[itmonster]

小弟用開 Canon PowerShot SX1 IS 配合 Kingston SDHC 32GB Class 10 拍照同拍片, 但先後發生過兩次不幸.

大約兩年前去北京玩, 在萬里長城影左D相, 之後再去其他地方, 突然發覺張卡只係裝住百幾張相, 但肯定已經影左幾百張. 番到香港用電腦睇番張卡, 至發現有部份相片離奇消失左. 當時自己推斷可能係氣溫太凍, 部機試過開唔著, 可能後來開番果陣就影響張卡. 雖然用復原軟件救得返大部份相片, 但都有一D至愛相片同影片救唔返.

剛剛上星期日去過尖沙咀影大鴨仔, 就響海旁附近影左幾張相, 之後再開機就發現乜相都冇晒, 情況同上次北京好相似, 返屋企都只能夠復原部份相片.

我實在好難預計下次幾時又再出事. 暫時我有以下估計:

1. 部機可能有故障或者唔穩定, short short 地?
2. 張卡可能有故障或者唔穩定, short short 地?
3. 部機對大容量SD卡支援有問題, 因為我用其他 8GB 同 16GB 都未出過事.
4. 短時間內熄機同開機次數太頻密.
5. 四粒充電池 (GP Recyko+) 有故障或者唔穩定.

本區朋友有冇類似經驗或心得, 知道係乜野一回事, 可以俾D意見?

[pongyee]

我試過用kingston 16GB CF卡，影爆咗之後得返百零張相，救唔返全部，大概冇咗15%左右。

[itmonster]

我估計你係指張卡已經裝滿檔案之後, 部機唔識得話你知已經冇位, 仍然繼續將相片寫入張卡. 咁樣應該係部機問題, 唔關張卡事. 如果我估錯左, 煩請指正.

我上面講果兩次不幸, 都係張卡未滿, 而且最近果次只係影左唔夠 20 張相, 跟住部機就顯示張卡乜相都冇.

雖然我好少會影到滿額, 但好耐之前都試過部機顯示記憶卡已滿而無法寫入, 所以我相信我個問題同 "影爆" 冇關.

我仲諗到其他可能原因:

6, 張卡本身用個格式同部相機唔係完全兼容. 例如即使大家都係用 FAT32, 但可能當中都有D細節(例如 cluster 大小)唔一樣, 或者有影響.
7. 用電腦刪除張卡D相片檔案, 但仍遺留一D相機專用資料檔, 令部機對張卡入面有D乜野造成混亂.

我以後放張空卡入相機後, 一定先用部機做一次格式化, 睇下會唔會唔再出同樣問題.

[pongyee]

影到爆時部機會話CARD FULL。

我出發前有做格式化，但係我影raw+jpeg，而似乎在刪除相片時，相機只會刪除jpeg 而不會刪除raw。

我不肯定這會不會做成影響，但我不再這樣做，現時只影raw。

[glynlee]

我都試過類似情況，影咗成日相，應該過200張，最後過相落電腦時只剩番頭20張。

之後就唔用呢張問題咭，轉用第2張spare card去影，一路都無事wor~

番到香港用software recover d 相，基本上攞番晒，只有一張無聊相攞唔番。

你可以試吓用同一部機第2張card去試，或者第2部機同1張card去影相，相信可以搵得出邊度出問題。

[飯窯]

我估相機short 左, 而且係剛剛read / write 卡o既時候short o左