BomBoy-W
註冊: 2008-01-31
上載我的肖像
|
 用 HP printer, 換來一肚氣 Post time: 3 月 18 日 |
|
|
唔夠半年前, 買左部 HP printer , 諗住佢跨國企業, 品質會有保證,
就算部機有問題, 都有保養跟丫,
點知買左部機冇耐, 就知出事,
一日到黑叫我校正, 校完一次又一次,
最慘係每次校正佢都自動 print 一張 校正頁面出唻,
唔 print 就當我冇校正 ( 佢校正個程序我非常熟悉, print 完再 scan...不一一細表 )
我儲儲埋埋一大疊, 後來我直頭一頁兩邊都比佢校,
完全浪費紙張, 最慘係佢d墨一d都唔平, 彩色墨得果 5mm 就成 百幾蚊,
用唔夠一個月, 就成日屈我冇紙,
明明成大疊紙放響度, 佢都要話冇紙唔比我 print 野,
跟住我就試每次 print 野都都只係放一張紙, 佢先比我 print,
咁就唔可以一次 print 幾張, 要一張一張 print, 煩都煩死,
每次部機覺得有問題 (例如冇墨 冇紙 卡紙) 等等情況, 都會彈個 box 出唻話我知咩事唔比我 print,
點知琴晚我再 print 野, 佢粒聲唔出就唔比我 print,
我等極部機都冇反應, 咁就指吓 windows 右下角個 icon 啦, (指住佢會彈d字出唻)
佢話 [ 1個文件擱置。原因 user ]
咁即係點呀 ? 連藉口都唔比一個就唔比我 print 野,
咁我唯有重開機......拔線插線......cheak 吓電腦印表機果d野......最後重裝一次,
結果再試 print 野時都係果句 [ 1個文件擱置。原因 user ]
唔比我 print 都冇計啦, 咪搵吓買機跟埋果疊野度有冇客服 hotline 囉,
反轉搵幾次都冇, 唔緊要, 上佢官網再搵, 結果一樣冇!!
唯有跟佢官網d所謂 疑難排解 去做啦, 到最後都係唔得,
唯有 e-mail 比佢啦, 特登留埋電話比佢, 同簡短咁講吓咩事,
諗住佢會打比我了解咩情況啦, 哈!! 又錯,
佢今日 send 返個 e-mail 比我, 再教我 疑難排解多一次,
好 >.< !! 我又跟佢做一次, 唔得添, 哼!! 再試多次, 都係唔得......
始終 print 唔倒野, 最嬲係見倒佢句 :
HP 客戶支持中心是經過 J.D. Power and Associates 認証的技術服務和支持中心 ,
一直以來致力于為客戶提供“卓越的客戶服務體驗”
哈!! 顧客有需要幫助嘅時候, 唔搵人打比個客了解情況,
而求其 send 封 爛鬼 e-mail 就草草了事, 咁就叫 ------ 一直以來致力于為客戶提供“卓越的客戶服務體驗”
一d誠意都冇, 梗係佢 d 機成日都有問題, 比人插到怕, 所以客服 hotline 都唔敢整啦,
人做生意, 佢做生意做得佢咁鬼鼠 & 咁冇誠意, 咩跨國公司唻架 ?
今時今日, 咁嘅售後服務, 佢未執笠真係奇聞,
無啦啦為左部爛鬼 printer 搞左我兩晚, 換唻一肚火之餘, 本來要 PRINT 嘅野要拎出去 print $3 一張,
問你怕未 ?
切記, 唔想學我咁就唔好買 HP 嘅野, 同奸商一樣
|
|
