[kikakbell]

各位C hing 小弟啱啱買咗Xe-1玩，第一次用Fuji digital camera 就遇上不愉快經歷，所以來分享下
去Studio 舘看看東西試試相機都還可，要佢地幫你解決問題就把幾火！
小弟連同XE1還買了fujifilm M mount adapter, 按佢地官方印製的X lenses & accessories catalogue Ref.No.EB-1064E所列出(幾日前從佢地度取得），Leica 35mm f2(3rd 1980-)是可以用的，但裝上鏡後發現有問題，不能對焦於無限遠。於是到studio館查詢(星期六），職員發現從內部文件中得知此鏡不能用，與catalogue 有差異。但當時經理不在，唯有出外走走再回來。
之後經理回應，話catalogue之內容只能作參考不能作準，重話零售商有責任為顧客作出提示，顧客有責任查明清楚。如此解釋不付責任荒天下之大謬，竟然從官方陳列室之經理説出。本人並非要求他們立即賠償損失，只要求fujifilm公司作出合理解釋及處理方法。Product catalogue資料錯誤就要負責，[商品說明條例]不用多說，而該product catalogue 靜悄悄地從枱上消失了（之前還在枱上一起查看）。實物顏色與圖片有差異可以理解就喺人都知，白紙黑字列表寫明都不能作準，重可以信咩呀? 有修訂就要明確列出，一喺就唔好發放。
不問究竟嘗試把責任推得一乾二淨，有問題不審慎處理，寧願諉過顧客，不肯解決問題。 如此差劣服務令人咋舌。顧客服務中心服務不了顧客，還要來幹麽? 設立showroom 是想建立品牌形象，但效果適得其反。最後經理話要上報公司等候處理，既然如此又為何草率作出解釋敷衍客人。

其實部XE-1用得好滿意，原廠鏡頭都好好。但個mount設計就認真愚蠢麻麻地。其實個內圈(黑色部份）整咁厚都唔知做乜，就是差少少半mm就頂住支鏡用唔到。M鏡裝太實又唔順，同panasonic 個M mount 差幾條街，收成千六七蚊重要大陸做！ Novoflex 都喺$1400蚊到，made in Germany. 又順滑又實正。舊原廠電外表和手感好似雜廠野，中間重有d凹凹地，問過其他人都有此情況。

Fuji精心硏制好機好鏡喺好，但accessories 品質就控制得咁差，慳個少少成本就壞了形象，個showroom 服務又咁樣，唉! 真正又愛又恨

[xincamon]

多謝提醒

[Telyt]

香港好多行業都比呢種人既服務態度搞死!

[panda999]

舊電中間重有d凹凹地
完全同意,我都唔明的附件全是大陸做
幸好沒買個原厂的 M mount adapter
我到鴨記買了個FX-M
250元,雖然沒合焦指示,但都足夠用啦