[hlcmarco]

不經不覺,明天又要起程到西藏旅行九天了.
工作方面,已悉數完成手頭上的所有工作,可以全情投入即將啟動的西藏之旅.

但十日前,有港人在西藏出了事,有命去,冇命返!頗遺憾!
高原反應確實是個異常致命的問題,令我更加顧慮自身安全.

但西藏之旅,是我人生的一個極大期望,如果做得不好,我怕會有所遺憾.
輕身上路,是個首要的問題.
所以我決定只帶一部D90單反配直度連雙電池,再加一部DC仔S90配潛水殼便算(怕落雨,兩手準備.).
SB900外閃就當然少不了,微型三腳架只帶一支.

至於配鏡問題,令我極為頭痛,
C記鏡頭群方面我就較為全面,但機種多為大機,有點難於取捨.
今回反而真係比較喜歡選用N記機,但由於我雙修不久,鏡頭不多,令我進退維谷......

所以,我唯有在昨日中午時份,到旺角蘇寧鐳射買多一支N記遠攝鏡.
現在已執拾好鏡頭了,總數我只帶三支,亦算可以輕身上路.
Nikon AF-S DX NIKKOR 10-24mm f/3.5-4.5G ED,(超廣角端已認為足夠.)
Nikon AF-S NIKKOR 24-70mm f/2.8G ED,(這個中段範圍,有支大光圈變焦鏡,始終較為有利.)
新買的Nikon AF-S DX NIKKOR 55-300mm f/4.5-5.6G ED VR,(標準端至遠攝端亦覺足夠.)
這支鏡的重量,較小小白和大白輕身不知多少倍,質素當然是差左好多,但世事總是一得就有一失.
取捨取捨,有捨才有得.身體健康安全問題,始終是最重要的.

一個普通的Lowepro背囊,亦已可以把全部裝備妥善安放,確實可以做到輕身上路.
帶多幾張大容量的記憶卡,手提電腦亦唔使帶去西藏了.

旅程有命返嚟的話自會貼相,冇命返則另作別話!

其實去旅行而已,唔係搵命搏.
西藏確實是一個險地,雖然,我明知山有虎,但偏向虎山行.
但家有妻小,總是有點顧慮.

否則的話,我都會重裝出發啦;點使臨陣招兵,喺昨日都專程開車去旺角買返支遠攝鏡呢.
今回真係唔敢乜嘢雙機三機同行了,命仔緊要.
紅景天藥物在上次海螺溝之旅已買定,今回又正好用得著.

今回旅行過後,會做返一兩個月工作,儲夠盤川,然後就孭個背囊,輕身到中國各省流浪一個月.
真係好嚮往流浪的生活,有道是:讀萬卷書,不如食萬寶路,哎呀,唔係,唔係,應該係不如行萬里路至啱.

人生苦短,可以隻身自由自在,無牽無掛地去傲遊闖蕩,夫復何求?
當人生快要去到盡頭的時候,總想綻放最後的餘暉.

唔知點解,今年忽發奇想,好想好想去西藏,但我亦深知西藏凶險,所以就以海螺溝和四姑娘山作備戰預習.
點算就人算不如天算,海螺溝就去到,四姑娘山就因政局出了問題而令到我鎩羽而回,頗無奈!
去西藏,有歸西、藏身之意,不太好兆頭.難道真係冥冥之中有定數?

[ssannwong]

Take care la~ Have a happy trip ^^

...at last you really mind the weight problem ^^

Whatever, there are so many different ways to look for funs~

[BTsang]

I do want to go to Tibet but I'm afraid my body is not fit enough so I don't think I will go !
Don't think & worry too much la otherwise it will spoil your happy trip!
Just relax and enjoy your trip.
Post the photos after the trip to share your happiness with us !

[ricky-cncheung]

Ching 我9月都要去西藏, 人人都叫我不要帶太多鏡,但 我都準備帶3機3鏡, GF1+7-14MM, NIKON D200+24-70MM (主力) , CARL ZEISS 25mm F2.8, CANON G12(後備用). 以前次次去旅行,都有帶長鏡, 事實上使用率很低,1千張都影不到5張,去得旅行,9成9都是影風景及人, 用長鏡,影景,視場很窄,。

你有老婆都可以流浪一個月,佩服!

西藏雖然有人死左,不過出事率不是很高,他才是第三個香港人, 不用擔心,要有事不一定要在西藏。

enjoy your trip, take more photo.

[winnwong]

你今次的決定實而不華, 要like!! 也聽聞高山症專欺負體魄强壯的人, 反而啲長者去就冇乜嘢, 你要萬事小心, 不要逞強...

