大家都知，地球 70% 面積被水覆蓋，看似好多，其實不然，因為絕大部分都是海水。實情是淡水資源愈來愈少，除了污染之外，人類大量浪費食水也是原因之一。政府經常叫市民節約用水，原來沖涼時間減少 1 分鐘，就可以節省約 10 公升水，不過沖涼又真係幾舒服，尤其是炎炎夏日，沖個靚涼確實係賞心樂事。
假設每個人一日沖涼一次，每次 10 分鐘，大約就要用水 100 公升。全港約有七百多萬人，單單每日沖涼用水，就要 7 億公升的食水，萬宜水庫的儲水量大約 280,000,000 立方米，如果全部用來沖涼的話，都只能用 400 日左右。如果能慳水 70%，除了慳錢之外，亦可以減緩淡水資源的消耗。
Nebia 這款高科技花灑，據研發公司稱，利用流體力學的原理，將水花化成相當細小的水點，噴灑更大範圍的面積，比傳統花灑慳水 70%。若同時縮短沖涼時間的話，由 10 分鐘縮短成 8 分鐘，幾乎可以慳到一半食水。可是，Nebia 的售價不低，雖然未正式推出，但索價要 USD$400，大約 HK$3,000。香港人一向精打細算，香港水費不高，第二級水費每 1,000 公升只要 $4.16，即每日沖涼 10 分鐘大約要 4 毫子，$3,000 買一個慳水花灑，已經夠 20 年沖涼用，Nebia 可能不夠吸引。然而，不要忘記，淡水資源越來越少，水費只會越來越貴，而且減少用水，可能同時減少購買東江水的需要呢。
