風景攝影一向易學難精,既考驗攝影者對現場光影的捕捉,同時亦要求耐力、經驗,加上可遇不可求的運氣…一幅好作品可謂得來不易。加上現時網絡資訊與交通都十分發達,不少國內外知名景點的「影相位」都已經被大眾拍慣拍熟,在網上搜尋指定「例景」很易拍出「交到貨」的相片。要拍出來的「風景」不一樣,心思比器材的要求可能更高。今次八月份每月大獎「賞」得獎作品正是以〈三門仔天鏡〉為主題,一齊睇睇評審的評語吧!
評審 Felix So 個人檔案:
|
HKPA 創辦人兼商業攝影大師班導師 Felix So 簡介 蘇文郁先生(Felix So)是香港首屈一指的專業攝影師之一,擁有逾二十年豐富經驗,於業界享負盛名,一直為多家 4A 廣告公司、知名品牌及跨國集團提供服務,亦為 2006-08 年度香港專業攝影師公會會長。 蘇文郁先生熱心攝影教學,曾為香港正形設計學校及香港生產力促進局擔任講師,多次獲邀到港、澳、星、馬及內地任演講嘉賓。現為香港理工大學、香港城市大學及澳門理工學院之客席講師,及於 Fevaworks 及 UNiART School of Design 策劃統籌及任教數碼商業文憑課程。 於 2007 年成立的蘇文郁攝影同學會(www.fspaa.org.hk),致力以推動運用攝影技術回饋社會為宗旨,定期為單親兒童、長者及癌症病人舉辦拍攝日及短期免費攝影課程,以行動推動社會公益,至今受惠人數已超過 5,500 位。
Felix So 個人網站:
蘇文郁先生 (Felix So) 有關攝影界之公職名銜 : |
評審 Felix 今次選出 waddle 作品〈三門仔天鏡〉為八月份每月大獎「賞」得獎作品,以下是 Felix 評語︰
風景攝影最重要嘅元素,首要係天氣嘅配合,當然勤力及運氣亦缺一不可。以今次呢張作品為例,天時、地利、人和、技術及構圖皆備,再配合攝影師所選擇嘅拍攝地點,構成一幅出色作品。相中雲層嘅形態與倒影配合,Magic Hour 更係曇花一現,攝影師可捕捉到如此美景,亦係技術與經驗嘅考驗。而適當嘅後期亦非常重要,作品冷暖色配合得宜,令整體襯托出非常吸引嘅效果。
雖然現今科技先進,就算風雲變色、傾盆大雨來臨前夕,唔多唔少都可以預測。當然預測亦未必完全準確,所以運氣仍係成就佳作嘅要點,呢個未知因素亦成為攝影師孜孜不倦嘅理由。
最後 DCFever.com 恭喜 waddle 獲獎,並得到由 Microworks 送出 JOBY GorillaPod Focus(價值 HK$960),以示鼓勵,得獎者會有專人聯絡領獎事宜。
JOBY GorillaPod Focus |