人大左，顧慮多。買車開始追求實用，駕駛棍波 coupe 遊車河既日子就好似我地既青春咁一去不返。不過好在而家科技先進，要搵一部實用、好玩又高性能既四門房車，都有唔少選擇。今代既 Subaru WRX 已經脫離左 Impreza 車系獨立發展，除左性能最高既 WRX STI 之外，同系列其實仲有呢部叫做較為溫馴既 Subaru WRX 兩公升 Turbo 引擎版本。雖然無 STI 咁出名，但 WRX 既 268 匹馬力都唔係省油的燈，加埋配 VTD 中央差速既對稱式四輪驅動系統，同埋比上代硬 31% 既車架，講玩味唔會輸。
今次 DCFever 記者琳琳就會同我地一齊試下呢部 Subaru，喺一條濕滑既公路上試盡佢既 AWD 系統！
