【東京一日】扮文青 四圍遊！

文：彭潔瀅

所謂文青，就係慢活style！嘆下咖啡、睇下書、閒逛下 Zak-ka 店、影下相，再以一句「You made my day！」caption 作結，扮文青，其實唔難！在東京，更是文青蒲點處處。想悠閒地，慢活地，過文青的一天，不坊參考下呢條路線啦！

第一站：2k540 AKI-OKA ARTISAN設計職人街

(圖片來源: Tokyo Convention & Visitors Bureau)

(圖片來源: 準建築人手札網站 Forgemind ArchiMedia)

睡到自然醒以後，悠閒地吃過早餐，可閒逛一下呢個新興的文創天地。

JR東日本鐵道將御徒町和秋葉原之間的高架鐵橋下的空間，改建成以手作、創意為主打的手作人街。入面有畫廊、工作室、咖啡廳、手作店鋪等，除咗有手作賣、有咖啡飲、仲有唔少手作 workshop ，亦係當地不少著名手作藝人的慣常蒲點。

呢條手作人街叫「2k540 AKI-OKA ARTISAN」，名字很長很怪吧！其實個名係由從東京車站出發，走到御徒町站跟秋葉原站的高架橋下的2公里540公尺距離，加上秋葉原和御徒町的簡稱AKI-OKA，而ARTISAN則是「手作人」的意思，就造就咗呢個名字。

光是閒逛一下呢條手作人街，都已經可以hea一個下午了！詳細資訊

第二站：舊岩崎邸庭園

舊岩崎邸庭園內的洋館
( 圖片來源: yayayamamamama)

「草地」、「庭園」、「懷舊」呢啲都係文青Must like 元素！閒逛完手作人街之後，有時間的話亦可以穿過御徒町雜亂的下町，朝著湯島方向前進，去到呢個至今仍保留著明治時代風情的舊岩崎邸庭園，影下相，感受下歷史的味道。

呢座建築係 1896 年三菱的創始人—岩崎家的宅邸，是一座正統的歐式宅邸。現被認定為國家重要文化遺產的歷史建築，1 萬 5 千餘坪的佔地面積內有建築物 20 棟之多，裡面保存咗好多重要的歷史文物，愛好歷史的文青萬不能錯過！詳細資訊

第三站：湯島天滿宮（湯島天神）

( 圖片來源: Tokyo Convention & Visitors Bureau)

日本學生都會把他們的考試願望寫在木板上。( 圖片來源: yukishana)

初春時綻放的梅花 ( 圖片來源: yukishana)

同樣都喺湯島附近的仲有呢座神舍－－湯島天滿宮。嚟日本參拜神舍是常識吧！但呢個並非一般的神舍，佢供奉的正正是日本神話中掌管學問的學問之神「湯島天神」，一直都受到許多學者文人的崇拜，日本學生喺考試前夕都會嚟參拜一下，祈求考試順利。如果在每年初春 2 至 3 月的時候，仲可以欣賞到白梅綻放。呢個神舍特別的地方仲有整體以檜木建造，果然學問之神的神舍都寧舍有書卷氣！詳細資訊

返回：超級懶人包：東京旅行全玫略