[howardshum]

菜街既龍友... 轉自 uwants DSLR 區
---------------------------------------------------

菜街既龍友
[按此打開] [隱藏]
小弟本身都有影開人像model既..最鐘意同model私影..
因為可以影到自己想要既主題...model..大家吹下水傾下八掛野都幾開心架..
有一個星期日自己無相影..因此隻身走左去菜街睇相機野啦..
咁星期日通常都會有d電訊公司做promote..自然會有一大班model show girl
係同一時間永遠都有一大班龍友係度瘋狂影相..
因為自己都有影開相，所以對呢d野都不以為然...
但個日某些龍友既行為，就令身為影師既我都感到好反感
當時自己一邊行一邊都睇下有無相熟model，可以同佢地打個招呼
當時身無大機鏡頭...得部iphone仔...後尾聽到有把女仔聲叫我..
原來真係有個熟稔既model見到我，我就好自然同佢say 個hi
亦隨即用部iphone影左1張相打算之後send返比佢..

結果我就聽到隔離有個龍友嗲晒聲講左句：
「做咩妳寧願望部iphone都唔望我呀..我地d鏡頭機咁專業！」
個model講左句：朋友呀嗎..識得架..
之後個龍友又講左句：我地唔係朋友咩？朋友就唔會用部iphone影妳咁唔pro啦！
我即刻望左佢一眼..原來係位中年阿叔..之後我無理佢..同model say goodbye..
跟住我仲聽到佢講：點解妳同佢say goodbye又唔同我講野既..
佢用部iphone仔出到靚相比妳咩？

我當時無嬲..只係可笑..點解現在d攝影師可以咁無聊...
其實用大機又好..iphone又好...影相真係for自己娛樂..開心下者..
點解可以變到咁敵意呢？
自問又無阻佢地影相..佢地都可以同model影相架...
仲有一次就係見到兩個龍友爭位嘈交...爭既只係一個正面面向model既位置
唉..真係影衰晒d攝影師...

[亞典波羅]

>> 點解現在d攝影師可以咁無聊...
>> 唉..真係影衰晒d攝影師...

影師唔會俾佢地影衰喎, 係都影衰龍友, 果位亞叔 well done ^_^

[howardshum]

你因住比人口趙呀...~.~

[亞典波羅]

>> 你因住比人口趙呀...~.~

有咩好驚?

[亞典波羅]

>> 你因住比人口趙呀...~.~

有咩好驚?

[howardshum]

都唔洗講兩次嘛...

[亞典波羅]

唔關我事喎, 呢個 site suck ......

[kingkonghk]

手機影相有FEEL好多

[zoemui]

攝影師???
shutter係人有手都識禁...

[呀超]

所以咪叫龍友囉！

去到呢o的地方

[呀超]

去到呢o的地方 ，都係行開o的好！

[亞典波羅]

唔駛行開, 果D地方可以買衫買電器買玩具買電腦.

[九龍吊炮]

一雞死一雞嗚
呢d人多的是