見到你常分享攝影的熱誠, 也器材無數, 我真係好想睇你啲相, 若果你唔想公開啲相, 不如pm 條link 我睇吓, 我講真嫁

[dee_dee_]

西藏呀....西藏呀...好地方....不要怕呀C兄,上年小弟都去了15天,太美了,只是當時是一時興起就起程了...只蔕了小DC.....後悔!!!但是小弟有一個小溫馨提示.做.什麼事也不要急速.....一個字(慢),香港人生活節奏快,在西藏那裡是大忌,切記,切記,最好坐飛機先到青海,再坐火車到西藏,會容易適應.(我是自由行去的).會死.........沒那麼誇張吧!!!!!!!!!無論你坐飛機或火車.當你差不多到西藏前,巳有醫生問乘客是否身體不適,如果醫生覺得你不適合到西藏,你是不能入西藏的.你要回家了........其實去西藏有時間的話最好去埋珠峰.....(我那次時間唔岩),下次會再去一次.

[dee_dee_]

[dee_dee_]

峝巴拉山口

[hlcmarco]

dee_dee_師兄:
多謝你提供寶貴經驗,我會多加留意身體狀況,亦會放慢一點步伐的.
嘩!15天呀?好貴喎,起碼都要二萬元以上啦,是否跟現代中國旅行社呀?
咦?你都有買到支Nikon AF-S DX NIKKOR 55-300mm F4.5-5.6 G ED VR呀?
我重睇埋你啲用家心得添,你話優點係:銳利,對焦好快好準,(D7000),色好靚,超值.
而缺點係:唔夠形仔.
但睇埋其他師兄的用家心得,支鏡嘅200-300mm這個焦段,聽講好弱喎,但係我就未試真,
因為冇時間,我都係臨陣招兵.
對焦準唔準我就唔知,但係對焦好快就真係不敢恭維了.
呢支鏡出名對焦超慢,因為好似冇IF喎,我重諗住用手動對焦去解決呢個問題.
我將支鏡放過落D90和D3s度,對焦都係好猶疑,有點像迷焦一樣.
都係唔好胡亂猜測,今回西藏之旅正好試清楚.
我唔覺佢唔夠型仔,幾好呀,都唔係咁差啫,一分錢一分貨,二千幾一支鏡頭,你重想佢點呀?將就下啦.
唔好拎佢同24-70mm f/2.8和70-200mm f/2.8去比,根本係兩碼子的事.

我係跟康泰9天團,原先諗住八月份至去,但係有日上網見到佢做特價,
還剩下兩個名額,又已成團,咁我至改為五月份出發.
我睇過行程表,好似冇得去珠峰的.......唉!

我個團係由香港坐飛機至成都,然後再坐飛機至西寧,跟住就坐青藏列車到拉薩,回程亦然.
我每次去旅行,都會問一問我仔仔意見,原本諗住帶D90,但仔仔叫我一定要帶D3s,
因為D3s高ISO的表現超強,ISO 8000視作等閒,佢話有好多時唔方便用外閃,細光圈鏡頭就要靠高ISO了.
我接受了他的意見,把D90和它的附件拎出,換回D3s了.
鏡頭都係原先計劃嗰三支,佢都好同意,我好最鍾意和仔仔商量,因為佢最了解我的需要.


winnwong師姐:
我係一個體魄健康的人,而唔係一個體魄强壯的人,兩者是有分別的.
雖然我的工作是比較粗重,但我用的是巧力,而唔係死力.
所以妳唔好似為一個幹粗活的人,就一定是強壯的.
況且我重係一個食左好多年煙的人,我需要尼古力多過需要氧氣添.
我明白高原地方一定存在風險,我是不會逞強的,多謝妳的忠告,我會多加提醒自己.

我確實對攝影充滿熱誠,亦因為我對打中文字更加有熱誠,所以我至咁鍾意分享旅行攝影.
唉!買器材是不送技術的,我有器材無數又如何,我只是一個老人家,妳唔好以為我係後生仔呀.
生活迫人,只不過是我懂得偷得浮生半日閒,一有空閑時間就會去旅行而已.
既然妳咁想睇我啲相,見妳咁有誠意,我西藏返嚟,就畀條LINK妳去我的FACEBOOK度慢慢睇到夠吧.
我影的相,全部都係旅行生活相,冇乜睇頭,重唔會有任何驚喜的,妳唔好抱咁大期望呀!
乜嘢玩藝術,玩沙龍,我通通唔啱,我係好古板的.


ricky-cncheung師兄:
你好彩喎,九月份先去,等我去完寫返份西藏旅行報告,有興趣可以參詳一下.
我擅於用文字去表達我思我想,打中文字係我的強項,我仔仔打字不慢,但都係完全冇得同我揮.

