[barrykfl]

燈用 red led 得唔得 , 一定神台燈?
間房係咪要封到黑?有冇人用廁所做?

其實我有個黑袋, 想設計把紅燈和 cam 引入再刷 film 之類 e.g polaroid

[普通會員]

燈用 red led 得唔得 , 一定神台燈?
菲林只係對某波長嘅紅光冇咁敏感，所以唔係乜紅光都得，同埋光度盡度夠睇到嘢就算，咪菲林一樣會走光！

間房係咪要封到黑?
當然，唔係黑菲林咪走光！

有冇人用廁所做?
有

[since2000photo]

本人在廁所玩了黑房五年，曬相超過一百次
借朋友的正式黑房，仍試過自沖自曬彩色相

沖菲林係完全不能有光
至於黑白菲林曬相就⋯
如果你試過曬相，你就知通常用五秒至二十秒左右，
係燈光穿透菲林直接照相在相紙，證明黑白相紙期實並不敏感。

如果你關了所有燈，封好窗口，開眼停留半分鐘，仍然覺得黑，
連紅燈都不用，小小光從門底進入，係無問題，

用最快速度，把相紙從盒中拿出，放在曬相機下，
用五至十秒曝光，立刻放入顯影，用黑card board封好,
不過水，直入定影，又用card board 封好，係ok的。

我做過半年全職人手曬相員，可以話，這不是正確方法。
但係方便，簡單，易做。

如果沒有running water, 正接入fixer.
玩黑房，有不同玩法，沒有對錯。

信自己做測試，
在廁所封好門窗，把相紙拿出來，面向上，放個銀仔上去，
三分鐘後，放入dev, 再放入fixer,
相片沖洗後，如

[since2000photo]

菲林連紅光都不能見
相紙可以

[jazyee]

timer 都好重要

[普通會員]

我覺得菲林唔係完全唔可以見紅光，只要光度夠弱同時間夠短就得！

我朋友教我沖菲林嗰時（試過兩次），盞Safe Lamp都係着住！不過佢講明，Safe Lamp要Dim到最暗，夠攞藥水同開水喉就得喇，同埋唔好直接俾盞Safe Lamp照到啲菲林，所以佢裝菲林上捲筒嗰時，都係用個背脊備戰住盞燈，基本上只係憑手感去上片！上好片後入罐，除將啲藥水倒出倒入嗰時會打開個頂蓋之外，根本再冇機會入光。

[micros]

我都試過改廁所做黑房。
有出水去水﹐又有描風﹐方便好多。

只沖菲林﹐其實黑布袋就可以﹐唔需要黑房﹐晒相就要。

安全燈除o左要安全o的相紙﹐都要安全個人﹐有係好o的﹐趺o左o野都易搵o的。
安全燈強度同曝露時間都有重要﹐相紙感光度係低 (iso 2-3)﹐太近安全燈或者曝得太耐同樣會出事。有時未必知﹐白位唔白﹐會有微微一層灰色o既薄層。
係非理想o既情況下﹐ since2000photo 講o既做法都可以﹐真係要快手。
能力可以o既﹐就盡量做好o的。

最基本測試﹐完全黑房設置後﹐試晒一張。
測試1﹐測試有否漏光。全黑環境下取出相紙﹐放張八達通上去﹐令相紙o既一部份被壓。咩都唔做由佢放一分鐘﹐之後以正常程序沖晒。

測試2﹐安全燈是否過強。亮起安全燈﹐取出相紙﹐放張八達通上去﹐令相紙o既一部份被壓。咩都唔做由佢放一分鐘﹐之後以正常程序沖晒。

晒出o黎﹐見到有印﹐即係唔合格。
如係黑房漏光﹐當然係去補。
如係安全燈過強﹐可以調暗就調暗﹐可以拉遠就拉遠。都唔得﹐可以改變闣相程序﹐安全燈唔長﹐放好相紙放好夾就熄燈﹐直到落o左顯影先開返(藥膜向下)﹐甚至係落o左制停 / 定影先開。

至於菲林﹐無話唔好直接俾安全燈打到。
根本係間接都唔得﹐要全黑。

[micros]

講返 神台燈 / 紅燈﹐對於近代o既相紙其實唔係最配。
例如常見o既石變反差 rc 紙﹐對應o既應該係琥珀色o既安全燈。
神台燈 / 紅燈 唔係唔得﹐強度同曝露時間要再少o的。

長氣講多次﹐對菲林﹐就任何安全燈都唔可以開。

[barrykfl]

其實我係玩 Polaroid 即影即有相紙...個電壞左..
把幾盒紙合做一盒

[micros]

咁用黑袋就得﹐憑手感去處理﹐唔需要黑房。
即影即有菲林結構同特性我唔了解﹐估計同樣都係唔可以見光﹐even 係安全燈。

[朱熹]

"我覺得菲林唔係完全唔可以見紅光，只要光度夠弱同時間夠短就得！
",盤顯也許有可能, 但一定不是紅光,而是很暗的綠光才可以做事. 不會有很多人做上述. 通常用筒顯做的. 我自己第一課,已經是筒顯.

再三提醒,沖菲林,無論任何性質,一定不可以見光, 我只做過一次. 我真的希望能做多一點, 甚至想做彩色自沖,但未準備好, 看來,我要再做多拾二次(大約24筒黑白負片)後才好考慮. 因為問題在水浴過程中出事.

至於印相, 是另一個故事. 我未做過,但過程與上述相似,只是,最好能摸黑來做.

今.掃瞄機代替傳統印相的步驟. 因此,我只問如何沖,很少問如何印. 因為沖印幾乎一樣的.