個價, 比現金實會再平D, 如果公司政策比GE話

[zeven]

而家D舖醒左囉~
問價比正價~你比CASH/EPS咪比個折頭你囉~
比卡? 比少少折頭你囉~分期?比正價啊唔該~

計返清楚...咪即係收CHARGE囉...

[thewthew]

而家分期全部都係免"息"架啦,,,
不過要收手續費咋嘛,,,頂=W=

上面師兄個對答勁好笑,,,
SALES: 你可以EPS分一期今個月俾哂,,,
洗5洗咁串呀,,,=口=

[calwkf]

其實呢個世界邊度有 free lunch 架, 所謂羊毛出自羊身上, 最後咩免息咪又係你自己受返 ... 想慳, 最好儲夠錢都去買, cash 一定係最平.