近幾年網上不斷都有人出圖，話今日係電影《Back to the Future》，Marty Mcfly 同 Dr. Brown 去未來的日子。其實正確嘅《Back to the Future》之日係今日，即係 2015 年 10 月 21 日。不過電影中好多場景，到今時今日仍未發生，但至少有人就改裝一架 DMC-12 成全電動車。
《Back to the Future》第一集時，當 Marty Mcfly 去到 2015 年的未來，發現有懸浮滑板、自動烘亁風褸、立體電影《大白鯊 19》，雖然好多未實現，但都有類似的產品，起碼凌志研發磁浮滑板，立體電影都流行了好幾年。愛爾蘭 QUB 大學學生，將一部 DMC-12 改裝成電動車，安裝了一副 270 匹馬力的電動馬達，極速有 120mph（大約 190km/hr），而且會在 Mcfly 回到未來的日子，即 2015 年 10 月 21 日正式與大家見面，更會在大學舉行演講，但現在報名已經太遲，除非可以回到未來啦。