唔使佩服我呀,各有前恩莫羨人,況且我係一個有夫綱的人,我話去邊就去邊,冇人可以夠膽話我半句.
我唔係唔想同太太一齊去,只不過我太太話明返中國旅遊,唔使預佢,因為佢唔鍾意返大陸玩.
上年我陪左佢去日本北海道和東京七日遊啦,跟東贏遊,使左我三萬五千元左右,錢銀方面,我完全唔係問題.
因為我勤力慣,搵得嚟就使得去,我從不吝惜腰間錢的.
使左可以搵返,搵左唔使的話,好易人在天堂,錢在銀行就極度唏噓啦.
臭皮囊,身外物,萬般帶不走,只有孽隨身.

長鏡有長鏡的好處,拍攝當地民風,唔使行咁埋,會安全少少,甚至有乜事起上嚟,都夠時間畀我逃走呀!
我都會帶埋部DC仔S90去做後備機,兩手準備嘛,否則是但一部出了問題,就會全軍盡墨,鎩羽而回.

[dee_dee_]

hlcmarco C兄:
祝您旅途愉快!
55-300在D7000上夠光的話各方面都幾好,但唔夠光就有hlcmarco C兄講的情況了,一分錢一分貨就住用好了....器材方面做了多方面研究再決定.希望咁多位C兄/C姐比D意見.數碼攝影我是剛剛起步,希望hlcmarco C兄及咁多位C兄C姐多多指教,以前為口奔馳的日子總算捱過了.......現在想到各地旅行影下相,我在西藏15天之旅程一個人平均都是8000元左右(人仔)回程時去了湖南也玩了十天總共用了15000元左右,在大陸玩其實可以好平,也可以好貴,我仲意自由行不跟團,(去到目的地再跟當地團),自由DD.期待hlcmarco C兄回來睇靚相.

[winnwong]

dee dee, 我都好想自由行, 奈何冇人啋我, 我啲毒朋友, 個個有老婆, 她們一點也不愛攝影, 好難約...

而且, 女生來說, 人身安全也是一個顧慮

[dee_dee_]

winnwong C姐:

其實自由行對女生來講的確有一點危險及辛苦的,不過跟團也有跟團的樂趣呀....有時候我也會跟團的,下個月會跟團到美/加玩.不過最喜歡都是自由行..............

[hlcmarco]

dee_dee_師兄:
我現在身處成都,明天會坐內陸機到西寧,
在西寧會逗留兩天,跟住就會坐青藏鐵路入西藏.
西寧唔知可唔可以上網呢?

今日在香港國際機場,在24號閘口等候上機,在附近的上網位雖然可以睇到討論區,
但係就冇法登入,所以至咁遲回覆你,明天早上05:45 MORNING CALL,

我今日好順利到左成都,跟住就去睇大熊貓,然後去浣溪公園,
夜晚去睇埋變面,好累,其實旅行重辛苦過返工添呀!

[dee_dee_]

hlcmarco C兄:

其實國內情況我都係識小小姐,不要那樣客氣,西寧可以上網,現在國內大部份酒店都可以上網,有部份仲有埋電腦提供,(不論幾星級酒店),依我所知在大陸網站是有管制的,所有討論區都上唔到,(我既經驗),但是.DCFEVER 是可以的.hlcmarco C兄您的程好精彩呀,西寧坐青藏鐵路入西藏身體可以慢慢適應,時間又不會太長,今日上車明天就到,身心保持興奮狀態,我上年是在廣州坐火車去西藏的,(51個小時),第一,兩天心情都可以,第三天就..........唉因當一時興起.....回程坐飛機再坐高鐡,舒服多,好在坐車時間長在車上識了幾個西藏通,他們是西藏人去了廣州工作,給我們很多意見,節省了事很多錢及時間,還到他們家玩,不過都唔同電視旅遊節目內果D..........見識過就算吧,火車經過唐古拉山時不要錯過呀hlcmarco C兄,那段路很美,(沒有記錯吧),其實西藏風景處處都很美,(可能新鮮掛),期待hlcmarco C兄回來睇靚相.

[ricky-cncheung]

hlcmarco 師兄:

你的理念,我同你都差不多,
(搵得嚟就使得去,我從不吝惜腰間錢的.
使左可以搵返,搵左唔使的話,好易人在天堂,錢在銀行就極度唏噓啦.
臭皮囊,身外物,萬般帶不走,只有孽隨身.)

從來都覺得,洗了才是自己的,存在銀行都只是數字遊戲。

我認為能力,就去多D地方旅遊,老了,有錢都無用, 有心無力。
西藏我計劃了2年, 等齊朋友一起出發, 今天我都買了支35MM F1.4 去影人影景。

你已經出發,旅途愉快,期待你的美景相片。