[manmanking]

請問各師兄意見, 如果使用較少的像素 - 如我部機係千四萬像素, 但我set 去 用七佰萬素, 在相同的 ISO 值下, 照片係咪會少啲雜訊? 在此先謝過!

[indylilian]

唔會

以我理解是光線進入Sensor (CMOS)後, 一切就已成定局,
如果你塊是細小的DC 仔Sensor,但要處理1400萬像素,
基於吸光量不足, 部機在高ISO 時將Sensor強行催谷, 令
雜訊增加, 而你用機內設定將像素降低, 只是機內處理器將已成像的照片的像素減少......

[manmanking]

indylilian 師兄既睇法有見地, 雖然同我既理解有些少出入. 小弟愚見, 一塊千四萬像素的 Sensor 就如同一張有千四萬格的吸光紙, 每次曝光時光線都會經過那千四萬個小孔來感光, 而用同一塊 Sensor 去處理一半像素時(700pix), sensor 仍然會用千四萬個格, 只不過就會將2格合二為一變成孔徑較大的七佰萬格去處理, 唔知師兄認同與否?

我有這樣的諗法完全是因為經常看到新相機的報告指出, 某某相機的像素太高而Sensor 太細, 而至 ISO 表現不太理想, 如生產商可以降低像素 (例如由千四萬素降低至一千萬, ISO 表現會更好....etc.). 就如 Canon G10 同 G11, G12, 由千四萬像降低玉一千萬像, 所以 ISO 表現會好啲.

如有錯漏, 敬希賜敎!

[indylilian]

我對這些機械同光學, 都是入門, 左抄右睇......半桶水~

不過從物理光學....如果2格合二為一, 孔徑大左, 我理解你所指的情況就是一部只有700萬像素的相機, 而Sensor 都係一樣大, 造就成像質素提升, 因為Pixel density (同一面積的傳感器處理像素的密度) 上升左~

而樓主是指一部有1400萬像素的相機, 用內置功能設定將輸出像素減至700萬像, 其實這部1400萬像素相機, 經過那 "孔徑" 較少的Sensor後, 已成為電子訊號, 只不過相機內置的Software程式, 好似做Photoshop既Photo resize咁, 尷硬將像素減一半, 只係對打印上, 像素減了, 檔案Size小了, 而打印出來的相片便細了, 而相片質素並沒有你提及的2格合二為一的情況而提升~

所以我諗我和你的理解其實是一致, 但大家好似討論緊兩個不同的Issues.....

[飯窯]

唔同model 有唔同設定, 有D機種如果set去低像素,CCD只係用中央更細少部份影相, 相機變相好似ZOOM遠o左, 咁就冇分別.
另外有D機款SET低像素, 你用ZOOM 既時候睇唔到有分別, 咁可能係用整塊CCD影相, 然後再resize像素比你睇, 咁就有分別. 雜訊可以由其他正常訊號修飾.