[米粉2023]

各位ching，你地支70-200多唔多塵架？
我前日先買，今日影o左半日，返到屋企搞清潔時，發現鏡內有三粒塵，而其中一粒係好明顯。。。雖然話只有三粒，但萬幾蚊一支鏡。。。點都有o的頂住頂住。。。
另外，想請教各位ching，點樣可以試下支鏡有無問題呀？如迷焦、走焦等等。十日內有問題可以換，希望無問題啦，哈哈。謝謝！

[neod300s]

我無買到小黑, 買左sigma 70-200 OS, 用左八個月都會有兩粒小塵

其實呢d鏡係內變焦/對焦, 已經唔會係zoom鏡時吸入塵, 理論上都係換鏡時係底部入塵
你可以試下由f5.6到最細光圈, 對白紙影d相, 睇下你講果d塵有無係相片上出現
一般黎講唔大粒既話唔會影響既。
另外對焦準確是否，可以係網上搵個對焦板, print出黎砌好佢, 落腳架影, 睇下有無走焦
然後實測, 拎出街追下車, 追下雀, 睇下有對焦時有無前後拉黎拉去都對唔到同埋影出黎放大睇下中心點d細節位有無鬆

注意清潔時要格外留神, 本來粒塵係出面都比你吹番入去。

你個心頂住頂住既話即管去番鋪頭到睇下有無得換另一枝, 好彩既話會搵到枝一粒塵都無既小黑，如果可以的話。

ps nikon QC又未至於咁多問題同時出現響一枝鏡到…試清楚，唔洗咁擔心既

[米粉2023]

Ching 謝謝你的回覆 我都試過下載對焦板做測試 好似無問題 不過我唔知點上載圖片上黎 所以無得請教大家