[lamcircle]

有日同個仔去沙灘玩，見到有師兄同個女仔影緊相，手上又有支長鏡頭，就影咗好幾張相，效果都幾靚。但總是覺得偷影返嚟，有啲不正當！想問如果你係那位師兄或者Model，會唔會唔高興，或者甚至好憤怒？

https://drive.google.com/file/d/0B7RBQB5tcL1LR2JkczVlXzVHM3c/view?usp=sharing

[yung2]

不爽就一定會la。

人地係公眾地方食飯，唔通你又走去食人地盒飯。

人地係公眾地方拍拖，唔通你又走去拖埋一份。

[ChiuChiu1970]

完全比諭錯誤！

拍攝响公眾地方的人、事、物，完全合法，除非法官有理由相信，你當時的拍攝行為，嚴重影响當事人的自由行動，或者對當事人的人身安全構成威脅。

又或是你當時的拍攝方式已經違反香港的法例，例如拍人地裙底。

[ChiuChiu1970]

人地俾錢請模特外拍，你唔俾錢影埋一份，當然會有人唔高興，但佢安排响公眾地方進行這類收費的活動，就要預咗會有其他人影到。想唔益人，租Studio囉！

[yung2]

依家唔係講法律，係講緊人地嬲唔嬲，無禮貌同會唔會犯法係兩回事，搞清楚人地問乜先！

你盒飯無啦啦有人來食一啖，你條女無啦啦有人來拖住，你嬲唔嬲？問自己個心，就係咁簡單！唔好講錢唔錢犯唔犯法。

[lamcircle]

我相信如果相片只作非商業或者非牟利用途，應該係合法嘅。

但我這種行為絕對無妨礙到別人嘅生活或者工作，我只是在你們食飯的時候，聞到你們的飯香，也只是當你們拍拖的時候，偷望了你的女朋友。你的飯餸冇 小 到，你的女朋友也沒有 蝕 了。

[yung2]

其實唔影響人，被偷者多數都隻眼開隻眼閉。

但一定唔會喜歡俾人偷，心諗，真係咁想影好心自己請model。

[francophoto]

有時D師兄花了不少心血去創作，有主題、服飾、化粧去配合影一輯相。偷影等同偷了人家的創作，咁公平咩？

職業model都要吃飯，這樣偷影free rider行為亦損害model利益。

有時唔係合唔合法問題，而係社會上需要大家互相尊重，維護公平既原則!

[karithkung]

影得不錯！

[yung2]

想知人地點解被偷會不爽，自己去約吓model 影相便會感受到。

講開model，有啲對出相都有要求，我覺得靚而model覺得唔靚嘅，model 都會要求刪相唔好post，何況俾唔知乜水影，更加無保障。

[cklim2012]

其實是唔應該偷怕人地model。應該禮貌上問下人地可唔可以俾你影。

[lamcircle]

咁即係話街上任何一個人都唔可以影？ Snapshot 都變成不道德行為？ 既然你出得街外面影，就變成街景嘅一部份，唔通要條街無人先可以影？！

[yung2]

咁你都識講係偷拍，唔係任你拍，你自己都覺得唔好，做乜仲要為自己找理由？

外國都有影師專門玩特襲兜口兜面Snap路人大頭，無話唔俾影，但一定有被拍者係唔鐘意+反感，話說有幾次仲差啲俾人打。當然如果你都覺得咁最好玩你都可以學佢。

最後都係果句，想影model 就自己搵番個，再唔係就去影show girl 呢類免費任影，無謂鬼鼠偷影，習慣咗就成為你做人態度。

[lamcircle]

唔好形容到我好似十惡不赦咁啦！根本佢哋就唔知我影咗，只係偶然遇到人哋影相，所以就偷偷地影咗幾張。如果係兜口兜面就唔係偷拍啦！
影人像，有時真係要偷拍先至影到有感覺嘅相，要做得出自然嘅表情，唔係個個model都可以做到，所以偷偷地捕捉model嘅動態亦是一種攝影技巧。換過角度去睇啦，可能會睇得清楚啲。

[yung2]

咁又無十惡不赦，但鬼鼠就係鬼鼠。

你想捉果種自然感覺一樣係可以自己請model 去拍，當中好多溝通學問，唔係偷拍就學到。

你講Snapshot 我就舉個實質例子啫。

同埋偷拍，人地隻眼開隻眼閉，未必唔知。