[ramsay430]

話說呢幾日公司要買支Sony 501.2GM 跟住見問過周圍都無貨就打去西洋菜南萬成問，其實一直都唔係好想幫襯佢地因為覺得佢口碑唔係幾好。好啦咁打去問佢哋有冇貨嗰個sales任先生話有最後一支，現金價$15790！咁我梗係即刻話留貨一個鐘內去買。去到搵阿任先生試埋支鏡冇問題數緊錢俾錢，佢突然同我講一定要加配filter先可以賣呢支鏡俾我，個filter盛惠$270！咁我第一個反應就係下你唔吖話電話講好咗現金價你而家要我一定要加filter？！跟住佢話公司規定唔啱可以買！我話我想係出邊配得唔得。佢話：唔得！咁我就話我打電話嚟問價錢嗰陣你又唔講埋而家就一定要逼我買。都算啦問過公司叫我買埋冇所謂....跟住最過分嘅黎啦...佢話多謝你$17,270！跟住我即刻問佢你係咪計錯數點會多左成千蚊，佢話唔係！報咗價俾我聽係$17000！ 我心諗你有冇搞錯啊，今時今日有晒商品說明條例你都可以坐地起價?我同佢講冇可能係呢個價錢，你報價嗰陣我有用紙筆抄低同埋我公司同事都係我旁邊聽到冇可能係錯同埋我啱啱入嚟你自己都講緊$15790呢個價....佢嘅回應係你自己手抄嘅價錢可能係假，聽嘅可能係聽錯...總之$17270呢個價錢先賣。跟住我火都嚟埋...佢個所謂supervisor喺隔離同我講話你咪當清楚㗎囉啱就買唔啱就算。最後因為公司趕住用迫於無奈都要幫佢哋買，不過以後就真係唔會再幫襯佢哋真係黑店黎。希望各位如果有興趣幫襯萬成/永成嘅朋友做過借鏡。

[karithkung]

你好可愛，今時今日還要一定某一支鏡才可交到貨！