[Anthony_Momo]

一個飛髮佬，身邊圍繞的攝影師多不勝數，多年來從不關心、不過問有關攝影的技巧/技術。只愛對攝影師的相片諸多要求(可唔可以呢度光d？嗰度又好似光得滯)。
因太太一句想買部相機型的相機(佢話而家好多人都用d好似好專業嗰d相機去影相架!)去電器舖同sales哥哥講:我試過用傻瓜機影某d藍色時，個mon出黎睇落會變成紫色，有冇d顏色準d嘅機介紹吓呀?佢就攞部EPL2比我睇，咦!都ok喎！
第二日問朋友，佢話EPL2都係好機，如果想好d，有得upgrade，當然大機仲好啦。但內子只需要一部相機型的傻瓜機，細佬我又冇乜興趣嘅，買咁靚，托咩(要影相，緊係搵攝影師啦)，好友用N記機，弟日借鏡用，開聲就ok啦，何況，幾時要用吖！D90都覺勁過頭，一於買D3100。
買完機機本上都冇乜感覺，以細佬死唔蝕底心態，買本書翻黎學吓點用先，吓?光圈?快門?前清後濛?ISO?咁多嘢架........
第三日開始試用相機，跟書上講的光圈、快門、ISO作不斷嘗試，咦?真係得架bor!(白痴仔，舊幾水本書，緊係得啦!!!)下午朋友帶來一支定焦鏡，送到門口:隨便試，好好玩嘅!(又幾好wor，前清後濛，隨心所 慾......)
第五日，還番支鏡比朋友:好得意，唔該哂!呢位老友跟手攞支18-200變焦:
呢支都好正，我有兩支，攞支去玩，鐘意就讓比你，唔駛比返支鏡我。
你............咁樣害我?(不過試完又真係好唔同喎!!!!!!!!!!死得!)
原先送比太太嘅禮物，而家好似我用仲多個佢用，男嘅以買咗唔好蝕為籍口，女嘅就等老公學識先教佢用，唔識，唔明就上網/睇書搵料，見好多新朋友問：我買呢部好唔好呀？我應唔應該買呢部呀......基本上係冇真正答案，唔係大家唔講，而係冇得講，用乜嘢機都有人影得好靚，用高階機又未必影到合心水作品。我去打wargame,朋友話佢地試過同真正的飛虎隊隊員打，但佢地唔係用鎗，而係用箱頭筆。佢地可以快到走咗黎你身邊，再响你條頸度用筆界一下，完全發揮技巧比器材重要呢個道理，比埋支鎗佢當然大家死得再快d啦!
因此，我知道雖然我部相機冇內置摩打，upgrade可能唔太理想，但第日最多咪大座用細機，旅行用細機囉!而家最最最緊要係多d睇吓人地點去構圖，多留意身邊細節，器材有$就可以買，可以upgrade。攝影眼就真係要練先有喇。拍到一張合心意的照片真係可以好開心架，希望各位新/舊朋友有機會多作交流。

Happy Shooting
Anthony

[hlcmarco]

Anthony_Momo師兄:
你有咁多劇毒損友在你身邊,我真係替你擔心.
我都係用左N系機兩個月到,C系機就用左幾年了.
我最開心就係有空閑的時候,用PS3駁部大電視用嚟睇返旅行影啲相,其樂無窮.
攝影只係肉痛買機買鏡,買完痛過之後,拍攝就完全唔使錢.
計落都幾划算,除笨有精.

[隨意隨心]

但凡一個技術層面去到一個藝術層次,
或多或少都要講一些天份的,
可是, 在這方面我們不必太介懷,
凡伕俗子一樣可以談創作動腦筋,
至於別人認同與否,
那是後話了.

正正就是因為藝術源自生活,
人們在日常生活裡總是會有感受吧!
人類通過藝術將內在的所思所感盡情地表達出來.
因此, 藝術是人類的共通語言(我們彼此都是要生活的),
只要持之以恆地用心地創作, 盡情地發揮,
在日子有功之下,
好的作品俯拾即是, 順手已經可以拈來了.

攝影器材只是讓情感通過人類心靈表演出來的渠道,
這當然是重要的(因為好的器材更能讓人從心所欲),
但是這些並不是全部.
主要還得看攝影人的涵養,
拍攝當時的心情, 當時的環境因素.
就是因為成事在人, 謀事在天,
畢竟個人努力才是最為接近成功的機會率.

[look_yau]

good stuff

[kingkonghk]

最緊要有興趣

[salonsip2005]

有興趣先會有心機專心拍攝 ^_^ 發揮創意