【假日玩樂情報】與蛋黃哥Hea住過！

文：肉肉

時下好多人批評廢青，話佢地唔願工作，唔上進。但一山還有一山廢，究極廢青蛋黃哥由今日（7月7日）開始喺朗豪坊「梳乎町」懶洋洋咁 Hea 足兩個月，等一眾粉絲同佢瘋狂影相。唔好問點解廢青都可以受萬人景仰，只需要知道如果你的愛人屋企人都擺倒在蛋黃哥的裙下（應該係蛋白），咁就要留意啦！

捕獲蛋黃哥4大攝影區

Gudetama 梳乎列車

↑(甫士示範)Nisetama車長你好！

↑(甫士示範)蛋黃哥起身啦！

話明係廢青，揸車呢啲操重嘢當然由頭號粉絲Nisetama嚟做，蛋黃哥就攤喺車廂度懶懶閒咁等人同佢影相。不過蛋黃哥雖然懶，但一啲都唔濫，唔係每個都可以一親「蛋」澤！要親親蛋黃哥，就先要用QR Code參加梳乎駅手機遊戲，測試吓你骨子裡到底有幾Hea嚟換取車飛！

梳乎壽司店

↑(甫士示範)玉子燒三兄弟，我要食你啦！

↑(甫士示範)同玉子壽司孖寶排排坐。

↑(甫士示範)好好食嘅三文魚籽壽司呀！

蛋黃哥無夢想，因為佢遲早比人食，就算變咗壽司都係咁話！梳乎壽司店入面的玉子燒三兄弟、玉子壽司孖寶以及三文魚籽壽司都係郁都唔郁，一副「來吃我吧！」的嘴臉，最啱影一啲扮食蛋黃哥的呃 like post 啦！

蛋香樓

↑(甫士示範)我要炒你啦！ 
↑(甫士示範)好大碗麵啊！

↑(甫士示範)好臭啊！

無論蛋黃哥變成咩食物，佢慵懶的態度都係咁鮮明、咁出眾！蛋黃哥在鐵板炒飯同埋中華拉麵大盛，都依然一副悠然自得的樣子，廢得如此霸氣，難怪擄獲唔少熟、中、少女的芳心！即使被棄如垃圾，蛋黃哥都依然懶理，果種軟爛的生活態度，可謂廢青的典範！

Gudatama Bakery

 
↑(甫士示範)大大個布丁！
↑(甫士示範)捕獲未出世的蛋黃哥！
↑(甫士示範)幫蛋黃哥按摩！

蛋黃哥其實係嚟慶祝朗豪坊 10 周年，仲特登用蛋黃哥個樣整咗個 10 歲生日蛋糕，不過呢一切蛋黃哥都唔會 care，因為佢瞓咗喺個蛋漿 Jacuzzi 度嘆冷氣，呢種皇帝式的享受，或者只有蛋黃哥先可以享有，真係令人很「葡萄」。

梳乎蛋食堂

地址：旺角朗豪坊 4 樓通天廣場（顯示地圖）
展期：2015 年 7 月 7 日 –  9 月 6 日
時間：11:00 – 23:00
電話：+852 3520 2800