[fulam]

先講講小弟的經驗：
玩佐影相廿幾年（冇睇錯，係廿幾年），第一部係喺大陸嗰時玩的，玩的係乜型號已經唔記得，係嗰種前面有兩個鏡頭，觀景器由上向下睇嗰種，個樣似Yashica 635，唔知係咪呢隻。
後來黎佐香港，冇錢再玩，但係當時其實冇乜所謂，因為菲林機的技術其實已經好成熟，所以就算用傻瓜機都影到唔錯既相。（何況喺大陸落黎嗰時帶佐部機落黎，都好好用，一直保存至今）
到佐中學時代，學校發現佐我影相的能力，所以所有個活動都由我負責拍攝，但係由於我自己冇機，所以學校都比埋學校部單反比我用。嗰個時期基本上係我攝影的高峰期，所有學校的期刊，有超過一半的相都係由我影出黎既。（其餘嗰啲大多由呀Sir出手）
上佐大學，都玩佐半年攝影。嗰時係數碼相機起步的時期，雖然學校供應相機比我拍活動，但係由於數碼相機的質素實在太差，所以我仍然用自己部傻瓜機為主。後來識佐個女仔，佢唔鍾意我同其他人影相，所以自此之後，我有十年的真空期。

一直以黎，我都覺得數碼相機都唔係咁好，所以就算後來經濟改善，都只係買佐部數碼傻瓜機。後來機緣巧合之下，最近我第一次使用數碼單反（D90），發覺完全同數碼傻瓜差好遠，而且最近我有個遠行，準備帶部真係可以拍到我心中的相的相機一齊去，但係就諗唔掂買邊部好，想大家比啲意見。要求如下：

牌子：冇所謂，從以前的經驗，基本上我乜牌子都用過，只要比我少少時間適應下就得。
價錢：一萬左右（淨機身，唔係諗入門機，試過用同事的入門機，啲質素真係激到我差啲掉爛佢部機，亦唔會考慮二萬樓上嗰啲，因為買唔起）
影相習慣：影人為主，action shot，唔會影啲叫佢企定定，叫「一二三影」的相
鏡頭：不定，睇過cannon的 25-70，但係係成九年前的鏡，好似就快被fay-out，而且冇避震，我老了，怕手唔夠定T_T

希望機身連鏡頭唔過２５０００。Thx

大概如此，如需補充，請回應時說明。

[012897]

Canon EOS 7D
Nikon D300S
萬幾銀係呢2部
選個SYSTEM入就係了

[Laza]

Canon EOS 7D，我有朋友用，成像一流，好靚，淨機新價錢約$13,000
套裝鏡頭15-85唔錯(套裝價錢$17,000)，另可選購70-200 F4 ($9,500)。