[ravendesu]

我啱啱睇左樓上個post.哩個都係我成日解決唔到嘅問題.
如我只得450D kit 無外閃燈係咪好難影？
我都試過推高iso同慢快門曝光，但係人像始終唔係死物，
好難企定一d都無yuk..變左影出黎個人樣會少少矇
p.s. 我已用腳架

請各c hing教路 please...
定係要買新鏡？or新機？

[ravendesu]

成日一係背景光•人暗 或 人光•景暗 ＞＜

[micros]

要同時夾o岩前同後﹐唔係無可能﹐只係好被動﹐現場係咁就係咁。
唔係o既﹐除o左後製﹐都無咩簡單方法。

最容易處理o既係人暗後景光。
用閃燈向前面暗o左o既人補光就得。
無外閃﹐內閃都可以﹐只係有o的o的限制同彈性無咁高o者。
你有無用過﹖

[九龍人]

唔好太依賴啲半自動程式.用M mode自己設定晒光圈快門同閃光燈輸出自然唔會時光時暗.夜景人像不能夠太追求前清後又清,光圈無可避免要開大啲爭取較快速快門,最好做到0.5秒或更快.Kit lens光圈比較細,分分鐘要用iso 800或更高.只好盡量唔好zoom遠用廣角端保持較大光圈.
內閃除咗光較硬之外最大問題係唔多夠力加顏色filter,在黃燈的夜景環境下會搞到背景嚴重偏橙.雜嘜都好,買支外閃,唔駛TTL,用手動調較.

[ravendesu]

我試過用閃燈，但個人樣會過白，同個背景會變暗

想請教要如何測光？測光有何用？點樣應對呢？

[九龍人]

我第一句已經講咗,唔好依頼自動程式,在自動程式下,相機驚你手震就會加快快門淨係靠晒閃光燈,就會出現人白背景暗的情況,就算你用慢速同步,光圈快門,閃燈輸出都係亂晒籠,好彩就撞啱,不過下一張可能又錯.你用M mode,測光撥去平均測光,相機會有顯示現在的光圈快門,iso組合光咗定暗咗,向右代表光咗,向左代表暗咗,改變組合令指標去翻中間就係配合相機既測光結果.又係嗰句,唔好信相機,數碼最好,影一張睇睇啱唔啱,唔啱就改組合.咁都唔識就用光圈先決影一張再參考個組合.固定咗背景組合就試閃光燈輸出,其實有得計,不過影慣咗其實試仲快.甚至估都中.因為夜景人像來來去去都係差唔多既光圈同iso.

[micros]

其實分開人同後景去處理﹐就易好多。
先搞個景。
如 九龍人講咁﹐用m mode﹐以body 個測光錶為參考﹐定好光圈快門﹐認真暗就加 iso 換快o的快門。
咁個景就搞掂。

剩底個人﹐比背景暗﹐就用閃燈補。
既然背景已定好﹐煩極都係要搞個閃燈輸出o者﹐唔會要搞閃燈時又令背景一時光一時暗。
閃光太勁﹐減出力﹐直到o岩為止。

[ravendesu]

thx 九龍人 and micros, thx all of you =]
I will try out next time

[Kentlwk]

我都想問下如果係好似影鴨仔咁，個主體其實夠光，但我又想影埋對面大廈個景（個景比較暗），咁應該點處理？

[九龍人]

咁係光差太大既問題,用閃光燈處理唔到,通常可以靠HDR,或者layer mask等方法,即係用兩張或更多唔同曝光既相合成.但鴨仔其實有機會會郁.畫面上亦可能有其他移動物體,呢啲方法可能有殘影.如果真係咁就唯有靠shadow,highlight等軟件方法去調較.但幅度就唔可以太大.暫時並沒有絶對完善的方法.

[Kentlwk]

明白晒！唔該晒九龍人師兄！

[lumbaplane]

我都學到野