[katrinab]

請問有人知道原因嗎？ 新買不到10天的Galaxy Note 8.0 香港行貨平板，睡覺前放在桌面，第2天早上中間的TNT層離奇爆了，可是表面的PLS 面板卻完全沒花…現在關著看起來完全沒花沒壞，可是開機後，會看到裂痕。Touch功能完全正常。有人有同樣的問題嗎？

買回來已經有保護套，無跌過，出入放Tablet專用層。有人知道為什麼會這樣？ 可以送Samsung維修嗎？

是在細店買的(Confirm 係正版行貨)，不是在連鎖店，品質問題嗎？ 我怕去到Samsung會被佢屈係我整爛。

[katrinab]

7月4日晚上後加：

今日屋企人去左Samsung，佢只係入去俾師傅望左一下，都未詳細Check機佢地已經一口咬定係用家(我)人為損壞。根本唔係我用壞，我當然理直氣壯同佢地講，佢地D Customer Service (以記名)都只係不停話係人為損壞，完全否認會係出廠零件不良概可能。之前已做足功課，知道了會做成這個問題(Mon 由內面裂開,出面無裂)的可能有幾種，同Customer Service 講，佢都係一直重覆話以佢經驗，一定係人為問題，要報價。但問佢有無其他人有同樣經驗，佢就話好多人都爆Mon，我問佢有無Note 8.0係跌/撞壞，內面爆出面唔爆,佢就話部機新，仲未見過咁概例子，但如果有，韓國公司一早回收左。(這是什麼道理!?）

我問佢地如果Prove到唔係人為問題，個Customer Service 都係話唔包，總知零件有問題就唔關佢地事，如果係有問題，買個陣就要Check到(那怕是機內的零件?)，Check唔到概話，之後有問題都唔關Samsung事，就係要報價。
因為佢係Samsung維修自己查自己機，佢話咩就咩，而且都左佢手會發生咩事都唔知，我想去公證行Check。所以問佢，如果我先自費，請公證行去檢查，出黎概結果係原廠零件或設定上有問題，而導至“正常使用“下發生故障，Samsung Hong Kong會負責嗎？Customer Service 回覆，係出面非經Samsung 維修打開過部機，公證行也好，一律保養失效，也不會賠償檢查的費用。意思就算Check到係原機有問題，都不會負責。
之後無論點講，佢都話"點睇都係壞左零件，都一定係要報價“。佢報優惠價$1400(相比Galaxy Note II 或S4黎講其實算便宜)。其實我長途電話傾左成1個小時14分鐘($$$)，加上速遞都已經出左一堆錢，個$1400真係唔多，差點想就咁算，但想到買部Phablet返黎係開開心心，無啦啦壞左，明明唔係自己錯，卻得到這樣的結果，真的很氣。
因為網友都話要記得錄音，所以都錄左2個30分鐘的對話(有預先同佢講左)。頭先打左去Apple Daily 初步Report左，希望等佢地Reply。今晚再唸下點Send Email 去Samsung 韓國總部投訴。聽日打去消費者委員會問問可以點(對政府部門期望不大 ）。搞落去係100%為左淡氣，以後買Samsung都真係要預左佢無保養。