[carbybox]

想在室內影小孩活動或定照，但家裡用黃光燈泡，即使用閃燈影出來照片依然泛黃，有沒有辦法？

請指教。

[pongyee]

>> 即使用閃燈影出來照片依然泛黃...


閃燈唔夠力。

[九龍人]

咁係由於現場除咗閃燈既光外,仲有黃色燈泡既光.相機用咗閃燈光白平衡,加埋黃燈泡既光就自然係偏黃.要解決有幾個方法,最簡單就係加快快門,用低iso,細光圈等等手段隔絶現場光,令閃燈成為唯一光源,但副作用就係閃燈照唔到既地方就會黑晒.用呢個方法既活最好咪用機頂燈直打.九成會黑底同勁重陰影.最起碼打天花或後牆反射,如果可以用離機閃打多一支或以上閃燈效果會更均勻.但此方法受制室內環境,例如地方太大就要用好多支燈,又或者跟本牆壁不反光.好處就係光圈,快門,iso幾乎沒有限制,鐘意用幾多都得.
第二個方法就係在閃燈前加黃色 filter,令閃燈光跟現場光色溫配合,再用黃光白平衡就唔會有偏色問題,但限制就係你要吸足現場光,即係不能因為有閃燈而提高快門速度.如果小朋友郁緊有機會要用好高iso.所以最好有雜訊控制好的相機例如Nikon D700, Canon 5D Mark III等等機型.好處係現場幾大都得.亦不需要有反光的牆壁.

[kingkonghk]

可以1試閃燈加黃色FILTER, 白平衡盡SET到接近2000K