[bogey]

接觸咗攝影一段時間, 都影唔到好相, (註: 好相指大部份人都認為好既相)
睇咗一d攝影書,但係無乜進步,
無意中有朋友問我知唔知"點既相至叫做好相" ? (朋友唔係影友)
咁我當然 "O"嘴啦.......
尼個可能真係我無進步既可原因..

所以想問問"點既相至叫做好相" ??

真心想學, 勿插..

[tam_dominic]

聀業相客人話好的就是好.
沙龍相評判話好的就是好.
子女相老婆話好的就是好.
自悞相自己話好的就是好.

相片有很多類別, 好的定意也不同.

Journalism 和 Pictorial 巳有很大的不同.
原則上你先要有個意念, 張相要點樣. 與這意念沒有関係的景物使不起眼 或 完全不在相中出現. Keep It Simple Stupid 就是要達到這目標.
方法可以 走位, 高低角度, 光的分佈等等, 特別可用photoshop有以助成就這意念.

我的 "攝影基礎訓練 notes" 可作參考.

Happy shooting !

[bogey]

多謝 tam_dominic 師兄無私既分享,

上文已經有提到有睇過類似既技術性文章書籍, (當然師兄既文章比較精簡及清晰), 可惜對我改進唔大(小弟吸收能力有限, 請諒), 亦見身邊朋友因為睇咗書籍而大有進步.

有趣既係, 發覺有好多女性影友影到好好既相, 但佢地大部份都無攝影既技術同知識,

尼個現象令我非常疑惑, 我既拍攝係唔係除咗攝影技術之外,重缺乏咗d野, 但係又唔知係乜野....

所以想請各位前輩,師兄提點..

[tam_dominic]

貼多幾張大作畀大家研究下可能實際d...

[亞典波羅]

>> 有趣既係, 發覺有好多女性影友影到好好既相, 但佢地大部份都無攝影既技術同知識,

有冇搞錯呀你, 梗係要令到D女覺得你的相好吸引先岩喎.

[sevencho]

Bogey 兄影相要影得多才會進步，你的女性朋友可能比你影的還多百倍，她們天天Facebook 更新相片量的驚人!
所以影多D相和朋友交流多D吧。

[亞典波羅]

不過影得多未必一定有進步喎, 可以越影越退步.

[kingkonghk]

不過影得多未必一定有進步喎, 可以越影越退步.
========================

你講朕?

[亞典波羅]

>> 你講朕?

皇上到左超乎常人境界, 進同退都一樣喎.

[tam_dominic]

亞典波羅 和 kingkonghk 都是資深影友, 建議你放幾張大作上來 請他們指點一下, 必有進步.

影相後制是必需學的, 愈早掌握愈好.
youtube 有photoshop 教學
這裡 "攝影技巧"討論區, 有位熱心無私 johnny影友 出了廣東話版教學 陸續推出.


"有趣既係, 發覺有好多女性影友影到好好既相.."
她們的相與你的相有什麼不同 ??

[kingkonghk]

BALLLAW

你果D忍秘位朕刀未去過

[亞典波羅]

皇上體能勁過我, 如果你唔介意通宵唔訓或夜行預埋你又點話.

[亞典波羅]

我呢d只係玩下, 譚生成日都有新作.

[bogey]

亞典波羅師兄,

"有冇搞錯呀你, 梗係要令到D女覺得你的相好吸引先岩喎."

尼點我當然知啦, 問題係好多未學過攝影既女影友影得好好, 甚至好過好多資深男影友....

sevencho師兄,

"所以影多D相和朋友交流多D吧。"

尼個正係我系尼度開帖既原因..

tam_dominic 師兄,

"她們的相與你的相有什麼不同 ??"

尼個就係我想知既野, 我同一齊影既影友都會盡量運用學得既知識同技術去影相, 但係d相多數都係好一般, 反而d女影友乜都唔理,就咁去影既就好特出..

煩惱中....

[DCMASTER]

若果你的目標係"想影好相"
甘你就要忘記"想影好相" E個目標,
因為太空泛,棧你迷失
除了一些基本技術要學外
(基本技術是助你更能表達相片的內容)
根本上無必要分D相好唔好
只需要留意能否表達相片的內容
在數碼年代,我通常反其道建議D人影少D相,方能進步。
一張用心影嘅相, 勝過你用手指亂影1000張相,
現在好多初學者都花了大部份時間處理數以千/萬計的相,
仲有時間學攝影?
另好有D人天生攝影眼或審美觀, 係無得學的,
也有些人需要一定時間才能浸出以上能力,
欲速則不達。
快餐M記先有