文：Stephen
「去旅行，除咗『搭車又搭船』」，不少攝影人最怕就要帶一大堆「可能用得著」的拍攝器材：單反／無反似乎是 Must Have 的 Item 外，Action Cam、360 度全景相機又似乎唔少得，如果想拍攝效果好一點，仲要帶定閃光燈、補光燈或三腳架，相當費時失事！「帶」上述一大堆器材已經教人非常頭痕，如果講到要「用」的話，有時真是七頭六臂亦不能應付。
為了要應付成日「Full Gear」出動的朋友，有香港人就設計了一套名為 Pica-Pod 的一體式拍攝神棍系統。Pica-Pod 可以一次過將手機、Tablet、收音咪及 Action Cam 等同時安裝在「神棍」之上。而且 Pica-Pod 採用模組式設計，可以將不同的雲台或電話夾安裝在中軸的路軌上，設計靈活多變，而中軸的兩端亦可以分別接上小型三腳架、大型雲台和專用手柄，隨時應付不同的拍攝場景，最適合一班常常帶備多種拍攝 Gadget 的發燒友使用！
Pica-Pod 的「早鳥」價錢為 HK$600，若成功眾籌的話，各位 Backers 最快可以在今年 6 月可以收貨。同樣都係「眾籌」，身為港人的你，無理由唔撐自己人的出品嘛！
來源：Kickstarter
