[wayne429]

我想問下 有冇人知 如果在西貢碼頭坐入去鹹田灣 快艇要幾多錢?

謝謝回答

[nc1350]

我問過個船家，最少$100位，起碼8個人先開，你亦可以俾夠$800包艇，但係由西貢碼頭去要打電話俾個船家先，因為佢係唔定時咁出西貢碼頭，不過我唔見左佢個電話，所以次次都係行去，當做運動。另外，鹹田灣o個度間士多可以買飛坐艇返出去西貢碼頭，一樣係$100位，但要夠8個人先開船，唔夠人就會等夠先開，星期六、日都好多人去，所以唔怕唔夠人! 我坐過一次走，沿途都有唔少風化石、超大山洞、wake友、魚排、沙州(仲有機會見到日落)可以影，不過前題係你要係極速快艇上面影，兼且都幾大浪，不過我坐個次都有2個師兄無懼風浪咁拎部單反出黎影相 (我只係得dc仔...)!